ບາງຄົນພໍແຕ່ເຫັນຜັກ ແລະ ໝາກຜັກໄສ່ ກໍບໍ່ຢາກກິນແລ້ວ ໂດຍສະເພາະແມ່ນແມ່ຍິງ ແຕ່ວ່າ ປະໂຫຍດຂອງມັນນັ້ນ ດີແທ້ໆເດີພີ່ນ້ອງ ຄື ມັນສາມາດຊ່ວຍປ້ອງກັນໂຣກມະເຮັງ, ຊ່ວຍຈະເລີນອາຫານ ແລະ ປົວໂຣກເບົາຫວານ ໄດ້ນຳ ອີກ. ສັບພະຄຸນມັນນັ້ນ ສາມາດນຳເອົາໄປໃຊ້ໄດ້ຕັ້ງແຕ່ ຮາກ, ເຄືອ, ໃບ, ໝາກ ແລະ ແກ່ນ.
- ຮາກ: ນຳໄປໃຊ້ປຸງເປັນຢາບຳລຸງ, ແກ້ຣິດຊີດວງ ແລະເປັນຢາທາດ, ປົວໂຣກກະເພາະອາຫານ ແລະຊ່ວຍແກ້ອາການບິດ.
- ເຄືອ: ຊ່ວຍດັບພິດຮ້ອນພາຍໃນຮ່າງກາຍ ແລະຊ່ວຍແກ້ອາກນບິດ
- ໃບສົດ: ມີຣົດຂົມ ນຳໄປລວກ ຫຼື ຕົ້ມດື່ມ ສາມາດໃຊ້ເປັນຢາຟອກເລືອດ, ຢາລະບາຍ, ຊ່ວຍຈະເເລີນອາຫານ, ຊ່ວຍແກ້ກະຫາຍນຳ້, ຊ່ວຍບັນເທົາອາການຫວັດ, ຊ່ວຍປົວບາດແຜໃນກະເພາະອາຫານ, ຊ່ວຍຫຼຸດອາການບວມຊຳ້ ແລະຊ່ວຍແກ້ອາການຝົດຝື່ນຄັນ.
- ແກ່ນ: ຊ່ວຍປັບຄວາມສົມດຸນຂອງທາດໃນຮ່າງກາຍ ແລະຊ່ວຍຂັບພະຍາດໂຕກົມ.
- ໃບແຫ້ງ: ນຳໄປບົດໃຫ້ລະອຽດປະສົມກັບນຳ້ດື່ມເປັນຢາ, ຊ່ວຍຂັບພະຍາດ, ຂັບລົມ ແລະບຳລຸງທາດ.
- ໝາກສົດ: ນິຍົມນຳໄປເຮັດອາຫານ, ໃຫ້ຣົດຂົມ, ນຳໄປກິນ, ຊ່ວຍປົວໂຣກເບົາຫວານ, ບຳລຸງທາດ, ມີເບຕ້າແຄໂຣທີນ ຊ່ວຍປ້ອງກັນມະເຮັງ, ຊ່ວຍເຮັດໃຫ້ດວງຕາສົດໃສ, ຊ່ວຍເສີມສ້າງກະດູກ ແລະແຂ້ວໃຫ້ແຂງແຮງ, ຊ່ວຍຫຼຸດລະດັບນຳ້ຕານໃນເລືອດ, ຂັບຂີ້ກະເທີ່, ເປັນຢາລະບາຍອ່ອນໆ, ຊ່ວຍແກ້ຕັບ ແລະມ້າມອັກເສບ, ບຳລຸງນຳ້ບີ, ໝາກມະລະນຳມາຄັ້ນເອົານຳ້ໃຊ້ອົມແກ້ອາການປາກເປື່ອຍ
- ໝາກແຫ້ງ: ນຳ້ໄປບົດໃຫ້ລະອຽດ ແລ້ວໂຮຍໃສ່ບໍລິເວນທີ່ເປັນບາດແຜໃຊ້ທາແກ້ຄັນ, ຂີ້ຫິດ ແລະໂຣກຜິວໜັງ
- ໝາກສຸກ: ນຳໄປທາໜ້າປົວສິວໄດ້.
ຖ້າທ່ານບໍ່ຢາກກິນໝາກຜັກໄສ່ແບບຂົມໆ ຄວນເລີ່ມຕັ້ງແຕ່ການເລືອກຊື້ຄື ເລືອກເອົາໝາກທີ່ມີສີຂຽວອ່ອນ, ອວບ ແລະມີລາຍຫ່າງໆ ເພາະຈະເຮັດໃຫ້ຂົມໜ້ອຍກວ່າໝາກທີ່ມີສີຂຽວເຂັ້ມ ແລະລາຍຖີ່. ກ່ອນທີ່ຈະນຳໄປປຸງເປັນອາຫານ ໃຫ້ຜ່າແລ້ວເອົາແກ່ນ ແລະໄສ້ອອກຈົນເໝິດ ແລ້ວກໍຊອຍ, ແຊ່ນຳ້ເກືອອ່າວດົນໜ້ອຍນຶ່ງ ຈະຊ່ວຍໃຫ້ໝາກຜັກໄສ່ຫຼຸດຄວາມຂົມລົງໄດ້.
