ທ່ານ ແດນ ເນຍຣີ, ຮອງປະທານຂອງບໍລິສັດ Meta ປະຈຳພາກພື້ນອາຊີ-ປາຊີຟິກ, ໄດ້ແບ່ງປັນກ່ຽວກັບອິດທິພົນຂອງການສົນທະນາ ແລະ ວິທີທີ່ສາມາດເຮັດໃຫ້ທຸລະກິດໃນທ້ອງຖິ່ນໃນປະເທດລາວ ສາມາດເຊື່ອມຕໍ່ກັບລູກຄ້າຂອງພວກເຂົາ ແລະ ສ້າງຄວາມເຕີບໂຕທາງທຸລະກິດຜ່ານ ການສົນທະນາອອນລາຍໄດ້.
ພວກເຮົາໄດ້ປະກາດຈັດກອງປະຊຸມຄັ້ງທຳອິດເຊິ່ງກ່ຽວກັບການນໍາໃຊ້ຂໍ້ຄວາມໃນທາງທຸລະກິດທີ່ມີຊື່ວ່າ: “Conversations” ເຊິ່ງຈະຈັດຂຶ້ນໃນເດືອນພຶດສະພານີ້. ເປັນສິ່ງທີ່ໜ້າຕື່ນເຕັ້ນຫຼາຍ ໂດຍສະເພາະໃນຂົງເຂດ ອາຊີ-ປາຊີຟິກຂອງພວກເຮົາ, ເນື່ອງຈາກມັນໄດ້ສະທ້ອນເຖິງການປ່ຽນແປງທີ່ເຮົາເຫັນ ຜູ້ຄົນມີປະຕິສຳພັນກັບທຸລະກິດຕ່າງໆ. ແລະ ພວກເຮົາໄດ້ເຫັນເຖິງພະລັງອັນຍິ່ງໃຫຍ່ ຂອງການສົນທະນາທາງຂໍ້ຄວາມໃນອອນລາຍ ເພື່ອຂັບເຄື່ອນການເຕີບໂຕທຸລະກິດໃນຮຸ່ນຕໍ່ໆໄປ.
ນີ້ບໍ່ແມ່ນພຶດຕິກຳທີ່ແປກໃໝ່, ເນື່ອງຈາກມີຜູ້ໃຊ້ງານຫຼາຍກວ່າພັນລ້ານຄົນໃນທົ່ວໂລກ ທີ່ຕິດຕໍ່ທຸລະກິດຜ່ານການບໍລິການທາງຂໍ້ຄວາມຂອງ Meta ໃນທຸກໆອາທິດ. ເຊິ່ງພວກເຮົາໄດ້ເວົ້າເຖິງການຄ້າຂາຍຜ່ານການສົນທະນາອອນລາຍມາເປັນເວລາຫຼາຍປີແລ້ວ ແລະ ຂໍ້ແທ້ຈິງໜຶ່ງກໍຄື ຜູ້ຄົນຕ້ອງການທີ່ຈະຕິດຕໍ່ພົວພັນກັບທຸລະກິດໄດ້ ໃນວິທີດຽວກັນກັບທີ່ພວກເຂົາສົນທະນາກັບໝູ່ເພື່ອນ ແລະ ຄອບຄົວຂອງເຂົາເຈົ້າ. ພວກເຂົາບໍ່ຕ້ອງການທີ່ຈະໂທ ແລະ ລໍຖ້າເມື່ອສາຍບໍ່ວ່າງ ຫຼື ສົ່ງອີເມວໂດຍທີ່ບໍ່ຮູ້ເລີຍວ່າມັນຖືກເປີດອ່ານແລ້ວຫຼືຍັງ. ພວກເຂົາພຽງຕ້ອງການທີ່ຈະສົ່ງຂໍ້ຄວາມ ແລະ ໄດ້ຮັບການຕອບກັບທີ່ໄວ ແລະ ເປັນສ່ວນຕົວ. ແຕ່ສິ່ງທີ່ໃໝ່ຄື ພືດຕິກຳດັ່ງກ່າວຍິ່ງເປັນທີ່ນິຍົມຂຶ້ນ ສືບເນື່ອງມາຈາກຊ່ວງການລະບາດຂອງພະຍາດໂຄວິດ-19. ໃນຂົງເຂດອາຊີ-ປາຊີຟິກ, ໂດຍສະເພາະໃນພູມີພາກອາຊີໃຕ້ ແລະ ອາຊີຕາເວັນອອກສຽງໃຕ້, ທຸລະກິດທັງໝົດແມ່ນດຳເນີນເທິງ WhatsApp ແລະ Messenger. ຊາວຄ້າຂາຍຄົນໜຶ່ງໄດ້ບອກກັບພວກເຮົາວ່າ ການເຂົ້າເວັບໄຊຕ໌ໃນທຸກມື້ນີ້ ກໍປຽບເໝືອນກັບການເຂົ້າໄປຮ້ານຄ້າທີ່ບໍ່ມີພະນັກງານຜູ້ໃດຊ່ວຍເຫຼືອທ່ານເລີຍ.
