ນັກວິທະຍາສາດໃນ ນະຄອນ ນິວຢ໋ອກ ໄດ້ທຳການວິໄຈ ພົບວ່າ ອາລົມໃນດ້ານລົບ ບໍ່ວ່າຈະເປັນຄວາມຕຶງຄຽດ, ໃຈຮ້າຍ, ຄວາມກັງວົນ ແລະຊຶມເສົ້າ ບໍ່ພຽງແຕ່ມີຜົນກະທົບຕໍ່ການເຮັດວຽກຂອງຫົວໃຈເທົ່ານັ້ນ ແຕ່ຍັງເພີ່ມຄວາມສ່ຽງໃນການເກີດໂຣກຫົວໃຈອີກດ້ວຍ.
ການສຶກສາກຸ່ມອາສາສະໝັກ ທີ່ມີສຸຂະພາບດີ 157 ຄົນ ໂດຍໃຫ້ເບິ່ງພາບທີ່ເຮັດໃຫ້ເກີດຄວາມຮູ້ສຶກດ້ານລົບ, ໃນຂະນະທີ່ ຄະນະນັກວິໄຈ ກວດສອບການເຮັດວຽກຂອງຫຼອດເລືອດແດງ ເພື່ອປະເມີນຄວາມສ່ຽງ ໃນການເກີດໂຣກຫົວໃຈ ແລະວັດລະດັບການອັກເສບໃນກະແສເລືອດ ຊຶ່ງເປັນປັດໄຈຫຼັກຂອງອາການຫຼອດເລືອດຫົວໃຈ ອັນເປັນສາເຫດຂອງການເສຍຊີວິດກ່ອນໄວອັນຄວນ.
ຜົນທີ່ພົບກໍຄື ເມື່ອສະໝອງກະຕຸ້ນໃຫ້ເກີດອາລົມຄວາມຮູ້ສຶກໃນດ້ານລົບ ລະດັບ interleukin-6 ໃນກະແສເລືອດ ຈະເພີ່ມຂຶ້ນ ແລະຄວາມໜາຂອງຜະໜັງຫຼອດເລືອດຈະເພີ່ມຂຶ້ນ ຊຶ່ງສະແດງໃຫ້ເຫັນເຖິງຄວາມສ່ຽງຕໍ່ໂຣກຫຼອດເລືອດຫົວໃຈ.