Wednesday, July 17, 2024
Lenovo

“ບຣາເດີ ປະເທດໄທ” ຊຸກຍູ້ “ຮ້ານ ໄອເຊັນເຕີ” ຂຶ້ນເປັນຕົວແທນຈໍາໜ່າຍ “BMB” ສຸດຍອດແບຣນເຄື່ອງສຽງຊັ້ນນຳຈາກປະເທດຍີ່ປຸ່ນຢ່າງເປັນທາງການ ພ້ອມກຽມບຸກຕະຫຼາດເຄື່ອງສຽງມາຕະຖານສາກົນເຕັມຮູບແບບໃນ ສປປ ລາວ.

ວັນທີ 24 ມີນາ 2023 “ບຣາເດີ ປະເທດໄທ” ຈັດງານ “BMB Premium  Real Sound”  ຂຶ້ນ ທີ່ໂຮງແຮມຄຣາວພຣາຊາ ວຽງຈັນ ສປປ ລາວ ເພື່ອເປີດໂຕຮ້ານໄອເຊັນເຕີ ໃນຖານະຕົວແທນຈໍາໜ່າຍເຄື່ອງສຽງ BMB ສຸດຍອດແບຣນຊັ້ນນຳຈາກປະເທດຍີ່ປຸ່ນຢ່າງເປັນທາງການ ນອກຈາກນີ້ພາຍໃນງານຍັງມີການຈັດສະແດງຊຸດເຄື່ອງສຽງລະດັບພຣີມ້ຽມ  ລວມເຖິງເຕັກໂນໂລຊີອັນທັນສະໄໝທີ່ເປັນສິດທິພິເສດສະເພາະຈາກ  “BMB”  ອີກຢ່າງຫຼວງຫຼາຍ

ສຳລັບ “BMB”  ຖືເປັນແບຣນເຄື່ອງສຽງທີ່ໄດ້ຮັບຄວາມນິຍົມຢ່າງຫຼວງຫຼາຍໃນປະເທດໄທ ແລະ ຫຼາຍໆປະເທດດ້ວຍຄຸນະພາບມາຕະຖານລະດັບໂລກ ທີ່ສາມາດນໍາໄປໃຊ້ໄດ້ໃນຫຼາກຫຼາຍກິດຈະກຳ ແລະ ທຸລະກິດ

ຫຼັງຈາກສະຖານະການ ການແຜ່ລະບາດຂອງພະຍາດໂຄວິດ – 19 ເລີ່ມຫຼຸດຜ່ອນລົງຢ່າງຕໍ່ເນື່ອງໃນລະຫວ່າງໄຕມາດ 3 ຂອງປີ 2022  ຄາດການວ່າໃນປີ 2023 ການທ່ອງທ່ຽວ ການຈັດປະຊຸມ ແລະ ສຳມະນາໃນຮູບແບບຕ່າງໆ ລວມເຖິງກຸ່ມທຸລະກິດດ້ານຄວາມບັນເທີງເລີ່ມກັບມາຟື້ນຕົວອີກຄັ້ງ ທັງໃນປະເທດໄທ ແລະ ກຸ່ມປະເທດ CLMV ໂດຍສະເພາະໃນ ສປປລາວ ເຮັດໃຫ້ແບຣນເຄື່ອງສຽງພຣີມ້ຽມກາຍເປັນອີກໜຶ່ງທຸລະກິດທີ່ໜ້າສົນໃຈ

