ໂຕ້ ໂຊແມນ ນັກສະແດງຫຸ່ນນິ້ງຄົນທຳອິດຂອງລາວ 

ຫຼາຍທ່ານຄົງຈະເຄີຍເຫັນການສະແດງຫຸ່ນນິ້ງໜ້າຂາວ ຜ່ານທາງໂທລະພາບ, ໂຊຊ້ຽວມີເດຍ ແລະ ງານຕ່າງໆ ຢູ່ຕ່າງປະເທດມາແລ້ວ, ແຕ່ສຳລັບຢູ່ໃນປະເທດລາວ ການສະແດງຫຸ່ນນິ້ງຖືວ່າຍັງໃໝ່ ແລະ ບໍ່ຄ່ອຍມີຄົນເຮັດ ແຕ່ປັດຈຸບັນ ຖືວ່າເປັນສັນຍານທີ່ດີ ທີ່ຈະເຮັດໃຫ້ການສະແດງຫຸ່ນນິ້ງໃນລາວ ເປັນທີ່ຮູ້ຈັກຫຼາຍຂຶ້ນ ແລະ ກາຍເປັນອາຊີບໃໝ່ທີ່ເກີດຂຶ້ນໃນລາວ.

ຫຼ້າສຸດ ທ້າວ ແສງດາວລົມ ອິນສີຊຽງໃໝ່ ຫຼື ເປັນທີ່ຮູ້ຈັກໃນນາມ “ໂຕ້ ໂຊແມນ” ໄດ້ກາຍເປັນນັກສະ ແດງຫຸ່ນນິ້ງຄົນລາວຜູ້ທຳອິດ ທີ່ໄດ້ອອກງານທຳອິດຢູ່ໃນລາວ ໃນງານເປີດໂຕໂທລະສັບມືຖືລຸ້ນໃໝ່ຂອງບໍລິສັດຊຳຊຸງ ເມື່ອບໍ່ດົນມານີ້ທີ່ສູນການຄ້າພາກຊັນ.

ແສງດາວລົມ ກ່າວວ່າ: ໂຕເອງບໍ່ເຄີຍຄິດວ່າຈະມາເປັນນັກສະແດງຫຸ່ນນິ້ງ ເນື່ອງຈາກວ່າກ່ອນໜ້ານີ້ໂຕເອງເປັນນັກສະແດງມາຍາກົນ, ຕາຫຼົກ, ແຕ່ງສຸດມາສຄັອດຕາມງານຕ່າງໆ ເພື່ອເປັນອາຊີບລ້ຽງໂຕເອງ ແລະ ຄອບຄົວ ໂດຍທີ່ມີ ພໍ່ເລີດມະນີ ອິນສີຊຽງໃໝ່ ເປັນແຮງບັນດານໃຈໃນການເຮັດອາຊີບນີ້.

ແຕ່ມາຮອດປີ 2018 ໄດ້ມາຮູ້ຈັກກ່ຽວກັບການສະແດງຫຸ່ນນິ້ງຈາກຢູທູບ ດ້ວຍຄວາມມັກໃນການສະແດງ, ຢາກຮຽນຮູ້ສິ່ງໃໝ່ໆ ຈຶ່ງໄດ້ມາສຶກສາ ແລະ ລອງຝຶກຝົນໂຕເອງ ຈົນມາຮອດປີ 2020 ເຂົາກໍໄດ້ຮັບງານສະແດງຫຸ່ນນິ້ງເທື່ອທຳອິດຢູ່ “ງານວັນເດັກ” ທີ່ປະເທດໄທ.