ໃນຂົງເຂດອາຊີ-ປາຊີຟິກ, ມີຫຼາຍລ້ານກວ່າທຸລະກິດໄດ້ຫັນປ່ຽນສູ່ການໃຊ້ງານເຄື່ອງມືເຫຼົ່ານີ້ ແລະ ກຳລັງຊອກຫາຄຸນຄ່າ ແລະ ປະໂຫຍດຈາກການສົນທະນາອອນລາຍເພື່ອຄ້າຂາຍຢູ່. ພວກເຮົາຮູ້ສຶກດີໃຈຫຼາຍທີ່ໃນປະເທດລາວ ກໍເປັນແບບນັ້ນເຊັ່ນດຽວກັນ. ເນື່ອງຈາກວິທີການນີ້ສາມາດສ້າງໂອກາດ ແລະ ຜົນປະໂຫຍດອັນມະຫາສານໃຫ້ແກ່ບັນດາທຸລະກິດຂະໜາດນ້ອຍ ແລະ ກາງ ໃນທ້ອງຖິ່ນທີ່ຍອມຮັບໃນຄ່ານິຍົມທາງດິຈີຕອນ ແລະ ການຄ້າຂາຍແບບສົນທະນາອອນລາຍ ເພື່ອທີ່ຈະສື່ສານກັບລູກຄ້າໄດ້ຫຼາຍຂຶ້ນ. ຕົວຢ່າງຄືກັບເລື່ອງລາວຂອງ ຮ້ານບົວພາ, ເຊິ່ງເປັນຮ້ານຂາຍເຄື່ອງສຳອາງທີ່ມີຊື່ສຽງ ທີ່ຈໍາໜ່າຍຜະລິດຕະພັນບໍາລຸງສຸຂະພາບ ແລະ ເຄື່ອງສຳອາງທີ່ຫຼາກຫຼາຍ. ໂດຍໃນຊ່ວງທີ່ລິເລີ່ມດຳເນີນທຸລະກິດທາງອອນລາຍໃໝ່ໆນັ້ນ, ຄອນເທັ້ນຂອງພວກເຂົາມີພຽງແຕ່ຮູບພາບ ແລະ ວິດີໂອໂປໂໝດເທົ່ານັ້ນ, ເຊິ່ງສິ່ງເຫຼົ່ານີ້ ແນ່ນອນວ່າມັນບໍ່ສາມາດຕອບໂຈດ ແລະ ພຽງພໍກັບຄວາມຕ້ອງການຂອງລູກຄ້າໄດ້, ເນື່ອງຈາກພວກເຂົາຕ້ອງການທີ່ຈະສົນທະນາ ແລະ ສອບຖາມກ່ຽວກັບສິນຄ້າຈາກຮ້ານທີ່ສາມາດເຊື່ອຖືໄດ້ ກ່ອນທີ່ພວກເຂົາຈະຕັດສິນໃຈຊື້. ສະນັ້ນ, ເມື່ອຕ້ອງການສ້າງປະສົບການທາງ Messenger ນີ້, ຮ້ານບົວພາ ໄດ້ແຕ່ງຕັ້ງແອັດມິນເພື່ອຮັບຜິດຊອບເພຈຂອງພວກເຂົາ, ຕັ້ງຄ່າການຕອບກັບອັດຕະໂນມັດ, ຮັບການຢືນຢັນອໍເດີ້, ກວດສອບຈຳນວນ ແລະ ສະຖານະການຈັດສົ່ງແບບສົດໆໄດ້ທັງໝົດທີ່ Messenger. ເຊິ່ງເມື່ອເວລາຜ່ານໄປ, ຮ້ານບົວພາ ຈຶ່ງໄດ້ຮຽນຮູ້ວ່າວິທີທີ່ວ່ອງໄວ ແລະ ໄດ້ຜົນທີ່ສຸດແມ່ນການເພີ່ມປະສົບການໃນການນຳໃຊ້ Messenger, ທີ່ເຮັດໃຫ້ພວກເຂົາສາມາດປະສົບຜົນສຳເລັດໄດ້ຄືກັບທຸກມື້ນີ້, ເນື່ອງຈາກວ່າ Messenger ແລະ WhatsApp ເປັນບ່ອນທີ່ເຮັດໃຫ້ພວກເຂົາສາມາດປິດການຂາຍໄດ້ຫຼາຍທີ່ສຸດ.
