ຄົນຍຸກນີ້ ພາກັນໃຊ້ສະມາດໂຟນ ເປັນຈຳນວນຫຼາຍ ແລະ ແຜ່ຫຼາຍ, ຂະນະທີ່ແສງຈາກໜ້າຈໍສະມາດໂຟນນັ້ນ, ສົ່ງຜົນກະທົບຫຼາຍ ທີ່ຫຼາຍຄົນຍັງບໍ່ຮູ້. ນອກຈາກນີ້ ໜ້າຈໍຄອມພິວເຕີ ແລະ ແທັບເລັດ ກໍຍັງສົ່ງຜົນເສຍເຊັ່ນກັນ ຖ້າຫຼາຍຄົນຍິ່ງເຮັດວຽກກັບໜ້າຈໍໝົດມື້ ນອກເໜືອຈາກເວລາເຮັດວຽກແລ້ວ ຍັງຕິດໜ້າຈໍ ສະມາດໂຟນ ຫຼື ແທັບເລັດອີກ ເພື່ອເຮັດກິດຈະກຳຕ່າງໆ. ສິ່ງທີ່ທ່ານຄວນຮູ້ ກໍຄື ມັນຈະນຳເອົາຜົນເສຍຫຼາຍຢ່າງມາສູ່ສຸຂະພາບຂອງທ່ານເອງ.
- ສົ່ງຜົນເສຍໃນດ້ານສາຍຕາ ເຊັ່ນ ຕາແຫ້ງ, ກ້າມຊີ້ນຕາເຮັດວຽກໜັກ ຫຼື ຈໍຮັບຕາທີ່ຜິດປົກກະຕິ.
- ສົ່ງຜົນເສຍຕໍ່ກ້າມຊີ້ນສ່ວນຕ່າງໆ ເຊັ່ນ ເຈັບຄໍ, ບ່າໄຫຼ່, ແຂນ, ນິ້ວລັອກ.
- ສະໝອງຕອບສະໜອງກັບສະມາດໂຟນ, ກະຕຸ້ນໃຫ້ສະໝອງເກີດຄວາມສຸກ ເຮັດໃຫ້ເກີດໂຣກຕິດສຸກ ແລະຢາກຫຼິ້ນຫຼາຍຂຶ້ນກວ່າເກົ່າ.
- ສະມາທິສັ້ນລົງ ສົ່ງຜົນຕໍ່ປະສິດທິພາບການເຮັດວຽກ.
- ເຮັດໃຫ້ເກີດໂຣກອ້ວນ ເພາະບໍ່ຄ່ອຍໄດ້ເຄື່ອນໄຫວຮ່າງກາຍ.
- ບໍ່ມີປະຕິສຳພັນກັບຄົນອ້ອມຂ້າງ.
- ມີບັນຫາດ້ານອາລົມ ເພາະບໍ່ມັກເຂົ້າສັງຄົມ ອາດກໍ່ໃຫ້ເກີດອາການຊຶມເສົ້າ.
- ມີບັນຫາການນອນ ເພາະວ່າແສງສີຟ້າຈາກເຄື່ອງມືສື່ສານ ສົ່ງຜົນຕໍ່ການຫຼັ່ງເມລາໂທນິນ ເຮັດໃຫ້ນອນບໍ່ຫຼັບ.
Hits: 15
