ອົງການປົກຄອງເມືອງນ້ຳບາກ ຈະຈັດເທດສະການໝາກກ້ຽງປະຈຳປີ 2022 ທ້າຍເດືອນຕຸລາ ນີ້ ແລະ ໄດ້ແຕ່ງຕັ້ງຄະນະຊີ້ນຳ-ອານຸກຳມະການຕ່າງໆ, ຜ່ານແຜນດຳເນີນງານເທດສະການໝາກກ້ຽງນ້ຳບາກໂດຍກຳນົດໄລຍະເວລາຈັດງານ 2 ວັນ.
ທ່ານ ວັນແພງ ອຸດທະວີສັກ ຫົວໜ້າຫ້ອງວ່າການເມືອງ ຍັງໄດ້ໃຫ້ຮູ້ອີກວ່າ ສຳລັບງານໃນປິນີ້ຈະມີງານວາງສະແດງຂາຍຜົນຜະລິດຂອງຫມາກກ້ຽງ, ການປະ ກວດລົດຊາດໝາກກ້ຽງ, ປະກວດນາງສາວໝາກກ້ຽງ, ງານວາງສະແດງສິນຄ້າຫັດຖະກຳແຜ່ນແພ ຍອມສີທຳມະຊາດ ທີ່ເປັນເອກະລັກ, ອາຫານພື້ນບ້ານ, ຜະລິດ ຕະພັນໄຄແຜ່ນ, ສະແດງສີລະປະວັນນະ ຄະດີ, ການເດີນຂະບວນກ້ອນກໍາລັງຂອງຊາວບ້ານ ທີ່ຕິດພັນກັບການປູກໝາກກ້ຽງ ຈຳນວນ 14 ຂະບວນ, ຂະບວນບ້ານທ່ອງທ່ຽວ ແບບປະຊາຊົນມີສ່ວນ ຮ່ວມ ບ້ານນາຍາງໃຕ້ ແລະອື່ນໆ.
ການຈັດງານຄັ້ງນີ້ ກໍເພື່ອເປັນການພື້ນຟູ ແລະ ສົ່ງເສີມການທ່ອງທ່ຽວພາຍໃນ ສົ່ງເສີມການອານຸລັກຮັກສາ ແລະ ສົ່ງເສີມມູນເຊື້ອຄວາມດຸໝັ່ນຂອງຊາວກະສິກອນ ສວນໝາກກ້ຽງ ອີກດ້ວຍ.
ທີ່ມາ: ພອນສັກ ສິງດາລັກ (ນັກຂ່າວເມືອງນ້ຳບາກ)
Hits: 7
