ການທີ່ເຮົາຈະເລືອກຄົບກັບໃຜຈັກຄົນ ຫຼື ໃຫ້ເຂົາເຂົ້າມາຢູ່ໃນໃຈ ແລະ ໃຊ້ຊີວິດໄປກັບເຮົາ ບໍ່ແມ່ນເລື່ອງງ່າຍເລີຍ, ເພາະຄົນໆນັ້ນ ຈະມີຜົນຕໍ່ຊີວິດຂອງເຮົາຫຼາຍ ເຊັ່ນຄຳເວົ້າທີ່ຫຼາຍຄົນມັກເວົ້າວ່າ “ໄດ້ຄູ່ຊີວິດທີ່ດີ ກໍຄືກັບຖືກເລກລາງວັນທີ 1” ແຕ່ໃນທາງກົງກັນຂ້າມ ຖ້າເຮົາໄດ້ຄູ່ຊີວິດທີ່ບໍ່ດີ ກໍຈະມີຜົນກະທົບກັບຊີວິດເຮົາໃນດ້ານລົບເຊັ່ນກັນ.
ຖ້າໃຜກຳລັງສຶກສາເບິ່ງໃຈກັບໃຜຈັກຄົນຢູ່ ເພື່ອຈະເລືອກມາເປັນຄູ່ຊີວິດ ຫຼື ຄົນທີ່ກຳລັງບໍ່ແນ່ໃຈກັບຄວາມສຳພັນຂອງໂຕເອງກັບຄົນຮັກ ເຮົາມີເທັກນິກດີໆ 3 ຂໍ້ມາແນະນຳກັນ ໄປເບິ່ງນຳກັນເລີຍ.
- ເປັນໝູ່ສະໜິດໃຫ້ກັບໂຕເອງໄດ້.
ຫຼາຍຄັ້ງ ໃນເວລາທີ່ເຮົາຕົກຢູ່ໃນວົງວຽນຂອງຄວາມຮັກ ເຮົາອາດຈະເບິ່ງຂ້າມສັນຍານເຕືອນໄພຕ່າງໆ ຫຼື ການຫາຂໍ້ແກ້ໂຕເພື່ອໃຫ້ເຮົາຍັງຄົງດຳເນີນຄວາມສຳພັນນັ້ນຕໍ່ໄປ, ແຕ່ຄົນຈະເບິ່ງເຫັນສັນຍານຕ່າງໄດ້ຊັດເຈນ ໂດຍທີ່ສະໝອງບໍ່ຖືກຄອບຄຸມດ້ວຍໄຟແຫ່ງຄວາມຮັກ ຈະສາມາດໃຫ້ຄຳຕອບຢ່າງບໍ່ລຳອຽງແກ່ເຮົາໄດ້, ໂດຍສະເພາະຄົນໆ ນັ້ນຄືຄອບຄົວ ຫຼື ໝູ່ສະໜິດຂອງເຮົາ ທີ່ຮັກ ແລະ ຫວັງດີກັບເຮົາ.
ລອງຈິນຕະນາການເບິ່ງວ່າ ເຮົາເປັນໝູ່ສະໜິດໃຫ້ກັບໂຕເອງ ແລະ ເລົ່າເລື່ອງລາວຄວາມຮັກຂອງເຮົາໃຫ້ບຸກຄົນນັ້ນຟັງເບິ່ງ ຖ້າເຮົາເບິ່ງຄວາມຮັກ, ຄວາມສຳພັນຂອງເຮົາແບບບຸກຄົນທີ 3 ເຮົາຈະຮູ້ສຶກຈັ່ງໃດ, ໃຊ້ເຫດຜົນ ສັນຊາດຕະຍານໃນການຕອບຄຳຖາມດ້ວຍຄວາມຮັກ ແລະ ຫວັງດີຕໍ່ໂຕເອງ.
2. ຈື່ໄວ້ວ່າ ທ່ານບໍ່ສາມາດຮັກຄົນທີ່ບໍ່ສາມາດເບິ່ງແຍງໂຕເອງ ຫຼື ຮັກໂຕຂອງເຂົາເອງໄດ້.
ຄົນທີ່ຈະຮັກ ແລະ ໃຊ້ຊີວິດຄູ່ໄດ້ ເຂົາຄົນນັ້ນຕ້ອງມີຄວາມສາມາດໃນການເຕີມເຕັມໃຫ້ກັບໂຕເອງ ແລະ ຮັກໂຕເອງໄດ້ ເຊັ່ນດຽວກັນກັບເຮົາ, ເຂົາຄົນນັ້ນ ຈະຕ້ອງມີຄວາມຮັບຜິດຊອບ ແລະ ເປັນຜູ້ໃຫຍ່ຫຼາຍພໍ ໃນການຈັດການຊີວິດສ່ວນໂຕຂອງເຂົາໃນຊີວິດຈິງ, ມັນບໍ່ແມ່ນຄືຢູ່ໃນລະຄອນ ທີ່ຈະຕ້ອງຈົບລົງແບບ happy ending ສະເໝີໄປ, ຊີວິດຄູ່ມີສ່ວນປະກອບຫຼາຍກວ່າພຽງແຕ່ຄວາມຮັກ ຈົ່ງຢ່າຄາດຫວັງວ່າເຂົາຈະປ່ຽນແປງ ເພາະຄວາມຄາດຫວັງນັ້ນລະ ຈະເຮັດໃຫ້ເຮົາເປັນທຸກ.
