Saturday, July 20, 2024
Lenovo

8 ອາຫານທີ່ມີປະໂຫຍດ ແຕ່ບໍ່ຄວນອຸ່ນຄືນ

ການອຸ່ນອາຫານກາຍ ເປັນວິຖີຊີວິດຂອງຄົນຮຸ່ນໃໝ່ ດ້ວຍເວລາທີ່ຈຳກັດ ພ້ອມທັງມີອາຫານສຳເລັດຮູບທີ່ມີຂາຍຢູ່ຢ່າງຫຼວງຫຼາຍ ເຮັດໃຫ້ຫຼາຍຄົນ ນຳເອົາອາຫານທີ່ກິນບໍ່ເໝິດເຂົ້າໄວ້ຢູ່ໃນຕູ້ເຢັນ ແລະເມື່ອຈະກິນອີກຄັ້ງ ກໍນຳເອົາອອກມາອຸ່ນຄືນ. ແຕ່ຮູ້ບໍ່ວ່າ ການອຸ່ນອາຫານຊຳ້ໆ ສາມາດເຮັດໃຫ້ເກີດໂທດຕາມມາໄດ້.

  • ຜັກຊະນາລີ່: ເປັນຜັກທີ່ມີປະໂຫຍດ ນິຍົມນຳມາປະກອບອາຫານໄດ້ຫຼາຍຢ່າງ, ມີສັບພະຄຸນຊ່ວຍລ້າງພິດ, ຫຼຸດຄວາມດັນເລືອດ, ຊ່ວຍເລື່ອງລະບົບຍ່ອຍອາຫານ, ແກ້ອາການແໜ້ນທ້ອງ, ​ເຈັບທ້ອງ. ແຕ່ບໍ່ຄວນນຳເອົາຜັກຊະນາລີ່ໄປອຸ່ນຄືນອີກ ເພາະຈະເຮັດໃຫ້ສານໄນເຕຣດ ທີ່ຢູ່ໃນຜັກຊະນາລີ່ກາຍເປັນພິດໄດ້.

  • ບີ ທຣູດ: ນິຍົມນຳມາຄັ້ນເປັນເຄື່ອງດື່ມສົດໆ ແລະໃສ່ຍຳສະຫຼັດ, ມີປະໂຫຍດໃນການຕ້ານອະນຸມູນອິດສະຫຼະ, ​ລ້າງສານພິດໃນຮ່າງກາຍ ແລະປະໂຫຍດອື່ນໆ ທັງຍັງເຕັມໄປດ້ວຍສານປະເພດໄນເຕຣດສູງ ຄືກັບຜັກຊະນາລີ່. ແຕ່ຖ້າມັນໄດ້ຮັບຄວາມຮ້ອນ ຈະເຮັດໃຫ້ເກີດພິດກັບຜູ້ທີ່ກິນໄດ້. ດັ່ງນັ້ນ ຄວນເຮັດໃຫ້ສຸກແລ້ວຈຶ່ງກິນຕອນເຢັນ ຫຼື ອາດຈະກິນສົດໆເລີຍກໍໄດ້.

  • ຜັກຫົມ: ເປັນຜັກທີ່ມີໂປຣຕິນສູງ ຊຶ່ງມີທັງວິຕາມິນ ແລະແຮ່ທາດທີ່ດີຕໍ່ຮ່າງກາຍຫຼາຍຊະນິດ ເຊັ່ນ ແຄວຊຽມ, ທາດເຫຼັກ, ແມັກນີຊຽມ, ວິຕາມິນ A, B ແລະK. ຖ້າເຮົານຳມາອຸ່ນໃຫ້ຮ້ອນ ສານໄນເຕຣດເຫຼົ່ານີ້ຈະປ່ຽນເປັນໄນເຕດ ແລະສານກໍ່ມະເຮັງ.

