ເສດຖະກິດໃນປັດຈຸບັນເຮັດໃຫ້ຫຼາຍຄົນເກີດບັນຫາໃນການນໍາໃຊ້ເງິນ ບາງຄົນອາດມີລາຍໄດ້ໜ້ອຍກວ່າລາຍຈ່າຍ ແລະ ມີເງິນໃຊ້ບໍ່ພຽງພໍ ເຖິງຈະປະຢັດຫຼາຍເທົ່າໃດກໍຕາມ ຈົນພາໃຫ້ເກີດບັນຫາທາງການເງິນ, ຖ້າເວົ້າເລື່ອງການເງິນ ບໍ່ແມ່ນແຕ່ເລື່ອງຂອງຕົວເລກ ແລະ ການຄໍານວນເທົ່ານັ້ນ ການເງິນຍັງມີເລື່ອງຂອງແນວຄິດ ການລົງທຶນ ແລະ ການໃຊ້ຊີວິດ ທີ່ຈະຊ່ວຍໃຫ້ເຮົາສາມາດຄວບຄຸມການເງິນຂອງເຮົາຢ່າງເປັນປະໂຫຍດໄດ້.
ເຊັ່ນດຽວກັບແນວຄວາມຄິດຂອງ Warren Buffett ນັກລົງທຶນທີ່ປະສົບຜົນສຳເລັດທີ່ສຸດໃນໂລກ ໄດ້ໃຫ້ຂໍ້ຄິດກ່ຽວກັບການໃຊ້ເງິນ ເຊິ່ງເປັນແນວຄວາມຄິດທີ່ຈະຊ່ວຍໃຫ້ເຮົາເຂົ້່າໃຈຫຼັກການທາງການເງິນໄດ້ດີ ເຊິ່ງມີພຽງແຕ່ 6 ຂໍ້ຫຼັກໆດັ່ງນີ້:
1. ລາຍໄດ້ຄວນມີຫຼາຍກວ່າ 1 ແຫ່ງ
ເພາະຖ້າເຮົາມີລາຍໄດ້ພຽງແຫ່ງດຽວນັ້ນຫາຍໄປ ກໍຈະເຮັດໃຫ້ເຮົາບໍ່ມີເງິນໃຊ້ໃນທັນທີ ຂໍ້ນີ້ແມ່ນການບໍລິຫານຄວາມສ່ຽງຂອງລາຍໄດ້ ຕົົວຢ່າງ: ທ້າວ. ກ ມີລາຍໄດ້ 2 ລ້ານກີບຕໍ່ເດືອນຈາກທີ່ເຮັດວຽກປະຈຳ ແຕ່ວ່າ ທ້າວ.ຂ ມີລາຍໄດ້ 2 ລ້ານກີບ ຈາກບໍລິສັດ 1 ລ້ານກີບ ແລະ ຈາກລາຍໄດ້ອິດສະຫຼະ 1 ລ້ານກີບ ເພາະຖ້າທາງໜຶ່ງບໍ່ມີລາຍໄດ້ ກໍຍັງມີອີກທາງໜຶ່ງເປັນທຶນສໍາຮອງ.
2. ບໍ່ຄວນໃຊ້ເງິນຊື້ຂອງໃຊ້ທີ່ບໍ່ມີຄວາມຈຳເປັນ
ບາງຄົນໃຊ້ເງິນຊື້ຂອງໃຊ້ທີ່ບໍມີຄວາມຈໍາເປັນມາເກັບໄວ້ເຕັມບ້ານ ອາດເປັນເພາະໂປໂມຊັນທາງການຕະຫຼາດ ລົດ ແລກ ແຈກ ແຖມ ແຕ່ໃນຄວາມເປັນຈິງແລ້ວມັນບໍ່ແມ່ນສິ່ງຂອງທີ່ມີຄວາມຈຳເປັນ ເພາະເມື່ອເງິນໝົດອາດຈະຕ້ອງຂາຍສິ່ງຂອງທີ່ມີຄວາມຈຳເປັນແທ້ໆອອກໄປ.
