Monday, July 15, 2024
Lenovo

ເຄັດລັບດີໆ! ສ້າງຄວາມສຸກດ້ວຍໂຕເອງ

ຫຼາຍຄົນມັກຈະເບິ່ງຫາຄວາມສຸກ ແຕ່ຊ້ຳພັດບໍ່ເຄີຍຮູ້ເລີຍວ່າ ຄວາມສຸກນັ້ນ ສ້າງຂຶ້ນໄດ້ງ່າຍໆດ້ວຍໂຕທ່ານເອງ ໂດວຍບໍ່ຕ້ອງໄດ້ໄປຊອກຫາມັນຈາກບ່ອນອື່ນ ພຽງແຕ່ທ່ານຕ້ອງປ່ຽນມຸມມອງຂອງທ່ານໃໝ່ ທຳອິດທ່ານອາດຈະຄິດວ່າມັນຍາກ ແຕ່ຖ້າລອງຝຶກຝົນໄປເທື່ອລະໜ້ອຍ ເມື່ອທ່ານເກັ່ງຂຶ້ນ ທ່ານຈະເຮັດມັນໄດ້ງ່າຍໆແບບບໍ່ຕ້ອງພະຍາຍາມອີກເລີຍ.

ພາບປະກອບ
  • ຮັກໂຕເອງໃຫ້ຫຼາຍ.

ໃຫ້ທ່ານຈື່ໄວ້ວ່າ ຄຸນຄ່າຂອງທ່ານຂຶ້ນຢູ່ກັບມຸມມອງຂອງໂຕທ່ານເອງ ບໍ່ວ່າໃຜຈະເວົ້າ ຫຼື ເບິ່ງທ່ານວ່າຈັ່ງໃດກໍຕາມ ທ່ານບໍ່ຈຳເປັນຕ້ອງໄປສົນ ພຽງເປັນໂຕຂອງໂຕເອງໃຫ້ຫຼາຍທີ່ສຸດ ແລະ ເປັນຄຸນຄ່າໃນໂຕເອງໃຫ້ຫຼາຍຂຶ້ນ ເພາະຄວາມສຸກຈະເກີດຂຶ້ນໄດ້ກໍຕໍ່ເມື່ອ ທ່ານມີຄວາມສຸກກັບສິ່ງທີ່ໂຕເອງເປັນ ດັ່ງນັ້ນ, ທ່ານຈະຕ້ອງຮັກໂຕເອງກ່ອນ ເຖິງຈະມີຄວາມສຸກໄດ້ .

  • ຄາດຫວັງໃຫ້ໜ້ອຍລົງ.

ຄົສນເຮົາມັກຈະຄາດຫວັງກັບສິ່ງທີ່ຍັງມາບໍ່ທັນຮອດຢູ່ເປັນປະຈຳ ແລະ ນັ້ນກໍເປັຍສາເຫດຫຼັກທີ່ເຮັດໃຫ້ຊີວິດມັກພົບກັບຄວາມຜິດຫວັງຢູ່ຕະຫຼອດເວລາ ດັ່ງນັ້ນ, ເຮົາບໍ່ຄວນຄາດຫວັງສູງ ເພາະເວລາຜິດຫວັງມາ ຈະຮູ້ສຶກເສຍໃຈຢ່າງໜັກ ແຕ່ຄວນປ່ຽນເປັນບໍ່ຄາດຫວັງເລີຍ ຫຼື ຄາດຫວັງໃຫ້ໜ້ອຍລົງ ເວລາຜົນທີ່ອອກມາ ດີກວ່າທີ່ຄາດຫວັງເອົາໄວ້ ຈະເຮັດໃຫ້ເຮົາຮູ້ສຶກປະທັບໃຈຫຼາຍຂຶ້ນ.

  • ເຕັມໃຈຊ່ວຍເຫຼືອຄົນອື່ນຕະຫຼອດເວລາ.

ການຊ່ວຍເຫຼືອຄົນອື່ນໂດຍທີ່ບໍ່ຫວັງຜົນ ມັນເປັນຄວາມຮູ້ສຶກທີ່ດີກັບໂຕທ່ານເອງ ທ່ານບໍ່ຈຳເປັນຕ້ອງຫວັງຜົນຕອບແທນຈາກຄົນທີ່ທ່ານຊ່ວຍເລີຍ ແຕ່ທ່ານຈະໄດ້ມັນກັບມາທຸກຄັ້ງທີ່ທ່ານໄດ້ຊ່ວຍ ນັ້ນກໍຄື ຄວາມອີ່ມອົກອີ່ມໃຈຂອງທ່ານເອງ ແລະ ມັນຈະເຮັດໃຫ້ໂລກຂອງເຮົາເປັນຕາຢູ່ຫຼາຍຂຶ້ນອີກດ້ວຍ ຖ້າທຸກຄົນມີຄວາມເອື້ອອາທອນຕໍ່ກັນຫຼາຍໆ.

