Saturday, July 20, 2024
Lenovo

ຊໍາຊຸງ ສະໜັບສະໜຸນງານແຂ່ງຂັນກິລາເທຄວັນໂດລາວ ເພື່ອສົ່ງເສີມໃຫ້ເມືອງປູຊານເປັນເຈົ້າພາບງານ World Expo 2030.

ບໍລິສັດ ລາວຊໍາຊຸງ ອີເລັກໂທຣນິກ ຈຳກັດຜູ້ດຽວ ໄດ້ມອບໂທລະສັບມືຖືຈຳນວນ 11​ ເຄື່ອງໃຫ້ກັບຜູ້ຊະນະການແຂ່ງຂັນເທຄວັນໂດ ຊິງຂັນເອກອັກຄະລັດຖະທູດ ສາທາລະນະລັດເກົາຫຼີ ຄັ້ງທີ 7, ໂດຍການແຂ່ງຂັນແມ່ນຈັດຂຶ້ນຊ່ວງວັນທີ 9-10 ກໍລະກົດ 2022 ທີ່ ສູນກິລາເທຄວັນໂດລາວ.

‘’ພວກເຮົາຮູ້ສຶກເປັນກຽດ ແລະ ຍິນດີທີ່ໄດ້ເປັນສ່ວນໜຶ່ງຂອງການແຂ່ງຂັນຄັ້ງນີ້ ແລະ ພວກເຮົາຮູ້ສຶກດີໃຈທີ່ວັດທະນະທຳເກົາຫລີທີ່ປະກອບດ້ວຍ ເພັງ, ຮູບເງົາ ແລະ ກິລາ ໄດ້ກາຍເປັນອີກໜຶ່ງກິດຈະກຳທີ່ສ້າງຄວາມສຸກ ແລະ ຄວາມບັນເທິງໃຫ້ກັບໄວໜຸ່ມລາວ ແລະ ພວກເຮົາຫວັງວ່າຈະມີໂອກາດນໍາສະເໜີກິດຈະກຳອື່ນໆສູ່ໄວໜຸ່ມລາວໃນອະນາຄົດ’’ ຕາງໜ້າບໍລິສັດ ລາວຊໍາຊຸງ ອີເລັກໂທຣນິກ ຈຳກັດຜູ້ດຽວ ກ່າວ.

“ຂ້າພະເຈົ້າຮູ້ສຶກດີໃຈຫຼາຍທີ່ໄດ້ຈັດການແຂ່ງຂັນເທຄວັນໂດຊິງຂັນທ່ານເອກອັກຄະລັດຖະທູດ ສາທາລະນະລັດເກົາຫຼີ ຄັ້ງທີ 7 ຂຶ້ນ, ເທຄວັນໂດ ເປັນກິລາໜຶ່ງທີ່ເປັນທີ່ນິຍົມໃນລາວ ເຊິ່ງປັດຈຸບັນມີສະໂມສອນຝຶກຊ້ອມປະມານ 30 ສະໂມສອນທົ່ວປະເທດ ແລະ ມີນັກກິລາປະມານ 2.500 ຄົນ, ການແຂ່ງຂັນຄັ້ງນີ້ ກໍເພື່ອເປັນເວທີໃຫ້ກັບນັກກິລາລາວ ໃນຫານຝຶກຝົນທັກສະເພື່ອກ້າວສູ່ເວທີສາກົນ ແລະ ເພື່ອສົ່ງເສີມຄວາມຮ່ວມມືທາງດ້ານການກິລາລະຫວ່າງ ສ.ເກົາຫຼີ ແລະ ສປປ ລາວ” ທ່ານ ອິມ ມູຮົງ, ເອກອັກຄະລັດຖະທູດ ສ.ເກົາຫຼີ ປະຈຳລາວ ກ່າວ.

ການສະໜັບສະໜູນງານຄັ້ງນີ້ ແມ່ນເປັນສ່ວນໜຶ່ງຂອງການສະໜັບສະໜູນຂອງຊໍາຊຸງທົ່ວໂລກ ເພື່ອສະເໜີຊື່ໃຫ້ ເມືອງປູຊານ ເປັນເຈົ້າພາບໃນການຈັດງານ World Expo 2030. ປະເທດເກົາຫຼີ ໄດ້ຜ່ານການຈັດງານໃຫ່ຍລະດັບໂລກມາຫຼາຍງານເຊັ່ນ: ກິລາໂອລິມປິກລະດູໜາວ, ເຕະບານໂລກ, ກິລາອາຊຽນ ແລະ ອື່ນໆ.

