Thursday, July 18, 2024
Lenovo

ນ້ຳຕົກຕາດຊາຍແດນ ເຂດພູສູງ ເມືອງ ສົບເບົາ ແຂວງ ຫົວພັນ

ນ້ຳຕົກຕາດຊາຍແດນເຂດພູສູງ ຕັ້ງຢູ່ບ້ານ ນ້ຳເຕີບ, ເມືອງ ສົບເບົາ, ແຂວງ ຫົວພັນ ເປັນອີກສະຖານທີ່ທ່ອງທ່ຽວແຫ່ງໜຶ່ງຂອງແຂວງ ຫົວພັນ ທີ່ມີຄວາມສວຍງາມດ້ວຍທຳມະຊາດ ມີຄວາມອຸດົມສົມບູນ ແລະ ເຕັມໄປດ້ວຍ ທັດສະນີຍະພາບທຳມະຊາດ, ພູຜາປ່າໄມ້

ຊຶ່ງຢູ່ຫ່າງຈາກເທດສະບານເມືອງ ສົບເບົາ ໄປທາງທິດຕາເວັນອອກ ຕາມເສັ້ນທາງເລກທີ່ 6B ປະມານ 28 ກິໂລແມັດ, ມີເນື້ອທີ່ສຳປະທານທັງໝົດ 6 ເຮັກຕາກວ່າ ໂດຍນ້ຳຕົກດັ່ງກ່າວ ເປັນການລົງທຶນສຳປະທານຂອງ ທ່ານ ເຍຍລີມົວ ນັກທຸລະກິດແຂວງຫົວພັນ

ໃນສະຖານທີ່ທ່ອງທ່ຽວແຫ່ງນີ້ປະກອບມີສິ່ງອຳນວຍຄວາມສະດວກ ແລະ ບັນດາກິດຈະກຳຫຼາຍຢ່າງ ເປັນຕົ້ນແມ່ນ ຂັ້ນໄດເຫຼັກຕັ້ງແຕ່ຫົວຕາດ ລົງມາຮອດຈຸດຜັກຜ່ອນປະມານ 765 ຂັ້ນ, ສ້າງສາຍສະລິງຍາວ 800 ກວ່າແມັດ, ສ້າງຂົວອູ່ຍາວ 140 ແມັດ ນອກນັ້ນ, ຍັງສ້າງຈຸດພັກເຊົາຕາມຂັ້ນໄດ, ສ້າງຕູບຜັກຜ່ອນ, ສ້າງໜອງປາ, ສວນສັດ, ເດີ່ນຈອດລົດ, ເດີນຈັດກິດຈະກຳ, ເດີນກິລາງົວຊົນ, ສ້າງເສັ້ນທາງລົງສູ່ເຂດທ່ອງທ່ຽວ, ສ້າງບ່ອນເກັບປີ້, ກໍ່ສ້າງເຮືອນພັກ ແລະ ອື່ນໆ

ສຳລັບການພັດທະນາເຂດດັ່ງກ່າວ ແມ່ນໄດ້ເລີ່ມມີການກໍ່ສ້າງມາແຕ່ ເດືອນ ມີນາ ປີ 2019 ເປັນຕົ້ນມາ ແລະ ໄດ້ຮັບການສະໜັບສະໜູນຈາກຄະນະພັກ, ອຳນາດການປົກຄອງບ້ານ ນ້ຳເຕີບ ແລະ ຄະນະພັກອຳນາດການປົກຄອງເມືອງ ສົບເບົາ, ເຊິ່ງມີອາຍຸສຳປະມານ 40 ປີ, ມູນຄ່າການກໍ່ສ້າງ ແລະ ລົງທຶນທັງໝົດ 539 ລ້ານກີບ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.