Saturday, April 26, 2025
Kbank Laos โอน รับ จ่าย

4 ສະໝຸນໄພ ແກ້ເຈັບຄໍ.

ເມື່ອມີອາການເຈັບຄໍ ຫຼາຍຄົນມັກຈະດື່ມນ້ຳໃສ່ ເພື່ອບັນເທົາອາການເຈັບຄໍ, ແຕ່ຖ້າອາການຍັງບໍ່ໄຄ ກໍຈະກິນຢາແກ້ໄອແທນ ເຊິ່ງການກິນຢາຫຼາຍ ອາດສົ່ງຜົນກະທົບຕໍ່ສຸຂະພາບໄດ້. ມື້ນີ້ ອິນໄຊລາວ ມີ 4 ສະໝຸນໄພ ແກ້ເຈັບຄໍມາແນະນຳກັນ.

  • ຂີງ: ເປັນໂຕເລືອກຂອງຫຼາຍໆຄົນ ທີ່ຮູ້ສຶກເຈັບຄໍ ເພາະມັນສາມາດຊ່ວຍຕ້ານການອັກເສບ  ລວມທັງຍັງສາມາດຊ່ວຍຂ້າເຊື້ອແບັກທີເຣຍ ທີ່ເປັນໂຕການຂອງອາການເຈັບຄໍໄດ້ອີກ. ວິທີໃຊ້ ແມ່ນນຳຂີງໄປຊອຍຕົ້ມກັບນຳ້ ແລ້ວມາຈິບເປັນຊາ ຫຼືຈະຫຍຳ້ຂີງສົດໆກໍໄດ້ ແຕ່ຖ້າຫາກບໍ່ມີເວລາ ຫຼືບໍ່ມັກກິນຂີງສົດ ກໍໃຫ້ນຳຂີງຜົງມາຊົງນຳ້ອຸ່ນດື່ມກໍຊ່ວຍບັນເທົາອາການເຈັບຄໍໄດ້ຄືກັນ.

  • ກະທຽມ: ກະທຽມເປັນສະໝຸນໄພໃນຄົວ ທີ່ມີລິດກະຕຸ້ນລະບົບພູມຄຸ້ມກັນໄດ້ຄືກັນກັບຢາຕ້ານຈຸລະຊີບ ທີ່ໃຊ້ໃນທາງການແພດ ແລະມີຄຸນປະໂຫຍດໃນການຕ້ານເຊື້ອແບັກທີເຣຍໄດ້ອີກ. ທ່ານ Michael Finkelstein ຜູ້ຊ່ຽວຊານຈາກ ນະຄອນ ນິວຢ໋ອກ ໄດ້ເປີດເຜີຍວ່າ: ກະທຽມເປັນສະໝຸນໄພທີ່ສາມາດປົວອາການເຈັບຄໍ ເນື່ອງຈາກການຕິດເຊື້ອໄດ້ ທັງຍັງຊ່ວຍຕໍ່ສູ້ກັບເຊື້ອໂຣກທີ່ເຮັດໃຫ້ເກີດອາການເຈັບຄໍໄດ້ອີກດ້ວຍ ເພາະວ່າມີສານອັນລິຊິນ (Allicin) ທີ່ຢູ່ໃນກະທຽມສົດນັ້ນເອງ. ລາວໄດ້ແນະນຳວ່າ ຖ້າຕ້ອງການໃຊ້ກະທຽມປິ່ນປົວອາການເຈັບຄໍ ແຕ່ບໍ່ມັກຄວາມຂິວຂອງມັນ ກໍໃຫ້ນຳເອົາກະທຽມເໝິດຫົວໄປອຸ່ນໃນເຕົາໄມໂຄເວັບ 10-15 ວິນາທີ ຫຼືຈະເຜົາໄຟກໍໄດ້ ແລ້ວຈຶ່ງນຳມາກິນ ຈະຊ່ວຍໃຫ້ກິ່ນຂິວຂອງກະທຽມຫຼຸດລົງໄດ້.

  • ຂີ້ໝິ້ນ: ສ່ວນຫຼາຍນິຍົມມາແຕ່ງກິ່ນ ຫຼື ແຕ່ງສີອາຫານເທົ່ານັ້ນ. ແຕ່ສັບພະຄຸນຂອງຂີ້ໝິ້ນ ຖືວ່າດີຫຼາຍຢ່າງ ເພາະສານ ເຄີຄູມິນ (Curcumin) ທີ່ຢູ່ໃນຂີ້ໝິ້ນ ມີລິດໃນການຕ້ານການອັກເສບໄດ້ ເໝາະກັບການນຳໄປໃຊ້ກ່ຽວກັບອາການເຈັບຄໍທີ່ເກີດຈາກການອັກເສບຂອງເປືອກໜັງຄໍ ແຖມຍັງຊ່ວຍຫຼຸດອາການໄອໄດ້ອີກດ້ວຍ. ວິທີໃຊ້ ກໍພຽງແຕ່ນຳຂີ້ໝິ້ນຜົງມາຊົງກັບນຳ້ອຸ່ນ ແລະເຕີມນຳ້ເຜິ້ງລົງໄປເລັກໜ້ອຍ, ຈິບຂະນະທີ່ອຸ່ນໆກໍຈະຊ່ວຍໃຫ້ຊຸ່ມຄໍ ແລະເຊົາເຈັບຄໍໄດ້ໄວຂຶ້ນ.

