Friday, July 19, 2024
Lenovo

ຮ່າງກາຍຂອງທ່ານ ສົ່ງສັນຍານເຕືອນແລ້ວ ຫຼືຍັງ?

ບັນຫາສຸຂະພາບບໍ່ເຂົ້າໃຜອອກໃຜ ຖ້າເຮົາເບິ່ງແຍງສຸຂະພາບດີຄວາມເຈັບປ່ວຍກໍຈະມາຫາເຮົາຊ້າ ແຕ່ຖ້າປ່ອຍປະລະເລີຍບັນຫາສຸຂະພາບກໍຈະເກີດຂຶ້ນກັບເຮົາໄວ. ຕໍ່ໄປນີ້ ແມ່ນສັນຍານເຕືອນຂອງຮ່າງກາຍວ່າເຮົາເລີ່ມສຸຂະພາບບໍ່ດີ:

  1. ເວລາເຮັດວຽກຮູ້ສຶກຫິວນອນຕະຫຼອດ ແຕ່ເມື່ອເຖິງເວລານອນຊຳ້ພັດນອນບໍ່ຫຼັບ.
  2. ຮູ້ສຶກອ່ອນເພຍໄປເໝິດ ບໍ່ວ່າຈະເຮັດຫຍັງກໍຕາມ.
  3. ຫງຸດຫງິດ ໃຈຮ້າຍ ວິຕົກກັງວົນ ບໍ່ມີອາລົມມ່ວນຊື່ນ ແລະສັບສົນທາງຄວາມຄິດ.
  4. ເບິ່ງໄປທາງໃດກໍຮູ້ສຶກເບື່ອໄປເໝິດ.
  5. ຮ່າງກາຍປ່ຽນແປງ ໜ້າທ້ອງໂຊ່ນອອກມາ ແອວຂະຫຍາຍອອກ.
  6. ເມື່ອນັ່ງຫຼັງຊື່ ຢຽດຂາຕຶງໄປທາງໜ້າ ບໍ່ສາມາດກົ້ມໂຕໄປໃຫ້ປາຍນິ້ວມືແຕະເຖິງປາຍຕີນໄດ້.
  7. ຄວາມດັນເລືອດ, ໄຂມັນ ຫຼືລະດັບນຳ້ຕານໃນເລືອດສູງ.
  8. ໄດ້ຍິນສຽງດັງເວລາເຄື່ອນໄຫວຮ່າງກາຍ ແລະຮູ້ສຶກໄດ້ວ່າ ຂໍ້ຕໍ່ສ່ວນຕ່າງໆຍືດຕິດຂັດ
  9. ເຈັບປ່ວຍເລື້ອຍໆ.
  10. ນຳ້ໜັກຫຼາຍຂຶ້ນກວ່າປົກກະຕິຕັ້ງແຕ່ 10 ກິໂລກຣາມ.

ຖ້າຮ່າງກາຍທ່ານ ເລີ່ມມີສັນຍານເຕືອນຄືດັ່ງຂ້າງເທິງນີ້ ແຖມເຮົາບໍ່ມັກອອກກຳລັງກາຍ ກໍຮີບປະຕິບັດ ແລະ ໝັ່ນຫຍັບຍ້າຍຮ່າງກາຍເລື້ອຍໆ ເພື່ອເຮັດໃຫ້ຮ່າງກາຍແຂງແຮງຂຶ້ນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