Friday, July 19, 2024
Lenovo

9 ສິ່ງທີ່ບໍ່ຄວນເຮັດ! ຫຼັງຈາກກິນເຂົ້າອີ່ມ ເພາະມັນອາດສົ່ງຜົນກະທົບຕໍ່ຮ່າງກາຍ !!

“ເອັນທ້ອງເຄັ່ງ ເອັນຕາກໍຍານ” ຄຳນີ້ແມ່ນປາກົດວ່າທຸຄົນມີພຶດຕິກຳແບບນີ້ຫລາຍ ແລະ ເຊື່ອວ່າ ຫຼັງຈາກທຸກທ່ານຮັບປະທານອາຫານອີ່ມແລ້ວ ກໍອາດຫຼົງເຮັດສິ່ງເລົ່ານີ້ລົງໄປດ້ວຍຄວາມລຶ້ງເຄີຍ ໂດຍລືມຄຳນຶງເຖິງຜົນກະທົບທີ່ຕາມມາ. 

ຊຶ່ງ 9 ສິ່ງຕໍ່ໄປນິ້ ເປັນສິ່ງທີ່ບໍ່ຄວນເຮັດ ຫຼັງຈາກກິນເຂົ້າອີ່ມ

  • ກິນເຂົ້າແລ້ວ ບໍ່ຄວນກິນນ້ຳເຢັນທັນທີ: ຫລັງກິນອາຫານທີ່ລົດຈັດແລ້ວພວກເຮົາມັກຈະກິນນ້ຳເຢັນເພື່ອໃຫ້ອາການເຜັດຮ້ອນນັ້ນເຊົາ ແຕ່ທ່ານຮູ້ບໍ່ວ່າ ການກິນນ້ຳເຢັນທັນທີ ອາດສົ່ງຜົນໃຫ້ ອາຫານທີ່ຫາກໍກິນແຂງຕົວ ແລະ ການຍຍ່ອຍອາຫານຍາກຂຶ້ນ ນອກຈາກນີ້ຍັງເຮັດໃຫ້ຫຼອດເລືອດຫົດໂຕ ທາງທີ່ດີຄວນກິນນ້ຳທີ່ມີອຸນຫະພູມປົກກະຕິ ຫຼື ນ້ຳອຸ່ນ ຈະເຮັດໃຫ້ຮ່າງກາຍເຮັດວຽກໄດ້ດີ.
  • ກິນເຂົ້າອີ່ມແລ້ວ ບໍ່ຄວນນອນທັນທີ: ພຶດຕິກຳນີ້ອາດສົ່ງຜົນກະທົບຕໍ່ກະເພາະ ແລະ ລະບົບ ທໍ່ສົ່ງອາຫານ ເພາະອາດເກີດອາການ “ກົດໄຫຼກັບ” ໄດ້ .
  • ກິນອີ່ມແລ້ວອອກກຳລັງກາຍທັນທີ: ການອອກກຳລັງກາຍຫຼັງກິນເຂົ້າແລ້ວ ໂດຍທີ່ຍັງບໍ່ທັນໄດ້ຮອດ 4ຊົ່ວໂມງ ອາດເຮັດໃຫ້ທ່ານຈຸກ ແລະຮາກໄດ້ ມີອາການບໍ່ສະບາຍທ້ອງ ຢູ່ບໍ່ສະບາຍຕົວ.
  • ກິນເຂົ້າອີ່ມແລ້ວ ບໍ່ຄວນຂັບລົດທັນທີ: ຫນັງທ້ອງຕຶງຫນັງຕາຍານ ເກີດການງ່ວງນອນ ແລະ ຫລັບໃນ  ອາດຊ່ຽງເກີດອຸບັດຕິເຫດໄດ້.
  • ກິນເຂົ້າແລ້ວ ບໍ່ຄວນອາບນ້ຳທັນທີ: ພຶດຕິກຳນີ້ອາດໄປລົບກວນລະບົບຍ່ອຍອາຫານຂອງກະເພາະ ເຮັດວຽກໄດ້ບໍ່ດີເພາະການອາບນ້ຳເຮັເໃຫ້ກະຕຸນການໄຫຼວຽນຂອງເລືອດໄປທົ່ວຮ່າງກາຍລວມເຖີງບໍລິເວນທ້ອງ.
  • ກິນເຂົ້າອີ່ມແລ້ວ ບໍ່ຄວນກິນໝາກໄມ້ທັນທີ: ຮູ້ບໍວ່າການກິນຫມາກໄມ້ທັນທີອາດບໍ່ໄດ້ຮັບສັບພະຄຸນຫຍັງເລີຍ ກະເພາະຂອງພວກເຮົາເມືອມີການສະສົມ ລະຫວ່າງອາຫານ ແລະ ຫມາກໄມ້ ກະເພາະອາດຄວາມຜິດປົກກະຕິ ເຮັດໃຫ້ເກີດ ອາການທ້ອງອືດ ,ກົດໄຫຼຍ້ອນ ແລະນີ້ກໍ່ເປັນອີກສິ່ງທີ່ຄົນເຮົາມັກເຮັດໂດຍບໍ່ຮູ້ໂຕ ເພາະມັນອາດສົ່ງຜົນ້ສຍແກ່ໂຕເຮົາເອງ.
  • ກິນເຂົ້າອີ່ມແລ້ວ ບໍ່ຄວນດື່ມຊາເຂັ້ມຂຸ້ນທັນທີ: ອາດເຮັດໃຫ້ຮ່າງກາຍດູດຊືມອາຫານໄດ້ບໍ່ດີ ໂດຍສະເພາະທາດເຫຼັກ ແລະອາດສ່ຽງສູງທີຈະເກີດໂລກລອດເລືອດໃນຫົວໃຈໄດ້.
  • ກິນເຂົ້າອີ່ມແລ້ວ ບໍ່ຄວນສູບຢາທັນທີ: ປົກກະຕິຢາສູບກໍ່ສົ່ງຜົນບໍ່ດີຕໍ່ຮ່າງກາຍຢູ່ແລ້ວແຕ່ຖ້າທ່ານມີພຶດຕິກຳສູບຢາ ຫລັງຮັບປະທານອາຫານກໍ່ອາດສ່ຽງ ເກີດພະຍາດ ຖົງລົມໃນປອດ ແລະໂລກມະເຮັງ ເພິ່ມຂື້ນໄດ້ຫຼາຍອັດຕາ. 
  • ກິນເຂົ້າອີ່ມໂພດ ຈົນຕ້ອງປົດສາຍແອວ: ພຶດຕິກຳນີ້ສົ່ງຜົນໃຫ້ລຳໄສ້ບໍ່ປົກກະຕິ ແລະອາດສົ່ງຜົນກະທົບໃຫ້ລຳໄສ້ບິດຕົວແລະອຸດຕັນໄດ້. 

 ຮ່າງກາຍຂອງຄົນເຮົາໂດຍປົກກະຕິແລ້ວຄວນປ່ອຍໃຫ້ກະເພາະມີເວລາຍ່ອຍອາຫານສູງສຸດແມ່ນ 4ຊົ່ວໂມງ ຈຶ່ງຈະສົ່ງຜົນດີ ແລະ ມີຮ່າງກາຍທີ່ແຂງແຮງດີ ໂດຍຄວບຄູ່ກັບການປະຕິບັດ 9 ຂໍ້ຂ້າງເທິງນີ້. 

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