ມະຫາວິທະຍາໄລ ອະຣິໂຊນາ ຄົ້ນພົບວ່າ: ຜ້າເຊັດມືໃນເຮືອນຄົວ ແລະ ຢູ່ຕາມຫ້ອງນໍ້າ ນັ້ນ ມີເຊື້ອໂຣກຫຼາຍທີ່ສຸດ. ມະຫາວິທະຍາໄລ ດັ່ງກ່າວຄົ້ນຄວ້າສຶກສາເລື່ອງນີ້ ແລະໄດ້ເປີດເຜີຍວ່າ: ຜ້າທີ່ໃຊ້ໃນເຮືອນຄົວ ມີເຊື້ອແບັດເທີເຣຍ ໂຄລິຟອມ ຈັບຢູ່ຫຼາຍເຖິງ 80% ໂດຍທີ່ເຊື້ອໂຣກຈຳພວກນີ້ ມີຢູ່ຕາມລະບົບທາງເດີນອາຫານ ນັບທັງມະນຸດ ແລະສັດ. ນອກນີ້ ຍັງພົບເຊື້ອ ອີໂຄໄລ ປົນເປື້ອນຢູ່ອີກ 25%.
ທ່ານ ຊານ ເກີບາ ກ່າວວ່າ: ການທີ່ຜ້າເຊັດມືທີ່ໃຊ້ຢູ່ໃນເຮືອນຄົວ ແລະຫ້ອງນໍ້າ ຕິດເຊື້ອໂຣກຫຼາຍທີ່ສຸດ ແມ່ນຍ້ອນມັນຖືກໃຊ້ທີ່ກ່ຽວຂ້ອງກັບສິ່ງທີ່ມີເຊື້ອໂຣກ ເຊັ່ນ ຊີ້ນສັດດິບ. ນອກຈາກນັ້ນ ຍັງມີສະພາບປຽກຊຸ່ມເປັນສ່ວນໃຫຍ່ ເຮັດໃຫ້ເຊື້ອ ແບັກເທີເຣຍ ຟັກໂຕງ່າຍ.
ຜູ້ຊ່ຽວຊານກ່າວ ແນະນຳວ່າ: ຄວນຫາວິທີບັນເທົາຄວາມສົກກະປົກເຫຼົ່ານີ້ໄວ້ ເຊັ່ນ ຄວນປ່ຽນຜ້າເຊັດມືຊຸດໃໝ່ທຸກໆ 3-4 ມື້ ແລະ ຄວນໃຊ້ນຳ້ສົ້ມສາຍຊູ ປະສົມນໍ້າ ເພື່ອຊັກຜ້າເຊັດມື ແທນນໍ້າຢາປັບຜ້ານຸ່ມ.