ຄ້າຍເພງ Newgen Entertainment ເປັນອີກໜຶ່ງຄ້າຍນ້ອງໃໝ່ ທີ່ສ້າງນັກຮ້ອງ, ນັກເຕັ້ນ ຮຸ່ນໃໝ່ທີ່ມີຄຸນນະພາບ ອອກມາ ແລະ ຫຼ້າສຸດ ທາງຄ້າຍກໍໄດ້ເປີດໂຕຜົນງານເພງໃໝ່ອອກມາ ໃນວັນທີ 22 ສິງຫາ 2022 ທາງ YouTube ທີ່ມີຊື່ວ່າເພງ “ເຂົ້າໃຈ” ເຊິ່ງຮ້ອງໂດຍ ຕ້ອມ Newgen ເຈົ້າຂອງຄ້າຍ ແລະ ນ້ອງ ໂມເມ gen6 ນັກຮ້ອງ Girl group ວົງໃໝ່ທີກຳລັງຈະເປີດໂຕ ໄວໆນີ້.
ແນວເພງ “ເຂົ້າໃຈ” ຈະອອກເປັນສະຕາຍ pop ຊຶ້ງໆ ທີ່ຖ່າຍທອດອາລົມຂອງສຽງໄດ້ເປັນຢ່າງດີ ແລະ ແນວດົນຕີປະສົມປະສານ ເປຍໂນ ກັບ ໄວໂອລີນ, ສ່ວນເນື້ອຫາຂອງເພງນີ້ ກໍຈະປຽບດັ່ງການຄິດບວກພ້ອມເຂົ້າໃຈກັບຄວາມເປັນຈິງ ແລະ ຍອມຮັບໃນສິ່ງທີ່ເກີດຂຶ້ນ ເຊິ່ງເປັນມຸມມອງຄວາມຮັກແບບຜູ້ໃຫຍ່ ສຳລັບ MV ຈະມາໃນຮູບແບບຮູບເງົາສັ້ນທີ່ຈະປ່ອຍອອກມາໃນໄວໆນີ້ ຖ້າຕິດຕາມກັນແດ່ເດີ້!.
ສຳລັບ ຕ້ອມ Newgen ທີ່ຈິງກໍ່ບໍຫ່າງຫາຍໄປໃສ ພຽງແຕ່ຫັນໂຕເອງມາຢູ່ເບື້ອງຫຼັງ ຊ່ວຍຊຸກດັນນ້ອງໆ ເຊິ່ງຕອນນີ້ກໍສ້າງຄ້າຍເປັນຂອງໂຕເອງ ຊື່ Newgen Entertainment ມີທັງສິນລະປິນນັກຮ້ອງ, ນັກສະແດງ, ໂມເດວ, ນັກເຕັ້ນ ແຕ່ຕອນນີ້ຖ້າເວົ້າເລື້ອງເພງ ແມ່ນຫຼາຍປີແລ້ວທີ່ບໍ່ໄດ້ຮ້ອງ ໂດຍເພງ “ເຂົ້າໃຈ” ນີ້ ຖືວ່າເປັນເພງເປີດໂຕການກັບມາກໍວ່າໄດ້ ແລະ ຈະຄ່ອຍໆກັບມາສ້າງຜົນງານໃຫ້ຫຼາຍຂຶ້ນອີກຮ່ວມກັບນ້ອງໆ ໃນຄ້າຍ.
ສ່ວນນ້ອງຊື່ ໂມເມ ທີ່ໜຸ່ມຕ້ອມຮ່ວມຮ້ອງເພງນຳ ກໍເປັນໜຶ່ງໃນນັກຮ້ອງໃໝ່ໃນສັງກັດຂອງຄ້າຍ Newgen ທີ່ກຽມປ່ອຍເພງໃໝ່ເປັນວົງ Girl group ຊື່ວ່າ Gen6 ທີ່ຈະເປີດໂຕໄວໆນີ້. ສຳລັບການຮ່ວມຮ້ອງເພງກັບນ້ອງນັ້ນ ຕ້ອມບອກວ່າ ເນື້ອສຽງຂອງນ້ອງເໝາະກັບເພງນີ້ ສະນັ້ນ ທາງຄ້າຍເລີຍເລືອກມາເປັນຄົນຮ່ວມຮ້ອງໃນບົດເພງນີ້.
ສຳລັບໃຜທີ່ຍັງບໍ່ທັນໄດ້ຟັງເພງນີ້ ກໍສາມາດເຂົ້າໄປຟັງ ແລະ ຕິດຕາມກັນໄດ້ທາງ YouTube ຫຼື ຕາມລິ້ງນີ້: https://bit.ly/3R5LEMw
Hits: 12
