ເຂົ້າລາວ ເຂົ້າດີ! ປະເທດຝຣັ່ງເຊັນສັນຍາ ຊື້-ຂາຍ ເຂົ້າກາຈໍາປາ ເບື້ອງຕົ້ນ 1 ພັນໂຕນຕໍ່ປີ

ບໍລິສັດຈໍາປາຫອມການຄ້າ ຂາອອກ-ຂາເຂົ້າຈໍາກັດຜູ້ດຽວ ບ້ານດອນໜູນ, ເມືອງໄຊທານີ, ນະຄອນຫຼວງວຽງຈັນ ຮ່ວມມືກັບ ບໍລິສັດ WECH GROS import-export ໄດ້ລົງນາມເຊັນສັນຍາຮ່ວມມື ຊື້-ຂາຍ ເຂົ້າເພື່ອ ສົ່ງເຂົ້າໄປຂາຍຢູ່ປະເທດຝຣັ່ງ ໃນເບື້ອງຕົ້ນຄາດວ່າຈະໃຫ້ສາມາດສົ່ງອອກໄປ 1 ພັນໂຕນ ມູນຄ່າ 1,2 ລ້ານໂດລາ.

ຕາມຂໍ້ມູນທີ່ທ່ານ ທ່ານ ນາງ ບຸນຮຽງ ພົມມີໄຊ ປະທານບໍລິສັດຈໍາປາຫອມການຄ້າ ໄດ້ໃຫ້ມາວ່າ: ໄລຍະຜ່ານມາກໍໄດ້ມີການສົ່ງເຂົ້າໄປປະເທດແບນຊິກ (ເບວຢ້ຽມ) ຈຳນວນ 2 ຄັ້ງ, ຄັ້ງທໍາອິດ 50 ໂຕນ ແລະ ຄັ້ງທີ 2 ປະມານ 200 ໂຕນ ແລະ ຈະມີຄັ້ງທີ 3 ໃນໄວໆນີ້ ເນື່ອງຈາກຄວາມຕ້ອງການມີເພີ່ມຂຶ້ນ ຄາດຄະເນປະມານ 200 ໂຕນ.

ປະເທດຝຣັ່ງ ມີຄວາມຕ້ອງການໃນການບໍລິໂພກເຂົ້າໜຽວຫຼາຍຂຶ້ນ ເລີຍເຮັດໃຫ້ເຂົ້່າຂອງລາວເຮົາ ເປັນອີກໜຶ່ງທາງເລືອກໜຶ່ງໃນການສົ່ງອອກໄປຈໍາໜ່າຍຢູ່ຫ້າງຊັບພະສິນຄ້າຢູ່ປະເທດຝຮັ່ງ ຄາດວ່າໃນທ້າຍປີ 2022 ຫຼື ຕົ້ນປີ 2023 ແລະ ຄາດວ່າຈະໃຫ້ສາມາດສົ່ງອອກເຂົ້າໜຽວ ສະເລ່ຍ 1 ພັນໂຕນ ມູນຄ່າ 1,2 ລ້ານໂດລາສະຫະລັດ.

ນອກຈາກນັ້ນ, ທາງບໍລິສັດຈໍາປາຫອມການຄ້າ ມີເນື້ອທີ່ໃນການປູກເຂົ້າ 600 ກວ່າເຮັກຕາ ແລະ ມີປະຊາຊົນເຂົ້າຮ່ວມໃນການປູກເຂົ້າ 600 ກວ່າຄອບຄົວ ພ້ອມໃນການຮັກສາມາດຕະຖານ ໃນການຜະລິດເຂົ້ານັບແຕ່ການປູກຈົນຮອດຂອດການປຸງແຕ່ງ ເພື່ອສົ່ງອອກໄປຕ່າງປະເທດ.

ທີ່ມາ: Lao Economic Daily

More from author

Related posts

Latest posts

ປະຫວັດ ພຣະທາດຫຼວງວຽງຈັນ

ພະທາດຫຼວງວຽງຈັນຕັ້ງຢູ່ສົ້ນສຸດທາງທິດຕາເວັນອອກຂອງຖະໜົນທາດຫຼວງ ບ້ານ ທາດຫຼວງ ເມືອງໄຊເສດຖາ ນະຄອນຫຼວງວຽງຈັນ ເປັນປູຊະນິຍະສະຖານບູຮານອັນເປັນສັນ ຍະລັກຂອງປະເທດລາວ ແລະ ເປັນມິ່ງຂັວນຂອງປະຊາຊົນລາວກໍຄືຊາວພຸດທັງສອງຟາກຝັ່ງ ແມ່ນ້ຳຂອງ. ຕາມຕຳນານອຸລັງຄະທາດ ພະທາດຫຼວງຖືກສ້າງຂຶ້ນເທື່ອທີໜຶ່ງໃນ ປີ ພ.ສ 236 (ກ່ອນ ຄ.ສ 307 ປີ) ສະໄໝສ້າງເມືອງວຽງຈັນ, ໂດຍພຣະເຈົ້າ ຈັນທະບຸຣີ ປະສິດທິຈັກ ພ້ອມດ້ວຍພຣະ ອໍຣະຫັນຫ້າອົງ (ພຣະສົງລາວ) ທີ່ກັບມາຈາກການສຶກສາທຳມະ ແລະ ໄດ້ນຳເອົາພຣະບໍຣົມມະທາດ (ກະດູກ) ຂອງພຣະພຸດທະເຈົ້າມາຈາກປະເທດອິນເດຍ.

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...