ພາຍຫຼັງທີ່ໄດ້ຮັບງານຢູ່ໄທໄດ້ 3 ງານ ໂຄວິດ-19 ກໍເຂົ້າມາລະບາດ ເຮັດໃຫ້ຂ້າມໄປປະເທດໄທບໍ່ໄດ້ ແລະ ຈຳເປັນຕ້ອງໄດ້ຢຸດການສະແດງນີ້ໄປເຖິງ 3 ປີ, ແຕ່ຕະຫຼອດໄລຍະເວລາ 3 ປີທີ່ບໍ່ໄດ້ຮັບງານການສະແດງຫຸ່ນນິ້ງ ແສງດາວລົມ ກໍບໍ່ເຄີຍຄິດຈະລົ້ມເລີກການສະແດງນີ້ ແຕ່ຍິ່ງເພີ່ມທັກສະການຮຽນຮູ້ ແລະ ພັດທະນາໃຫ້ໂຕເອງເກັ່ງຂຶ້ນຢູ່ສະເໝີ ຈົນເຮັດໃຫ້ເຂົາມີທັກສະເພີ່ມຂຶ້ນ ແລະ ກັບມາຮັບງານອີກຄັ້ງໃນງານເປີດໂຕໂທລະສັບລຸ້ນໃໝ່ຂອງຊຳຊຸງ ຊຶ່ງຖືວ່າເປັນງານໃຫຍ່ທີ່ສຸດທີ່ເຂົາເຄີຍຮັບມາ ແລະ ກໍເປັນການຮັບງານຄັ້ງທຳອິດຢູ່ໃນປະເທດລາວນຳອີກ.

“ຂ້ອຍຮູ້ສຶກຕື່ນເຕັ້ນ ແລະ ດີໃຈຫຼາຍ ກັບການທີ່ໄດ້ຮັບງານການສະແດງຫຸ່ນນິ້ງອີກຄັ້ງ ເພາະບໍ່ຄິດວ່າຈະມີຄົນສົນໃຈຈ້າງຢູ່ໃນປະເທດລາວ” ແສງດາວລົມ ກ່າວ.

ເມື່ອຖາມເຖິງການຝຶກໃນການສະແດງເປັນຫຸ່ນນິ້ງ ແສງດາວລົມ ບອກວ່າ: ການຝຶກສະມາທິສຳຄັນທີ່ສຸດ, ຈາກນັ້ນກໍຝຶກຄວາມອົດທົນໃນການຢືນ ເຮັດແນວໃດຈຶ່ງຈະເຮັດໃຫ້ເຮົາຢືນໄດ້ດົນ ແລະ ນິ້ງທີ່ສຸດ “ຂ້ອຍເຄີຍຢືນເປັນຫຸ່ນນິ້ງຢູ່ເທິງແທ່ນດົນທີ່ສຸດແມ່ນ 2 ຊົ່ວໂມງ” ແສງດາວລົມ ກ່າວ.

ແສງດາວລົມ ກ່າວຕື່ມອີກວ່າ: “ຂ້ອຍດີໃຈຫຼາຍທີ່ໄດ້ເຮັດໃນສິ່ງທີ່ໂຕເອງມັກ ແລະ ສິ່ງທີ່ຂ້ອຍມັກນັ້ນ ເປັນອີກອາຊີບໜຶ່ງ ທີ່ສາມາດສ້າງລາຍຮັບໃຫ້ຂ້ອຍໄດ້ ຊຶ່ງເດືອນ 1 ມີລາຍຮັບສະເລ່ຍຢູ່ທີ່ 5 ລ້ານກີບຂຶ້ນໄປ ແຕ່ຖ້າເດືອນໃດມີງານເທດສະການຫຼາຍໆ ກໍຈະມີລາຍໄດ້ບໍ່ຕ່ຳກວ່າ 20 ກີບ”.

ແນວໃດກໍດີ ເຖິງວ່າອາຊີບໃໝ່ນີ້ຈະມີລາຍຮັບຂ້ອນຂ້າງດີ ແຕ່ບຸກຄະລາກອນທີ່ເຮັດອາຊີບນີ້ຢູ່ບ້ານເຮົາຍັງມີໜ້ອຍ ບໍ່ພຽງພໍກັບຄວາມຕ້ອງການຂອງລູກຄ້າ ສະນັ້ນ, ແມ່ນໃຜທີ່ສົນໃຈຢາກຝຶກ ຢາກຮຽນຮູ້ການສະແດງກ່ຽວກັບຫຸ່ນນິ້ງ ກໍຍິນດີສອນໃຫ້ເພື່ອນຳໄປປະກອບເປັນອາຊີບໄດ້ ເພາະການສະແດງຫຸ່ນນິ້ງ ຖືວ່າເປັນອີກທາງເລືອກໜຶ່ງ ໃນການສີສັນ ແລະ ສ້າງຄວາມມ່ວນຊື່ນໃຫ້ກັບງານຕ່າງໆໄດ້.