ຖ້າເຮົາຍັງຄົງຮັກເຂົາຫຼາຍ ໃຫ້ຖາມໂຕເອງວ່າ ຖ້າເຂົາຈະເປັນແບບນີ້ ໂດຍບໍ່ສາມາດປ່ຽນແປງອັນໃດໄດ້ເລີຍ ເຮົາຈະສາມາດຮັກເຂົາແບບທີ່ເຂົາເປັນໂດຍທີ່ບໍ່ມີເງື່ອນໄຂໃດໆ ໄດ້ ຫຼື ບໍ່, ແຕ່ທ່ານເຊື່ອບໍ່ວ່າ ຖ້າທ່ານຢາກມີຊີວິດທີ່ປະສົບຄວາມສຳເລັດຢ່າງທີ່ທ່ານຕັ້ງໃຈໄວ້ ປແລະ ທ່ານຮັກໂຕເອງຫຼາຍພໍ ທ່ານຈະເລືອກຄົນທີ່ພ້ອມຈະເດີນທາງໄປຫາຈຸດໝາຍກັບທ່ານ ແທນທີ່ຈະເປັນຄົນທີ່ເຮັດໃຫ້ທ່ານຮູ້ສຶກເມື່ອຍ ແລະ ຄອຍແຕ່ປະຄອງເຂົາໄປຕະຫຼອດທາງ.
3. ຄຳຖາມ ທີ່ທ່ານຄວນລອງຖາມໂຕເອງເບິ່ງກ່ອນ ສຳລັບການເລືອກຄູ່ຊີວິດຂອງເຮົາ.
- ເຂົາເຫັນຄຸນຄ່າຂອງທ່ານຊ່ຳໃດ?
- ເຂົາໃຫ້ກຽດທ່ານຊ່ຳໃດ?
- ເຂົາໃຫ້ຄວາມສຳຄັນກັບທ່ານຊ່ຳໃດ?
- ເຂົາໃຫ້ຄວາມໃສ່ໃຈ ແລະ ສົນໃຈໃນຊີວິດທ່ານຫຼາຍຊ່ຳໃດ?
- ເວລາທີ່ທ່ານທຸກໃຈ ຫຼື ເສົ້າໃຈ ເຂົາຮູ້ສຶກຮ່ວມໄປກັບທ່ານ ຫຼື ບໍ່?
- ເຂົາເຮັດໃຫ້ທ່ານຮູ້ສຶກວ່າເປັນຄົນສຳຄັນ ຫຼື ບໍ່?
- ການກະທຳຂອງເຂົາ ກົງກັບຄຳເວົ້າຂອງເຂົາ ຫຼື ບໍ່?
- ຂໍ້ດີທີ່ເຂົາມີ ລົບລ້າງຂໍ້ເສຍຂອງເຂົາໄດ້ ຫຼື ບໍ່?
- ຖ້າເຂົາບໍ່ປ່ຽນແປງອັນໃດເລີຍ ທ່ານຈະຮັກ ແລະ ຍອມຮັບ ໃນແບບທີ່ເຂົາເປັນ ໄດ້ ຫຼື ບໍ່?
ລອງຕອບຄຳຖາມເຫຼົ່ານີ້ດດ້ວຍຄວາມຊື່ສັດກັບໂຕເອງເບິ່ງ ລອງຊັ່ງຊາລະຫວ່າງການທີ່ເຮົາທົນຕໍ່ໄປ ຫຼື ຕັດສິນໃຈຍ່າງອອກມາ ວ່າແບບໃດດີຕໍ່ອະນາຄົດຂອງທ່ານ ບໍ່ມີຄວາມສຳພັນໃດທີ່ສົມບູນແບບຢູ່ໃນລູກນີ້ ແຕ່ກຢ່າງໃດກໍຕາມ ຄູ່ຊີວິດຖືວ່າມີຜົນຕໍ່ຊີວິດຂອງເຮົາ ຖ້າເຮົາບໍ່ສາມາດມີສຸຂະພາບຈິດໃຈທີ່ປົກກະຕິ ເພາະເມົາແຕ່ມີຄວາມຄວາມທຸກ ແລະ ກັງວົນກັບຄູ່ຊີວິດຂອງເຮົາຈະບໍ່ມີແຮງກາຍ ແລະ ແຮງໃຈ ໃນການນຳຊີວິດຂອງເຮົາກ້າວໄປຂ້າງໜ້າກໄດ້ເລີຍ.
ພື້ນຖານຄວາມສຳພັນທີ່ດີ ຕັ້ງຢູ່ເທິງຄວາມເຊື່ອໃຈ, ການໃຫ້ກຽດ ເຊິ່ງກັນ ແລະ ກັນ ແລະ ຄວາມຮູ້ສຶກທີ່ໝັ້ນຄົງ, ປອດໄພ ທັງທາງກາຍ ແລະ ຈິດໃຈ. ຖ້າເຮົາຮັກໂຕເອງ ແລະ ເຫັນຄຸນຄ່າຂອງໂຕເອງຫຼາຍພໍ ເຮົາຈະແຍກໄດ້ວ່າ ອັນໃດດີ ຫຼື ບໍ່ດີກັບເຮົາ ຫວັງວ່າ ນີ້ຈະເປັນສິ່ງທີ່ຊ່ວຍໃຫ້ທ່ານໄດ້ຄິດທົບທວນໃນບາງສິ່ງບາງຢ່າງ ເພື່ອໂຕທ່ານເອງ ບໍ່ຫຼາຍກໍໜ້ອຍ.