ປີ 2024 ແມ່ນເຕັມໄປດ້ວຍເຕັກໂນໂລຊີທີ່ທັນສະໄໝທີ່ຈະປ່ຽນວິທີການດຳລົງຊີວິດຂອງພວກເຮົາໄປເລີຍກໍສ່າໄດ້ ເພາະເຕັກໂນໂລຊີເຫຼົ່ານີ້ຈະສົ່ງຜົນກະທົບຕໍ່ການເຮັດວຽກ, ການສຶກສາ, ການສື່ສານ, ການຄ້າ, ແລະອື່ນໆ ເຊິ່ງຈະມີຫຍັງແນ່ໄປເບິ່ງນໍາກັນເລີຍ.
- Artificial Intelligence (AI)
AI ເລີ່ມມີບົດບາດສໍາຄັນໃນທຸກໆດ້ານຂອງຊີວິດ, AI ຈະຖືກນໍາໃຊ້ເພື່ອພັດທະນາອັດຕະໂນມັດໃນວິເຄາະຂໍ້ມູນ, ຄາດຄະເນອະນາຄົດ, ການຊ່ວຍສ້າງສິ່ງຕ່າງໆ ແລະ ອື່ນໆອີກ ຕົວຢ່າງ:
- ໂຮງງານອັດສະລິຍະທີ່ໃຊ້ AI ເພື່ອຄວບຄຸມການຜະລິດ.
- ລົດທີ່ບໍ່ມີຄົນຂັບ
- ລະບົບການແປພາສາແບບ Real Time
- ສ້າງຮູບພາບ ແລະ ວີດີໂອ ຕາມຄຳສັ່ງ.
2. Internet of things (IoT)
IoT ຈະເຊື່ອມຕໍ່ອຸປະກອນຕ່າງໆຮ່ວມກັນໂດຍຜ່ານອິນເຕີເນັດ ອຸປະກອນເຫຼົ່ານີ້ຈະສາມາດສົ່ງ ແລະ ຮັບຂໍ້ມູນເຊິ່ງກັນແລະກັນ. ຊ່ວຍໃຫ້ພວກເຮົາຄວບຄຸມອຸປະກອນຕ່າງໆຈາກໄລຍະໄກ ແລະ ວິເຄາະຂໍ້ມູນເພື່ອພັດທະນາການບໍລິການຕ່າງໆ ຕົວຢ່າງ:
- ເຮືອນອັດສະລິຍະທີ່ຄວບຄຸມອຸນຫະພູມ, ຄວາມສະຫວ່າງ, ແລະຄວາມປອດໄພຜ່ານອຸປະກອນ IoT.
- ຕົວເມືອງອັດສະລິຍະທີ່ໃຊ້ IoT ຄຸ້ມຄອງການຈະລາຈອນ, ແສງສະຫວ່າງ ແລະການຄຸ້ມຄອງສິ່ງເສດເຫຼືອ.
3. ເຕັກໂນໂລຊີ Blockchain.
ເຕັກໂນໂລຊີ Blockchain ຈະຖືກນໍາໃຊ້ເພື່ອພັດທະນາລະບົບທຸລະກໍາທີ່ປອດໄພ, ໂປ່ງໃສ, ແລະສາມາດກວດສອບໄດ້, ເຕັກໂນໂລຊີນີ້ຈະຫຼຸດຜ່ອນຄ່າໃຊ້ຈ່າຍ ແລະ ເພີ່ມປະສິດທິພາບການເຮັດວຽກ ຕົວຢ່າງ:
- ລະບົບໂອນເງິນທີ່ໄວ, ປອດໄພ ແລະ ບໍ່ຕ້ອງການຕົວກາງ.
- ລະບົບການຕິດຕາມຜະລິດຕະພັນຕະຫຼອດລະບົບຕ່ອງໂສ້ການສະໜອງ
- ລະບົບການລົງຄະແນນສຽງ ຫຼື ການໂວດສິ່ງຕ່າງໆແບບດິຈິຕອນ.
4. ລະບົບອິນເຕີເນັດ 5G.
5G ຈະເປັນເຕັກໂນໂລຊີການສື່ສານຕົ້ນຕໍຂອງອະນາຄົດ, 5G ຈະຊ່ວຍເພີ່ມຄວາມໄວ ແລະ ຄວາມໝັ້ນຄົງຂອງອິນເຕີເນັດ ຈະຊ່ວຍໃຫ້ພວກເຮົານໍາໃຊ້ເຕັກໂນໂລຊີໃໝ່ໆໄດ້ຢ່າງມີປະສິດທິພາບ ຕົວຢ່າງ:
- ການດາວໂຫຼດຮູບເງົາຄວາມລະອຽດສູງໃນວິນາທີ.
- ການຜ່າຕັດທາງໄກໃນເວລາຈິງ.
- ເທັກໂນໂລຍີ VR ແລະ AR ທີ່ແທ້ຈິງຫຼາຍຂຶ້ນ.
5. ເຕັກໂນໂລຊີຊີວະພາບ.
ເຕັກໂນໂລຊີຊີວະພາບຈະຖືກນໍາໃຊ້ເພື່ອພັດທະນາວັກຊີນໃໝ່, ຢາປົວພະຍາດ, ແລະການປິ່ນປົວພະຍາດ. ເຕັກໂນໂລຊີນີ້ຈະຊ່ວຍໃຫ້ອາຍຸຍືນ ແລະ ປັບປຸງຄຸນນະພາບຂອງຊີວິດຂອງມະນຸດ ຕົວຢ່າງ:
- ຢາທີ່ປິ່ນປົວມະເຮັງໂດຍກົງ.
- ວັກຊີນທີ່ປ້ອງກັນພະຍາດຕິດຕໍ່ຢ່າງມີປະສິດທິພາບ.
- ເຕັກໂນໂລຊີ CRISPR ທີ່ແກ້ໄຂພັນທຸກໍາເພື່ອປິ່ນປົວພະຍາດທາງພັນທຸກໍາ.
ເວົ້າຂໍ້ດີກັນໄປແລ້ວ ເຮົາວ່າເວົ້າເລື່ອງຂອງຂໍ້ເສຍກັນເລີຍ ສຳລັບເຕັກໂນໂລຊີເຫຼົ່ານີ້ເຖິງຈະຊ່ວຍພັດທະນາເສດຖະກິດ, ສ້າງວຽກເຮັດງານທໍາໃໝ່ ແລະ ເພີ່ມປະສິດທິພາບການເຮັດວຽກ ແຕ່ເຕັກໂນໂລຊີກໍສາມາດນໍາໄປສູ່ການຫວ່າງງານ, ຄວາມບໍ່ສະເໝີພາບທາງສັງຄົມ ແລະ ບັນຫາດ້ານຈັນຍາບັນ ພວກເຮົາຈໍາເປັນຕ້ອງຄວບຄຸມເຕັກໂນໂລຊີເຫຼົ່ານີ້ ເພື່ອໃຫ້ເຕັກໂນໂລຊີສາມາດຖືກນໍາໃຊ້ໃນທາງທີ່ດີ ແລະ ມີປະສິດທິພາບ.