ຫຼາຍທ່ານຄົງຈະເຄີຍເຫັນການສະແດງຫຸ່ນນິ້ງໜ້າຂາວ ຜ່ານທາງໂທລະພາບ, ໂຊຊ້ຽວມີເດຍ ແລະ ງານຕ່າງໆ ຢູ່ຕ່າງປະເທດມາແລ້ວ, ແຕ່ສຳລັບຢູ່ໃນປະເທດລາວ ການສະແດງຫຸ່ນນິ້ງຖືວ່າຍັງໃໝ່ ແລະ ບໍ່ຄ່ອຍມີຄົນເຮັດ ແຕ່ປັດຈຸບັນ ຖືວ່າເປັນສັນຍານທີ່ດີ ທີ່ຈະເຮັດໃຫ້ການສະແດງຫຸ່ນນິ້ງໃນລາວ ເປັນທີ່ຮູ້ຈັກຫຼາຍຂຶ້ນ ແລະ ກາຍເປັນອາຊີບໃໝ່ທີ່ເກີດຂຶ້ນໃນລາວ.

ຫຼ້າສຸດ ທ້າວ ແສງດາວລົມ ອິນສີຊຽງໃໝ່ ຫຼື ເປັນທີ່ຮູ້ຈັກໃນນາມ “ໂຕ້ ໂຊແມນ” ໄດ້ກາຍເປັນນັກສະ ແດງຫຸ່ນນິ້ງຄົນລາວຜູ້ທຳອິດ ທີ່ໄດ້ອອກງານທຳອິດຢູ່ໃນລາວ ໃນງານເປີດໂຕໂທລະສັບມືຖືລຸ້ນໃໝ່ຂອງບໍລິສັດຊຳຊຸງ ເມື່ອບໍ່ດົນມານີ້ທີ່ສູນການຄ້າພາກຊັນ.

ແສງດາວລົມ ກ່າວວ່າ: ໂຕເອງບໍ່ເຄີຍຄິດວ່າຈະມາເປັນນັກສະແດງຫຸ່ນນິ້ງ ເນື່ອງຈາກວ່າກ່ອນໜ້ານີ້ໂຕເອງເປັນນັກສະແດງມາຍາກົນ, ຕາຫຼົກ, ແຕ່ງສຸດມາສຄັອດຕາມງານຕ່າງໆ ເພື່ອເປັນອາຊີບລ້ຽງໂຕເອງ ແລະ ຄອບຄົວ ໂດຍທີ່ມີ ພໍ່ເລີດມະນີ ອິນສີຊຽງໃໝ່ ເປັນແຮງບັນດານໃຈໃນການເຮັດອາຊີບນີ້.

ແຕ່ມາຮອດປີ 2018 ໄດ້ມາຮູ້ຈັກກ່ຽວກັບການສະແດງຫຸ່ນນິ້ງຈາກຢູທູບ ດ້ວຍຄວາມມັກໃນການສະແດງ, ຢາກຮຽນຮູ້ສິ່ງໃໝ່ໆ ຈຶ່ງໄດ້ມາສຶກສາ ແລະ ລອງຝຶກຝົນໂຕເອງ ຈົນມາຮອດປີ 2020 ເຂົາກໍໄດ້ຮັບງານສະແດງຫຸ່ນນິ້ງເທື່ອທຳອິດຢູ່ “ງານວັນເດັກ” ທີ່ປະເທດໄທ.