ເມືອງປູຊານ ເປັນເມືອງທີ່ຮູ້ຈັກກັນດີ ໃນເລື່ອງຂອງການຈະເລີນເຕີບໂຕແບບວ່ອງໄວ ຈາກເມືອງນ້ອຍໆ ສູ່ຈຸດສູນກາງທາງດ້ານເສດຖະກິດ ແລະ ວັດທະນະທຳທີ່ສຳຄັນ. ປູຊານປະກອບມີເນື້ອທີ່ 770 km² ແລະ ປະຊາກອນທັງໝົດມີ 3,5 ລ້ານຄົນ ແລະ ນອກຈາກນີ້ ປູຊານ ຍັງຖືກສະເໜີຊື່ ໂດຍອົງການ BIE ໃຫ້ເປັນເຈົ້າພາບຈັດງານ World Expo 2030 ອີກດ້ວຍ.

ທ່າເຮືອເໜືອຂອງປູຊານປະກອບມີເນື້ອທີ່ 3,44 ລ້ານຕາລາງແມັດ ເຊິ່ງຕັ້ງຢູ່ເຂດຕົວ ເມືອງປູຊານ, ສະຖານທີ່ດັ່ງກ່າວແມ່ນມີແຜນທີ່ຈະຖືກນຳໃຊ້ເປັນສະຖານທີ່ຈັດງານ World Expo in 2030 ພາຍໃຕ້ຫົວຂໍ້ງານ “Transforming Our World, Navigating toward a Better Future”. ພາຍໃນງານຈະປະກອບມີສິ່ງອຳນວຍຄວາມສະດວກເຊັ່ນ: ລະບົບຂົນສົ່ງ ແລະ ສັນຍາອິນເຕີເນັດ 6G ເພື່ອຮັບໃຊ້ແຂກໃນງານ World Expo 2030 ຕະຫລອດໄລຍະເວລາ 184 ມື້ ເຊິ່ງເລີ່ມຕັ້ງແຕ່ເດືອນ ພຶດສະພາ ຫາ ຕຸລາ 2030.

ດ້ວຍປະສົບການອັນຫຼາກຫຼາຍຂອງ ເກົາຫຼີ ໃນການຈັດງານລະດັບໂລກມາກ່ອນ ລວມທັງ ພູມສັນຖານຂອງ ເມືອງປູຊານ ທີ່ເຊື່ອວ່າຈະສາມາດເປັນເຈົ້າພາບໃນການຈັດງານຄັ້ງນີ້ໄດ້ຢ່າງປະສົບຜົນສຳເລັດ. ໃນໂອກາດນີ້, ບໍລິສັດ ລາວຊໍາຊຸງ ອີເລັກໂທຣນິກ ຈຳກັດຜູ້ດຽວ ຍັງຂໍການສະໜັບສະໜູນຈາກ ປະຊາຊົນລາວ ໃຫ້ກັບ ເກົາຫຼີ ໃນການສະເໜີຊື່ເປັນເຈົ້າພາບຈັດງານ World Expo 2030 ທີ່ ປູຊານ.

ການສະໜັບສະໜູນຂອງ ບໍລິສັດ ລາວຊໍາຊຸງອີເລັກໂທຣນິກ ຈຳກັດຜູ້ດຽວ ບໍ່ໄດ້ເປັນພຽງການສົ່ງເສີມໃຫ້ ປູຊານ ໄດ້ເປັນເຈົ້າພາບຈັດງານ World Expo 2030 ເທົ່ານັ້ນ ແຕ່ນີ້ຍັງເປັນອີກໜຶ່ງບາດກ້າວຂອງ ບໍລິສັດ ລາວຊໍາຊຸງ ອີເລັກໂທຣນິກ ຈຳກັດຜູ້ດຽວ ໃນການສະໜັບສະໜູນ ແລະ ສົ່ງເສີມທັກສະຂອງນັກກິລາເທຄວັນໂດລາວ ໃຫ້ກ້າວສູ່ລະດັບສາກົນ ແລະ ຫວັງວ່າ ໃນອະນາຄົດຈະສາມາດສືບຕໍ່ຊ່ວຍເຫຼືອກິດຈະກຳເຫຼົ່ານີ້ ເພື່ອເພີ່ມພູນສາຍສຳພັນຂອງສອງປະເທດ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.