  • ຂອບໃຈກັບທຸກປະສົບການທີ່ຜ່ານເຂົ້າມາ.

ເວລາມີຄົນມາເຮັດໃຫ້ທ່ານຫງຸດຫງິດ ເປັນຕົ້ນແມ່ນ ເວລາທີ່ມີຄົນຂັບລົດມາຕັດໜ້າລົດທ່ານ ຖ້າລອງເບິ່ງໂລກໃນແງ່ດີກ່ອນ ເຂົາອາດຈະມີວຽກສຳຄັນແທ້ໆກໍໄດ້, ເຮົາບໍ່ມີທາງຮູ້ເລີຍ ແຕ່ການເຫັນໃຈຄົນອື່ນຫຼາຍຂຶ້ນ ແລະ າຮູ້ສຶກໃຈຮ້າຍໃຫ້ໜ້ອຍລົງ ຈະເຮັດໃຫ້ທ່ານເອງຮູ້ສຶກດີໃນມື້ນັ້ນໆ.

  • ກ້າທີ່ຈະລອງເຮັດສິ່ງໃໝ່ໆ.

ການເຮັດຫຍັງຊ້ຳໆ ຢູ່ຕະຫຼອດເວລາ ຊີວິດນີ້ຄົງໜ້າເບື່ອ ຖ້າທ່ານໄດ້ລອງເຮັດຫຍັງທີ່ສແປກໆ ໃໝ່ໆ ເພື່ອໃຫ້ຊີວິດມີສີສັນເບິ່ງແດ່ ປ່ຽນໂຕເອງໂດຍການເຮັດສິ່ງທີ່ບໍ່ເຄີຍຄິດວ່າຈະເຮັດມັນ ວິທີນີ້ຈະເຮັດໃຫ້ຊີວິດບໍ່ໜ້າເບື່ອຢ່າງທີ່ເຄີຍເປັນມາ ແລະ ຍັງຊ່ວຍໃຫ້ທ່ານໄດ້ປ່ຽນໂຕເອງເປັນຄົນທີ່ພ້ອມຈະເປີດຮັບສິ່ງຕ່າງໆຫຼາຍຂຶ້ນອີກດ້ວຍ.

  • ຮູ້ຈັກໃຊ້ວິທີຫວ່ານລ້ອມ.

ຖ້າທ່ານຕ້ອງການໃຫ້ໃຜຈັກຄົນຮັບຟັງ ແລະ ເຮັດຕາມສິ່ງທີ່ທ່ານຮຽກຮ້ອງ ຫຼື ບອກໃຫ້ທ່ານຕ້ອງໃຊ້ເຫດຜົນໃນການອະທິບາຍ ແລະ ໃຈເຢັນ ເພາະບໍ່ມີໃຜມັກຖືກບັງຄັບດອກ ຖ້າທ່ານໃຊ້ວິທີການຈົ່ມວ່າ ເພື່ອໃຫ້ເຂົາຮັບຮອງວ່າ ເຂົາຈະຄອຍຫຼີກໜີທ່ານແນ່ນອນ ທ່ານຕ້ອງຮຽນຮູ້ທີ່ຈະເວົ້າຈາດີໆ ເພື່ອໃຫ້ໄດ້ສິ່ງທີ່ຕ້ອງການ.

  • ລອງນັ່ງມິດໆ ຄົນດຽວເບິ່ງ.

ຖ້າທ່ານຮູ້ສຶກວ່າ  ຊີວິດມັກພົບພໍ້ແຕ່ຄວາມວຸ້ນວາຍ ແລະ ມັນເຮັດໃຫ້ທ່ານຮູ້ສຶກບໍ່ດີ ລອງໃຊ້ເວລາຢູ່ກັບໂຕເອງຈັກໄລຍະ ໃຫ້ເວລາໂຕເອງຢູ່ຄົນດຽວ ປ່ອຍໃຫ້ສະໝອງເປົ່າຫວ່າງ ແລະ ໃຊ້ເວລານີ້ຄິດທົບທວນເລື່ອງລາວຕ່າງໆໃນຊີວິດ ຈະຊ່ວຍໃຫ້ທ່ານຮູ້ສຶກສະຫງົບຫຼາຍຂຶ້ນ ແລະ ຄິດເລື່ອງບໍ່ດີໜ້ອຍລົງ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),