ເຖິງຢ່າງໃດກໍຕາມ, ຫຼາຍໆທຸລະກິດກໍຍັງສືບຕໍ່ເພິ່ງພາຊ່ອງທາງເດີມໆທີ່ໃຊ້ເວລາດົນ, ບໍ່ມີປະສິດຕິພາບ, ລາຄາສູງ ແລະ ບໍ່ເປັນທີ່ຕ້ອງການຂອງລູກຄ້າ. ພວກເຮົາຄິດວ່າມັນເຖິງເວລາແລ້ວທີ່ທຸກໆທຸລະກິດ ຄວນຄຳນຶງເຖິງປະສິດຕິພາບຂອງການສົນທະນາ. ເມື່ອພູມີພາກໄດ້ເປີດກວ້າງ ແລະ ຜູ້ຄົນເລີ່ມຄາດຫວັງເຖິງປະສົບການການຊື້ຂາຍແບບປະສົມປະສານຫຼາຍເທົ່າໃດ, ການຄ້າຂາຍຜ່ານຂໍ້ຄວາມກໍຍິ່ງເຕີບໂຕຂຶ້ນເທົ່ານັ້ນ. ມັນຈະບໍ່ມີຂໍ້ຈຳກັດໃນການຊື້ຂາຍອອນລາຍ ເຊິ່ງຜູ້ຄົນຕ້ອງການຄວາມຄ່ອງໂຕໃນການສັ່ງເຄື່ອງໃນຮ້ານຄ້າ ແລະ ສາມາດຈັດສົ່ງໄດ້ ຫຼື ສາມາດສອບຖາມກ່ຽວກັບຄວາມພ້ອມຂອງສິນຄ້າກ່ອນທີ່ຈະໄປຮັບເຄື່ອງດ້ວຍຕົວເອງ. ເຊິ່ງການສົນທະນາຜ່ານຂໍ້ຄວາມອອນລາຍສາມາດເຮັດໃຫ້ສິ່ງເຫຼົ່ານີ້ເປັນໄປໄດ້ ແລະ ເຊື່ອມຕໍ່ປະສົບການການຊື້ຂາຍທັງໝົດໄວ້ນຳກັນ.
ພວກເຮົາຮູ້ດີວ່າ ການປ່ຽນແປງໄປສູ່ທຸລະກິດແບບສົນທະນາອອນລາຍນັ້ນ ອາດຈະເຮັດໃຫ້ຜູ້ດຳເນີນທຸລະກິດຮູ້ສຶກກັງວົນໃນເບື້ອງຕົ້ນ. ແຕ່ຖ້າທ່ານກຳລັງຊອກຫາຫົນທາງທີ່ຈະພັດທະນາ ແລະ ຮຽນຮູ້ເພີ່ມເຕີມກ່ຽວກັບສິ່ງທີ່ເປັນໄປໄດ້ເຫຼົ່ານີ້, ເຮົາຂໍເຊີນທ່ານມາຮ່ວມຟັງໄປພ້ອມໆກັບພວກເຮົາໃນກອງປະຊຸມ “Conversations” ທີ່ຈະຈັດຂຶ້ນແບບອອນລາຍໃນວັນທີ 19 ເດືອນພຶດສະພານີ້. ໂດຍທ່ານຈະໄດ້ເຫັນຕັ້ງແຕ່ ເຄື່ອງມືລ່າສຸດໃນການໃຊ້ສົ່ງຂໍ້ຄວາມສົນທະນາໃນກຸ່ມ Family of Apps ຂອງພວກເຮົາ ໄປຈົນເຖິງຄວາມຮູ້ໃນທາງປະຕິບັດຜ່ານຂະບວນການເຈາະເລິກທາງເຕັກນິກ ແລະ ການສາທິດ, ເຊິ່ງທ່ານຈະໄດ້ຮູ້ວ່າທຸລະກິດຕ່າງໆສາມາດປະສົບຄວາມສຳເລັດໄດ້ແນວໃດຜ່ານເຄື່ອງມືສົນທະນາຂອງ Meta. ແລະ ຈະເປັນກ້າວທຳອິດທີ່ດີ ໃນການສ້າງຄວາມສຳພັນກັບລູກຄ້າຂອງທ່ານໃຫ້ແໜ້ນແຟ້ນຍິ່ງຂຶ້ນ ແລະ ກະກຽມທຸລະກິດຂອງທ່ານເພື່ອຄວາມພ້ອມສຳລັບການເຕີບໂຕ.
ທ່ານສາມາດລົງທະບຽນໄດ້ທີ່ນີ້: https://metaconversations.splashthat.com/. ຂ້າພະເຈົ້າຫວັງວ່າຈະໄດ້ພົບທ່ານໃນງານເດີ້!
#MetaforBusiness #businessmessaging #conversations #APAC