ດ້ວຍການເຕີບໂຕຢ່າງວ່ອງໄວຂອງເສດຖະກິດຫຼາຍພາກສ່ວນໃນ ສປປລາວ ບວກກັບຄຸນະພາບ ແລະ ຄວາມທົນທານຂອງ “ເຄື່ອງສຽງ BMB ສຸດຍອດແບຣນຊັ້ນນຳຈາກປະເທດຍີ່ປຸ່ນ ” ເຮັດໃຫ້ “ບຣາເດີປະເທດໄທ” ມີແຜນຊຸກຍູ້ສົ່ງເສີມໃຫ້ “BMB”  ໃຫ້ສາມາດແຂ່ງຂັນໃນດ້ານເຄື່ອງສຽງໃນ ສປປ ລາວ ຜ່ານ “ຮ້ານໄອເຊັນເຕີ” ເຊິ່ງໄດ້ຮັບການແຕ່ງຕັ້ງໃຫ້ເປັນຕົວແທນຈໍາໜ່າຍຢ່າງເປັນທາງການ ເພື່ອຕອບໂຈດກັບ life style ດ້ານຄວາມບັນເທີງຂອງຜູ້ບໍລິໂພກ ແລະຜູ້ປະກອບການສະຖານບັນເທີງໃນ ສປປ ລາວ ທີ່ກຳລັງປ່ຽນແປງໄປຢ່າງຕໍ່ເນື່ອງ

“BMB”  ເປັນແບຣນເຄື່ອງສຽງສັນຊາດຍີ່ປຸ່ນທີ່ມີຄວາມຊ່ຽວຊານ ແລະ ໂດດເດັ່ນຫຼາຍ ຈົນໄດ້ຮັບການຍົກຍ້ອງຈາກທົ່ວໂລກໃນດ້ານຄຸນະພາບສຽງ ເຊິ່ງມີຫົວໃຈຫຼັກຢູ່ທີ່ “ການຜະລິດດອກລຳໂພງ” ດ້ວຍເຈ້ຍຄຸນະພາບ ຕ້ອງໃຊ້ອົງປະກອບນ້ຳທີ່ມີຄຸນະພາບສູງ ຈາກແຫຼ່ງນໍ້າທໍາມະຊາດບໍລິສຸດໃກ້ພູເຂົາໄຟຟູຈິ ແລະ ກວດສອບຄຸນະພາບສຽງໂດຍຜູ້ຊ່ຽວຊານເພື່ອໃຫ້ໄດ້ມາຕະຖານດຽວກັນທຸກອັນ

ນອກຈາກນີ້ລຳໂພງຂອງ “BMB”  ໃນແຕ່ລະລຸ້ນ ຍັງໄດ້ມີການພັດທະນາຈຸດເດັ່ນ ແລະ ລັກສະນະຂອງສຽງທີ່ແຕກຕ່າງກັນອອກໄປ ເພື່ອຕອບສະໜອງການໃຊ້ຊີວິດໃນທຸກຮູບແບບ ບໍ່ວ່າຈະເປັນສຽງກາງທີ່ຄົມຊັດ ຫຼື ສຽງທຸ້ມທີ່ເປັນເອກະລັກ  ເຮັດໃຫ້ໄດ້ສໍາຜັດເຖິງຄວາມໝາຍຂອງຄຳວ່າ “Premium Real Sound” ຢ່າງແທ້ຈິງ

ທັງນີ້, ລະບົບເຄື່ອງສຽງ BMB ທີ່ບຣາເດີປະເທດໄທນຳເຂົ້າມາຈຳໜ່າຍມີຫຼາຍເຖິງ 24 ລຸ້ນ ປະກອບໄປດ້ວຍເຄື່ອງຂະຫຍາຍສຽງ, ລຳໂພງ,  soud processor, ໄມໂຄໂຟນທັງແບບສາຍ Dynamic Microphone ແລະ ແບບໄຮ້ສາຍ Wireless Microphone

ສຳລັບຜູ້ທີ່ສົນໃຈໃນ ສປປ ລາວ

ສາມາດຕິດຕໍ່ຕົວແທນຈຳໜ່າຍ “BMB”

ສຸດຍອດເຄື່ອງສຽງຊັ້ນນຳຈາກປະເທດຍີ່ປຸ່ນຢ່າງເປັນທາງການໄດ້ທີ່ເຟສບຸກ  iCenter Lao ຫຼື ໂທ. +856 20 55 525 354

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.