3. ໄດ້ເງິນມາແລ້ວໃຫ້ອອມກ່ອນ ເຫຼືອແລ້ວຄ່ອຍນໍາໃຊ້
ການອອມເງິນຫຼາຍຄົນອາດຄິດວ່າ ການອອມຄືເຫຼືອຈາກການໃຊ້ຈ່າຍແລ້ວຄ່ອຍມາອອມໄວ້ ແຕ່ຄວາມຈິງແລ້ວຖ້າເຮົາເຮັດແບບນັ້ນຈະບໍ່ເຫຼືອຫຍັງໃຫ້ອອມ ສະນັ້ນຖ້າຮັບເງິນມາແລ້ວໃຫ້ອອມກ່ອນ ເຫຼືອແລ້ວຄ່ອຍນໍາເງິນມາໃຊ້.
4. ຫາກຈະລອງເຮັດຫຍັງທີ່ມີຄວາມສ່ຽງກໍຕ້ອງເພື່ອທາງຖອຍເອົາໄວ້ແນ່
ການຮັບຄວາມສ່ຽງຄວາມສ່ຽງຄືສິ່ງທີ່ຄຸມເຄືອ ຫຼື ສິ່ງທີ່ຍັງບໍ່ຮູ້ ສົົມມຸດວ່າເຮົາຕ້ອງການຂ້າມໄປອີກບ່ອນໜຶ່ງໂດຍທີ່ມີແມ່ນໍ້າກັ້ນເຄິ່ງໄວ້ ພວກເຮົາບໍ່ຮູ້ວ່າແມ່ນໍ້ານັ້ນເລິກປານໃດໂດຍເອົາຂາສອງຂ້າງນັ້ນໄປຈຸ່ມລົງເບິ່ງຄວາມເລິກ ຖ້ານໍ້າເລິກເຮົາຕ້ອງຕາຍແນ່ນອນ ການລົງທຶນກໍ່ເຊັ່ນການຖ້າສ່ຽງຫຼຍເຮົາອາດໝົດໂຕ ເພາະສະນັ້ນຫາກຈະລອງເຮັດຫຍັງທີ່ມີຄວາມສ່ຽງກໍຕ້ອງເພື່ອທາງຖ່ອຍເອົາໄວ້ແນ່.
5. ບໍ່ຄວນວາງໄຂ່ລົງໃນກະຕ່າບ່ອນດຽວກັນ
ຖ້າປຽບທຽບໄຂ່ຄືເງິນ ໃນຍາມທີ່ເຮົາລົງທຶນໄວ້ບ່ອນດຽວທັງໝົດ ກໍໝາຍຄວາມວ່າ ຖ້າບໍ່ດີກໍບໍ່ດີທັງໝົດ ດັ່ງນັ້ນ ບໍ່ຄວນວາງໄຂ່ລົງໃນກະຕ່າບ່ອນດຽວກັນ ການລົງທຶນຄວນມີການກະຈາຍຄວາມສ່ຽງ ເລືອກລົງທຶນໃນອຸດສາຫະກຳທີ່ມີຄວາມແຕກຕ່າງ ຫາກອຸດສາຫະກຳໜຶ່ງຕົກ ອີກອຸດສາຫະກຳໜຶ່ງລຸ້ງ ກໍຈະເຮັດໃຫ້ສ້າງຄວາມສົມດຸນຂອງລາຍໄດ້ໄປໄດ້ຕະຫຼອດ.
6. ຄວາມຊື່ສັດມີລາຄາແພງ ບໍ່ຄວນຄາດຫວັງກັບຄົນລາຄາຖືກ
ເວົ້າອີກຢ່າງແມ່ນ ຫາກເຮົາຈະລົງທຶນໃຫ້ເລືອກລົງທຶນກັບຄົນທີ່ມີຄວາມຊື່ສັດ ເຊັ່ນ ລົງທຶນກັບບຸກຄົນຫຼືບໍລິສັດ ທີ່ມີທີມຜູ້ຖືຫຸ້ນທີ່ມີຄວາມຊື່ສັດ ໂປ່ງໃສກົງໄປກົງມາກວດສອບໄດ້ ມີຄວາມໜ້າເຊື່ອຖື ເພາະເຮົາຈະສາມາດຄາດຫວັງໄດ້ຫຼາຍກວ່າ.