ພາຍຫຼັງທີ່ໄດ້ຮັບງານຢູ່ໄທໄດ້ 3 ງານ ໂຄວິດ-19 ກໍເຂົ້າມາລະບາດ ເຮັດໃຫ້ຂ້າມໄປປະເທດໄທບໍ່ໄດ້ ແລະ ຈຳເປັນຕ້ອງໄດ້ຢຸດການສະແດງນີ້ໄປເຖິງ 3 ປີ, ແຕ່ຕະຫຼອດໄລຍະເວລາ 3 ປີທີ່ບໍ່ໄດ້ຮັບງານການສະແດງຫຸ່ນນິ້ງ ແສງດາວລົມ ກໍບໍ່ເຄີຍຄິດຈະລົ້ມເລີກການສະແດງນີ້ ແຕ່ຍິ່ງເພີ່ມທັກສະການຮຽນຮູ້ ແລະ ພັດທະນາໃຫ້ໂຕເອງເກັ່ງຂຶ້ນຢູ່ສະເໝີ ຈົນເຮັດໃຫ້ເຂົາມີທັກສະເພີ່ມຂຶ້ນ ແລະ ກັບມາຮັບງານອີກຄັ້ງໃນງານເປີດໂຕໂທລະສັບລຸ້ນໃໝ່ຂອງຊຳຊຸງ ຊຶ່ງຖືວ່າເປັນງານໃຫຍ່ທີ່ສຸດທີ່ເຂົາເຄີຍຮັບມາ ແລະ ກໍເປັນການຮັບງານຄັ້ງທຳອິດຢູ່ໃນປະເທດລາວນຳອີກ.

“ຂ້ອຍຮູ້ສຶກຕື່ນເຕັ້ນ ແລະ ດີໃຈຫຼາຍ ກັບການທີ່ໄດ້ຮັບງານການສະແດງຫຸ່ນນິ້ງອີກຄັ້ງ ເພາະບໍ່ຄິດວ່າຈະມີຄົນສົນໃຈຈ້າງຢູ່ໃນປະເທດລາວ” ແສງດາວລົມ ກ່າວ.

ເມື່ອຖາມເຖິງການຝຶກໃນການສະແດງເປັນຫຸ່ນນິ້ງ ແສງດາວລົມ ບອກວ່າ: ການຝຶກສະມາທິສຳຄັນທີ່ສຸດ, ຈາກນັ້ນກໍຝຶກຄວາມອົດທົນໃນການຢືນ ເຮັດແນວໃດຈຶ່ງຈະເຮັດໃຫ້ເຮົາຢືນໄດ້ດົນ ແລະ ນິ້ງທີ່ສຸດ “ຂ້ອຍເຄີຍຢືນເປັນຫຸ່ນນິ້ງຢູ່ເທິງແທ່ນດົນທີ່ສຸດແມ່ນ 2 ຊົ່ວໂມງ” ແສງດາວລົມ ກ່າວ.

ແສງດາວລົມ ກ່າວຕື່ມອີກວ່າ: “ຂ້ອຍດີໃຈຫຼາຍທີ່ໄດ້ເຮັດໃນສິ່ງທີ່ໂຕເອງມັກ ແລະ ສິ່ງທີ່ຂ້ອຍມັກນັ້ນ ເປັນອີກອາຊີບໜຶ່ງ ທີ່ສາມາດສ້າງລາຍຮັບໃຫ້ຂ້ອຍໄດ້ ຊຶ່ງເດືອນ 1 ມີລາຍຮັບສະເລ່ຍຢູ່ທີ່ 5 ລ້ານກີບຂຶ້ນໄປ ແຕ່ຖ້າເດືອນໃດມີງານເທດສະການຫຼາຍໆ ກໍຈະມີລາຍໄດ້ບໍ່ຕ່ຳກວ່າ 20 ກີບ”.

