Thursday, July 18, 2024
Lenovo

ພຣະທາດສີໂຄດຕະບອງ

ພຣະທາດ​ສີ​ໂຄດ​ຕະບອງ ພຣະທາດເມືອງເກົ່າ​ ທີ່ຕັ້ງ​ຢູ່ບ້ານ​ ມ່ວງສຸມ, ເມືອງ ທ່າແຂກ, ແຂວງຄຳມ່ວນ ຕາມ​ທາງ​ ເລກທີ 11 ​ໃຕ້, ຫ່າງ​ຈາກ​ຕົວເມືອງ ​ທ່າ​ແຂກ ໄປທາງທິດໃຕ້ປະມານ 6 ກິ​​ໂລ​ແມັດ, ທິດຕາເວັນຕົກຂອງທາດ ຕິດກັບແຄມຝັ່ງແມ່ນ້ຳຂອງ ເຊິ່ງບໍລິເວນນີ້ ເຄີຍເປັນໃຈກາງ ຂອງອະດີດເມືອງຫຼວງ ທີ່ເກົ່າແກ່ຂອງອານາຈັກລ້ານຊ້າງ. ເປັນອີກສະຖານທີ່ທ່ອງທ່ຽວທາງວັດທະນະທຳຂອງແຂວງຄຳມ່ວນ ທີ່ມີນັກທ່ອງທ່ຽວທັງພາຍໃນ ແລະ ຕ່າງປະເທດ ໄປທ່ຽວຊົມກາບໄຫວ້ເປັນປະຈຳ ແລະ ຍັງເປັນພຣະທາດເກົ່າແກ່ທີ່ຢູ່ຄູ່ບ້ານຄູ່ເມືອງຂອງຊາວແຂວງຄຳມ່ວນນຳອີກ.

ພຣະທາດອົງນີ້ ກໍ່ດ້ວຍດິນຈີ່ທາປູນ, ຖານເປັນຮູບສີ່ຫຼ່ຽມແບບດວງປີ ຍອດແຫຼມ, ການກໍ່ສ້າງພຣະທາດສີໂຄດຕະບອງ ແມ່ນຢູ່ໃນສະໄໝດຽວກັນກັບ ພຣະທາດພຣະນົມ, ພຣະທາດຫຼວງ, ພຣະທາດອີງຮັງ ແລະ ທາດບັງພວນ ເຊິ່ງສະກຸນຊ່າງ ສິລະປະກໍ່ສ້າງ ຂອງລາວລ້ານຊ້າງ.

ຖານແຕ່ລະດ້ານຂອງ ພຣະທາດສີໂຄດຕະບອງຍາວ 14.33 ແມັດ, ສູງ 28.89 ແມັດ, ບໍລິເວນຕີນພຣະທາດ ກວ້າງດ້ານລະ 25 ແມັດ, ສູງ 30 ແມັດ, ຍອດທາດປະດັບດ້ວຍ ເກດຕະສັດ 7 ຊັ້ນ ໃນແກນເປັນເຫຼັກເກດຕະສັດ ເຮັດດ້ວນເງິນ ແລະ ຄຳ, ປາຍເກດຕະສັດ ມີໂຄມແກ້ວ (ປັດຈຸບັນບໍ່ມີ), ສະເພາະເກດຕະສັດສູງ 2 ແມັດ).

ປັດຈຸບັນ, ພຣະທາດສີໂຄດຕະບອງ (ທາດເມືອງເກົ່າ) ເປັນປູສະນີຍະສະຖານ ແລະ ໄດ້ກາຍເປັນສັນຍະລັກຂອງ ແຂວງ ຄຳມ່ວນ. ໃນທຸກໆປີ ຈະມີມະໂຫລານງານບຸນສະເຫຼີມສະຫຼອງ ອົງພຣະທາດ ຫຼື ຄົນທ້ອງຖິ່ນເອີ້ນວ່າ ບຸນທາດເມືອງເກົ່າ, ຈັດຂຶ້ນໃນ ເດືອນ ສາມເພັງ (ປະມານກາງໆເດືອນ ກຸມພາ ຂອງທຸກປີ).

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.