Golden onions on rustic wooden background
  • ຫົວຜັກບົ່ວ: ນອກຈາກກະທຽມແລ້ວ ຫົວຜັກບົ່ວກໍສາມາດປົວອາການເຈັບຄໍໄດ້ຄືກັນ ເພາະມັນມີສານຕ້ານອາການອັກເສບທີ່ມີປະສິດທິພາບຄືກັນ ແຖມຍັງຊ່ວຍຕ້ານເຊື້ອໄວຣັດ ແລະເຊື້ອແບັກທີເຣຍບາງຊະນິດໄດ້. ນອກນີ້ ຫົວຜັກບົ່ວ ຍັງຂຶ້ນຊື່ວ່າ ເປັນຢາຕ້ານເຊື້ອຈາກທຳມະຊາດທີ່ປອດໄພອີກ. ວິທີການໃຊ້ເພື່ອປົວອາການເຈັບຄໍ ກໍພຽງແຕ່ນຳເອົາຫົວຜັກບົ່ວ ມາສັບພໍມຸ່ນໆປະສົມກັບນຳ້ເຜິ້ງ 6 ອອນ (ປະມານ 177 ມີລີລິດ) ໜຶ້ງດ້ວຍໄຟອ່ອນໆປະມານ 2 ຊົ່ວໂມງ ຈາກນັ້ນນຳມາຊົງນຳ້ອຸ່ນ ຈິບຕະຫຼອດເໝິດມື້ຈະຊ່ວຍໃຫ້ອາການເຈັບຄໍບັນເທົາລົງໄດ້.

More from author

Related posts

Latest posts

ພຣະເຈົ້າແສນແຊ່!ພຣະພຸດທະຮູບອົງສັກສິດຂອງແຂວງບໍ່ແກ້ວ

ພຣະເຈົ້າແສນແຊ່ ທີ່ປະດິດສະຖານໄວ້ທີ່ ວັດສີບຸນເຮືອງ, ເມືອງຕົ້ນເຜິ້ງ, ແຂວງບໍ່ແກ້ວ ເ້ປັນອີກໜຶ່ງພຣະພຸດທຸຮູບອົງສັກສິດ ທີ່ປະຊາຊົນຊາວແຂວງບໍ່ແແກ້ວໃຫ້ຄວາມເຄົາລົບນັບຖື.

ວັດວິຊຸນນະຣາດ (ພຣະທາດໝາກໂມ) ນະຄອນຫຼວງພຣະບາງ

#ວັດວິຊຸນ ເປັນວັດທີ່ເກົ່າແກ່ໃນຫຼວງພະບາງ ສ້າງຕັ້ງຂຶ້ນໃນປີ 1512 ໃນສະໄໝຂອງ ເຈົ້າຊີວິດວິຊຸນນະລາດ (1501-1520) ໂຄງຫຼັງຄາມີສອງຊັ້ນ, ເປັນຊົງສິລະປະແບບຊາວພວນ, ມີ 12 ເສົາ, ລວງສູງ 30 ແມັດ. ໃນຂອບເຂດວັດວິຊຸນມີສະຖາປັດຕິຍະກໍາທີ່ລະອຽດອ່ອນທີ່ຊົງຄຸນຄ່າ ແລະ ງົດງາມ.

Vietjet ເປີດ​ຖ້ຽວ​ບິນ​ໄປ​ເກາະ​ໂກນ​ດ່າວ, ສະ​ເໜີ​ທາງ​ເລືອກ​ທີ່ຫຼາກຫຼາຍ​ ​ໃນການ​ທ່ອງ​ທ່ຽວ​ຫວຽດນາມ​ໃນ​ລະດູ​ຮ້ອນ​ນີ້

(ນະຄອນຫຼວງວຽງຈັນ, ວັນທີ 23 ເມສາ 2025) – Vietjet ເປີດຕົວ 2 ເສັ້ນທາງໂດຍກົງໃໝ່ເຊື່ອມຕໍ່ຮ່າໂນ້ຍ ແລະ ນະຄອນໂຮ່ຈີມິນ ກັບເກາະໂກນດ່າວ ເກາະທີ່ມີທຳມະຊາດສວຍງາມຂອງປະເທດຫວຽດນາມ, ການເປີດຕົວເສັ້ນທາງໃໝ່ນີ້ຈະຊ່ວຍປັບປຸງການເຊື່ອມຕໍ່ພາຍໃນຂອງສາຍການບິນ ​ແລະ ສະໜອງ​ຄວາມ​ສະດວກ​ໃຫ້​ນັກ​ທ່ອງ​ທ່ຽວ​ເຂົ້າ​ເຖິງ​ສະຖານທີ່ສຳຄັນດ້ານ​ປະຫວັດສາດ ​ແລະ ຈຸດໝາຍປາຍທາງອັນສັກສິດ​ຂອງ​ຫວຽດນາມ.