ເນື່ອງຈາກພາຍຸມາອອນ ເຮັດໃຫ້ເກີດຜົນກະທົບຢ່າງຫຼວງຫຼາຍ ຢູ່ເມືອງໄຊ, ເມືອງຫຼາ ແລະ ເມືອງ ນາໝໍ້ ແຂວງ ອຸດົມໄຊ ໂດຍສະເພາະ ເມືອງໄຊ ທີ່ເປັນເທດສະບານແຂວງ ທີ່ໄດ້ຮັບຄວາມເສຍຫາຍໜັກທີ່ສຸດ ສັ້ນທາງຫຼາຍເສັ້ນໄດ້ຮັບຄວາມເສຍຫາຍ ໃນນັ້ນ ມີທາງຫຼວງແຫ່ງຊາດ 2 ເສັ້ນທີ່ໄດ້ຮັບຜົນກະທົບຢ່າງໜັກໜ່ວງ ແລະ ຂົວ 44 ແຫ່ງກໍຂາດ ຈົນເຮັດມຫ້ສັນຈອນລໍາບາກ.
ປະຈຸບັນ, ໄດ້ຮັບການແກ້ໄຂຊຸກເສີນແລ້ວຈໍານວນໜຶ່ງ ທ່ານ ຄຳແສງ ອາລີ ຫົວໜ້າພະແນກໂຍທາທິການ ແລະ ຂົນສົ່ງ ແຂວງ ອຸດົມໄຊ ໄດ້ໃຫ້ຮູ້ວ່າ ຫຼັງຈາກທີ່ນໍ້າແຫ້ງລົງ ກໍໄດ້ແກ້ໄຂທາງຫຼວງແຫ່ງຊາດ 2 ເສັ້ນແບບເລັ່ງດ່ວນ ເພື່ອໃຫ້ສັນຈອນໄປມາໄດ້.
ຕາມການຄາດຄະເນຂອງທາງຜູ້ຮັບຜິດຊອບ ກ່ຽວກັບຜົນເສຍຫາຍ ແລະ ງົບແະມານທີ່ຕ້ອງການເພື່ອທີ່ຈະຟື້ນຟູ ຢູ່ທີ່ 60 ກວ່າຕື້ ແຕ່ເຖິງວ່າຈະມີງົບປະມານທີ່ພຽງພໍ ກໍຍັງຕ້ອງໃຊ້ເວລາໃນການຟື້ນຟູເຖິງ 1-2 ປີ.
ຂໍ້ມູນຈາກ: Lao National Radio