Friday, July 19, 2024
Lenovo

ເປັນຫຍັງ ຄົນລາວຈຶ່ງບໍ່ມັກໃຊ້ສິນຄ້າລາວ?

“ລາວເຮັດ ລາວໃຊ້ ລາວໄດ້ ລາວຈະເລີນ” ຄຳເວົ້ານີ້ ມັນມີມາແຕ່ກດົນແລ້ວ ແຕ່ປັດຈຸບັນຮູ້ສຶກວ່າ ມີແຕ່ລາວເຮັດ ແຕ່ລາວບໍ່ໃຊ້ ເຫດຜົນຍ້ອນຫຍັງແທ້? ແນ່ນອນທຸກຄົນມີເຫດຜົນຂອງຕົນເອງ; ມື້ນີ້ເຮົາຈະມາແບ່ງປັນບາງເຫດຜົນທີ່ຄົນລາວບໍ່ມັກໃຊ້ສິນຄ້າລາວຍ້ອນຫຍັງ! ເລີ່ມຈາກ:

  • ຄ່ານິຍົມ: ຄົນລາວຈຳນວນບໍ່ນ້ອຍທີ່ໄດ້ຮັບອິດທິພົນຈາກສື່ ຈາກການສັ່ງສອນ ຫຼື ຈາກຄົນອ້ອມຂ້າງ ຄອບຄົວບອກສອນສະເໝີວ່າ ສິນຄ້າຈາກຕ່າງປະເທດເປັນສິນຄ້າທີດີມີຄຸນນະພາບ ບວກກັບໂຄສະນາທີ່ມີຫຼາຍແຮງ ແຕ່ກົງກັນຂ້າມກັບສິນຄ້າລາວເກືອບຈະບໍ່ເຫັນເລີຍ.
  • ສິນຄ້າລາວຍັງມີບໍ່ຫຼາຍ: ເນື່ອງຈາກສິນຄ້າລາວມີຈຳນວນບໍ່ຫຼາຍ ແລະ ບໍ່ທັນມີຄົບຕາມຄວາມຕ້ອງການຂອງຜູ້ຊົມໃຊ້ ເມື່ອເວລາທີ່ເຂົາຕ້ອງການອາດບໍ່ມີ ກໍເລີຍເລືອກຊື້ສິນຄ້ານຳເຂົ້າທີ່ມີຫຼາຍ ແລະ ຫາຊື້ໄດ້ງ່າຍກວ່າ.
  • ລາຄາສູງກວ່າສິນຄ້ານຳເຂົ້າ: ສິນຄ້າລາວສ່ວນຫຼາຍຍັງເປັນທຸລະກິດຂະໜາດນ້ອຍ, ການຜະລິດຍັງມີຈຳນວນໜ້ອຍຕົ້ນທຶນຈະສູງ, ໃນຕ່າງປະເທດ ຫຼື ຜູ້ຜະລິດລາຍໃຫຍ່ເຂົາເຈົ້າຊື້ວັດຖຸດິບໃນຈຳນວນຫຼາຍເລີຍມີອຳນາດຕໍ່ລອງລາຄາ, ໃຊ້ເຄື່ອງຈັກເຮັດ ດັ່ງນັ້ນ, ຈຶ່ງໄດ້ປຽບເລື່ອງຂາຍລາຄາຕ່ຳ, ສ່ວນຄົນລາວຜະລິດແມ່ນ ຊື້ວັດຖຸດິບບໍ່ຫຼາຍເພາະໂຮງງານບໍ່ແມ່ນແບບອຸດສາຫະກຳໃຫຍ່ ບາງຂັ້ນຕອນບໍ່ມີເງິນຊື້ເຄື່ອງຈັກ, ຕ້ອງໃຊ້ຄົນ, ໃຊ້ມືເຮັດ ຈຶ່ງຜະລິດໄດ້ຊ້າ, ໄດ້ໜ້ອຍ ຈຶ່ງຈຳເປັນຕ້ອງຂາຍໃນລາຄາແພງ.
  • ຄຸນນະພາບບໍ່ຄ່ອຍດີ: ອັນທີ່ຈິງສິນຄ້າລາວກໍ່ມີຄຸນນະພາບໃນລະດັບໜຶ່ງ ພຽງແຕ່ວ່າການນຳເຂົ້າສິນຄ້າຫຼາຍກວ່າການຜະລິດ ແລະ ຊົມໃຊ້ເອງພາຍໃນ ເລີຍເຮັດໃຫ້ ບໍ່ມີຄົນຊົມໃຊ້ສິນຄ້າລາວຫຼາຍເທົ່າທີ່ຄວນ ເພາະຄົນສ່ວນຫຼາຍອາດຈະປຽບທຽບລາຄາ ແລະ ຄຸນນະພາບກັບສິນຄ້າທີ່ນຳເຂົ້າ.
  • ການອອກແບບ ການຫຸ້ມຫໍ່ຍັງບໍ່ງາມ: ຈຸດນີ້ກໍເຫັນຫຼາຍຄົນຈົ່ມວ່າ ສິນຄ້າລາວບາງອັນກໍເບິ່ງຄືຂອງກັອບປີເພາະໂລໂກ ຫຼື ການອອກແບບເຈ້ຍຫຸ້ມຫໍ່ນັ້ນບໍ່ທັນສະໄໝ, ບາງສິນຄ້າກໍບໍ່ໜ້າດຶງດູດ ເຂົ້າບໍ່ເຖິງກຸ່ມລູກຄ້າ ເຮັດໃຫ້ບໍ່ສະດຸດຕາ ແລະ ບໍ່ຢາກຄິດທີ່ຈະຊື້ມາຊົມໃຊ້.
  • ຂາດການໂຄສະນາ ແລະ ການສົ່ງເສີມເທົ່າທີ່ຄວນ: ເລື່ອງການໂຄສະນາເປັນສິ່ງສຳຄັນແທ້ໆ ຄົນຈະນຳໃຊ້ກໍຕໍ່ເມື່ອມັນເປັນທີ່ຮູ້ຈັກກ່ອນ ສື່ ຫຼື ຄົນທີ່ຜະລິດເອງກໍຍັງຂາດເລື່ອງການນຳສະເໜີ ໂປໂໝດໃຫ້ເຂົ້າເຖິງທຸກກຸ່ມລູກຄ້າ ເພາະບາງຄົນບໍ່ຮູ້ເລີຍວ່າສິນຄ້າລາວມີຫຍັງແດ່ ໂດຍສະເພາະແມ່ນໄວໜຸ່ມ.

ນີ້ກໍເປັນພຽງບາງເຫດຜົນທີ່ຍົກມາເວົ້າສູ່ກັນຟັງວ່າເປັນຫຍັງຄົນລາວຈຶ່ງບໍ່ມັກໃຊ້ສິນຄ້າລາວ ບາງທີ່ບໍ່ແມ່ນວ່າບໍ່ມັກໃຊ້ ແຕ່ບໍ່ຮູ້ວ່າຈະໃຊ້ຫຍັງຫຼາຍກວ່າ, ຫາກວ່າ ລອງຫຼຸດຜ່ອນການນໍາເຂົ້າສິນຄ້າບາງຊະນິດ, ສົ່ງເສີມການຜະລິດ ແລະ ຊົມໃຊ້ເອງພາຍໃນ ກໍອາດຈະຊ່ວຍໃຫ້ສິນຄ້າລາວພັດທະນາຄຸນນະພາບ ແລະ ເປັນທີ່ນິຍົມຊົມຊອບຫຼາຍຂຶ້ນໄດ້.

ໂດຍ: Tamon

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