ແນວໃດກໍດີ ເຖິງວ່າອາຊີບໃໝ່ນີ້ຈະມີລາຍຮັບຂ້ອນຂ້າງດີ ແຕ່ບຸກຄະລາກອນທີ່ເຮັດອາຊີບນີ້ຢູ່ບ້ານເຮົາຍັງມີໜ້ອຍ ບໍ່ພຽງພໍກັບຄວາມຕ້ອງການຂອງລູກຄ້າ ສະນັ້ນ, ແມ່ນໃຜທີ່ສົນໃຈຢາກຝຶກ ຢາກຮຽນຮູ້ການສະແດງກ່ຽວກັບຫຸ່ນນິ້ງ ກໍຍິນດີສອນໃຫ້ເພື່ອນຳໄປປະກອບເປັນອາຊີບໄດ້ ເພາະການສະແດງຫຸ່ນນິ້ງ ຖືວ່າເປັນອີກທາງເລືອກໜຶ່ງ ໃນການສີສັນ ແລະ ສ້າງຄວາມມ່ວນຊື່ນໃຫ້ກັບງານຕ່າງໆໄດ້.

More from author

Related posts

Advertismentspot_img

Latest posts

Microsoft ເປີດຕົວ Copilot for Finance ຜູ້ຊ່ວຍ AI ສໍາລັບຜູ້ຊ່ຽວຊານດ້ານການເງິນ.

Microsoft ປະກາດເປີດໂຕ Microsoft Copilot for Finance ເຊິ່ງເປັນຊຸດຄວາມສາມາດໃໝ່ລ້າສຸດຂອງ Copilot ໂດຍຄວາມສາມາດນີ້ ສາມາດໃຊ້ແຕ່ສໍາລັບລູກຄ້າທຸລະກິດທີ່ໃຊ້ Microsoft Copilot for Microsoft 365 ທີ່ພັດທະນາຄວາມສາມາດສໍາລັບການເງິນໂດຍສະເພາະ. ຄຸນນະສົມບັດທີ່ສໍາຄັນຂອງ Copilot for Finance ແມ່ນຈະເຮັດວຽກຮ່ວມກັບແອັບ Microsoft ໃນ Microsoft 365,...

4 ເລື່ອງໜ້າຮູ້ ຂອງປີ “ອະທິກະມາດ”

ປີ “ອະທິກະມາດ” ຫຼື ເອີ້ນແບບເຂົ້າໃຈງ່າຍໆວ່າ ເປັນປີທີ່ “ເດືອນ ກຸມພາ ມີ 2 ມື້” ເຊິ່ງມີອີ່ຫຍັງຫຼາຍກວ່າການສະຫຼອງວັນເກີດໃນຮອບ 4 ປີ.

ທຸລະກິດ ການລ້ຽງໄກ່ພັນໄຂ່ ພົບບັນຫາລາຄາຫົວອາຫານທີ່ເພີ່ມຂຶ້ນ.

ທ່ານ ເຈົ້າແຂວງຜົ້ງສາລີ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ຊຸກຍູ້ທຸລະກິດ ການລ້ຽງໄກ່ພັນໄຂ່ ຂອງຄອບຄົວ ທ່ານ ຄໍານວນ ທີ່ບ້ານນາຫວາຍ ເມືອງບຸນໃຕ້ ເຊິ່ງປັດຈຸບັນ ມີໄກ່ພັນໄຂ່ທັງໝົດ 1.300 ໂຕ, ສໍາລັບຂໍ້ຫຍຸ້ງຍາກໃນການລ້ຽງໄກ່ພັນໄຂ່ນີ້ແມ່ນບັນຫາ ລາຄາຫົວອາຫານ ທີ່ເພີ່ມຂຶ້ນເນື່ອງຈາກສະພາບເສດຖະກິດປັດຈຸບັນ ຈຶ່ງເຮັດໃຫ້ຕົ້ນທຶນສູງຂຶ້ນຈາກປີກ່ອນ (2023) ເປົາໜຶ່ງ 260.000 ກີບ ມາເປັນ 330.000 ກີບ, ແຕ່ລາຄາໄຂ່ແມ່ນຍັງປົກກະຕິ ຈຶ່ງເຮັດໃຫ້ມີຄວາມຫຍຸ້ງຍາກ ແລະ ສະເໜີໃຫ້ຂັ້ນເທິງຊ່ວຍໃນດ້ານຂອງການສະໜອງຫົວອາຫານໄກ່, ປາ.

Want to stay up to date with the latest news?

We would love to hear from you! Please fill in your details and we will stay in touch. It's that simple!