  • ເຫັດ: ເປັນພືດຊະນິດນຶ່ງ ມີຫຼາຍຊະນິດ ທັງຊະນິດທີ່ກິນໄດ້ ແລະກິນບໍ່ໄດ້, ອຸດົມໄປດ້ວຍວິຕາມິນ ແລະແຮ່ທາດຫຼາຍຢ່າງ. ແຕ່ຖ້າເຮົາຫາກນຳເອົາມາອຸ່ນຄືນຊຳ້ອີກ ກໍຈະເຮັດໃຫ້ໂປຣຕິນທີ່ມີຢູ່ໃນເຫັດເສື່ອມສະພາບ ແລະກໍ່ໃຫ້ເກີດອັນຕະລາຍຕໍ່ກະເພາະອາຫານໄດ້.

potato
  • ມັນຝຣັ່ງ: ເປັນອາຫານທີ່ມີຄຸນຄ່າທາງໂພຊະນາການສູງ, ແຕ່ຫຼັງຈາກເຮັດໃຫ້ສຸກແລ້ວ ຖ້າຫາກປະໄວ້ໃນອຸນຫະພູມຫ້ອງ ຫຼືເກັບໄວ້ໃນຕູ້ເຢັນ ຈະເຮັດໃຫ້ເກີດເຊື້ອ ໂບທູລິນຳ ແລະຖ້າໄດ້ຮັບຄວາມຮ້ອນຊຳ້ກໍຈະເຮັດໃຫ້ເກີດເປັນພິດຕາມມາ.

  • ຊີ້ນໄກ່: ປັດຈຸບັນຊີ້ນໄກ່ (ສ່ວນເອິກ) ກຳລັງເປັນທີ່ນິຍົມສຳລັບຄົນທີ່ຮັກສາສຸຂະພາບ ແລະມັກການອອກກຳລັງກາຍທີ່ສຸດ ເພາະມີໂປຣຕິນສູງແຖມໄຂມັນໜ້ອຍ. ແຕ່ອາຫານປະເພດນີ້ ຈະສູນເສຍປະໂຫຍດໄປເລີຍ ຖ້ານຳເອົາຊີ້ນໄກ່ໄປແຊ່ໄວ້ໃນຕູ້ເຢັນ ແລ້ວນຳມາອຸ່ນຊຳ້ ເພາະຈະເຮັດໃຫ້ໂປຣຕິນແປສະພາບ ແລະອາດເຮັດໃຫ້ເກີດບັນຫາໃນລະບົບທາງເດີນອາຫານໄດ້ອີກ.

  • ໄຂ່ຕົ້ມ: ເຖິງແມ່ນວ່າ ໄຂ່ຈະມີໂປຣຕິນສູງ ແຕ່ກໍບໍ່ຄວນສຳຜັດກັບຄວາມຮ້ອນອີກ. ການອຸ່ນໄຂ່ ໃນອຸນຫະພູມສູງ ອາດເຮັດໃຫ້ສົ່ງຜົນເສຍຕໍ່ລະບົບທາງເດີນອາຫານໄດ້.
  • ເຂົ້າ: ເຂົ້າກ້ອງ, ເຂົ້າຫອມມະລິ ເປັນເຂົ້າທີ່ມີປະໂຫຍດຊ່ວຍບຳລຸງຮ່າງກາຍ, ຟື້ນຟູ ແລະເພີ່ມພະລັງງານໃຫ້ແກ່ຮ່າງກາຍ.  ແຕ່ການອຸ່ນເຂົ້າຄືນອີກ ກໍອາດກໍ່ໃຫ້ເກີດໂທດໄດ້ຄືກັນ ເຖິງແມ່ນວ່າ ການອຸ່ນເຂົ້າອາດຈະບໍ່ໄດ້ສົ່ງຜົນໃຫ້ເກີດອາຫານເປັນພິດໂດຍກົງ, ແຕ່ອີກປະການນຶ່ງ ການວາງເຂົ້າສຸກທີ່ກິນບໍ່ເໝິດ ໄວ້ໃນອຸນຫະພູມຫ້ອງ ເມື່ອນຳໄປອຸ່ນຊຳ້ອີກ ກໍຈະເກີດສານພິດທີ່ເຮັດໃຫ້ປວດຮາກ ຫຼື ເຈັບທ້ອງໄດ້. ສະນັ້ນ ບໍ່ຄວນເອົາໄວ້ໃນຫ້ອງ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