ໝາກເຟືອງມີວິຕາມິນ C ຫຼາຍ, ບັນເທົາໂຣກເລືອດອອກຕາມຫວ່າງແຂ້ວ, ມັນມີປະລິມານພະລັງງານນຳ້ຕານ ແລະທາດເກືອຕຳ່ ຈຶ່ງເໝາະແກ່ການກິນເພື່ອຄຸມນຳ້ໜັກ, ຄວບຄຸມນຳ້ຕານໃນເລືອດ ຫຼື ຫຼຸດຄວາມອ້ວນ, ມີກົດໝາກໄມ້ຫຼາຍ, ໃຊ້ເປັນສ່ວນປະສົມຂອງເຄື່ອງສຳອາງຊຳລະລ້າງຜິວກາຍ ແລະປ້ອງກັນການເກີດສິວ.
ສັບພະຄຸນຂອງໝາກເຟືອງ
- ໝາກ: ດັບກະຫາຍນຳ້, ແກ້ຮ້ອນໃນ, ຫຼຸດຄວາມຮ້ອນພາຍໃນຮ່າງກາຍ, ບັນເທົາອາການຂອງໜິ້ວໃນທາງເດີນປັດສາວະ, ຂັບຂີ້ກະເທີ່, ໃຊ້ກຳຈັດຄັນແຄ, ບຳລຸງເສັ້ນຜົມ, ຊ່ວຍໃຫ້ເລືອດແຂງໂຕງ່າຍ, ຊ່ວຍໃຫ້ນອນຫຼັບງ່າຍຂຶ້ນ ແລະບັນເທົາອາການເລືອດອອກຕາມຫວ່າງແຂ້ວ.
- ໃບ ແລະຮາກ: ປຸງກິນເປັນຢາດັບພິດຮ້ອນ ແລະແກ້ໄຂ້.
- ໃບສົດ: ຕຳໃຊ້ປົກຕຸ່ມອີສຸກອີໄສ, ຂີ້ກາກຂີ້ກ້ຽນ ແລະຕົ້ມນຳ້ອາບແກ້ຕຸ່ມຄັນ.
- ໃບອ່ອນ ແລະຮາກໝາກພ້າວ: ປະສົມເຂົ້າກັນແລ້ວຕົ້ມນຳ້ດື່ມແກ້ໄຂ້ຫວັດໃຫຍ່.
- ແກ່ນ ແລະຮາກ: ຕົ້ມກິນແກ້ຖອກທ້ອງ ແລະແກ້ເສັ້ນເອັນອັກເສບ.
ຂໍ້ຄວນລະວັງ: ໝາກເຟືອງມີກົດອອກຊາລິກສູງ ຜູ້ທີ່ມີບັນຫາກ່ຽວກັບໄຂ່ຫຼັງ ບໍ່ຄວນກິນໝາກເຟືອງ ເພາະຈະເຮັດໃຫ້ເກີດອາການຂ້າງຄຽງໄດ້.