Google Translate ແອັບແປພາສາ ຍອດນິຍົມທັງໃນ iOS ແລະ Android ແຕ່ເມື່ອບໍ່ດົນມານີ້ມີການພົບແອັບ ແປພາສາດັ່ງກ່າວ ມີໃຫ້ສາມາດໂຫລດຢູ່ PC ໄດ້ ເຊິ່ງສ່ຽງມີໄວຣັສຝັງໄວ້ໃນນັ້ນ.
ບໍລິສັດດ້ານຄວາມປອດໄພ Checkpoint Research (CRP) ໄດ້ໃຫ້ຮູ້ເຖິງການຄົ້ນພົບແຄມເປນໄວຣັສຂຸດເໝືອງ Crypto ທີ່ເຊື່ອງຢູ່ໃນແອັບທີ່ໜ້າເຊື່ອຖືເຊັ່ນ Google Translate ເຊິ່ງໂປແກຣມຈະດາວໂຫຼດໄວຣັສໃນຂະນະທີ່ເຮົາຕິດຕັ້ງສຳເລັັດ.
ນອກຈາກນັ້ນ, ຍັງພົບອີກຫຼາຍແອັບທີ່ເຊື່ອງໄວຣັສໄວ້ຄື Yandex Translate, Microsoft Translator, YouTube Music, ໂປແກຣມດາວໂຫລດ mp3 ແລະ ແອັບປີດຄອມອັດຕະໂນມັດ, ສຳລັບວິທີການເຮັດວຽກຂອງໄວຣັສໂຕນີ້ ຈະບໍ່ເຮັດວຽກທັນທີຫຼັງທີ່ຕິດຕັ້ງ ແຕ່ຈະລີ້ແບບນຽນໆ ເພື່ອໃຫ້ຜູ້ໃຊ້ງານຕາຍໃຈ ວ່າແອັບນັ້ນປອດໄພກ່ອນ ເຊິ່ງໄວຣັສຈະລະມັດລະວັງ ລໍຖ້າຈົນກວ່າຜູ້ໃຊ້ຈະໃຊ້ຕຄອມໄປຫຼາຍອາທິດຈຶ່ງຈະຕີນຽນລັກໃຊ້ຄອມພິວເຕີເພື່ອຂຸດຫຼຽນ Crypto.
ຂໍ້ມູນຈາກ: Techspot