Friday, July 19, 2024
Lenovo

VietJet ເພີ່ມທະວີ​ການ​ເຊື່ອມ​ຕໍ່​ສູ່ເມືອງທີ່ຕິດກັບທະເລ​ຂອງ​ຫວຽດ​ນາມ ເພື່ອຕ້ອນຮັບ​ນັກ​ທ່ອງ​ທ່ຽວ​ໃນຊ່ວງ​ລະດູ​ຮ້ອນ

* ນັກ​ທ່ອງ​ທ່ຽວ​ລາວ​ສາ​ມາດ​ເພີດເພີນ​ໄປກັບການ​ພັກ​ຮ້ອນ​ໃນ​ຫາດ​ຊາຍ​ທີ່​ສວຍ​ງາມ​ຂອງ​ຫວຽດ​ນາມ​ໂດຍ​ຜ່ານ​ເຄືອ​ຂ່າຍ​ການ​ບິນຂອງ VietJet.

(ນະຄອນຫຼວງວຽງຈັນ  ວັນທີ 20 ມິຖຸນາ 2024) ໃນລະດູຮ້ອນທີ່ໃກ້ຈະມາເຖິງນີ້, VietJet ໄດ້ມີການຂະຫຍາຍທາງເລືອກສຳລັບບັນດາຜູ້ທີ່ມັກຫາດຊາຍທີ່ສວາຍງາມ ດ້ວຍການເພີ່ມຖ້ຽວບິນໄປຫາບັນດາແຫຼ່ງທ່ອງທ່ຽວແຄມທະເລທີ່ມີຊື່ສຽງຂອງຫວຽດນາມ ຄື: Nha Trang ແລະ Phu Quoc, ໃນຂະນະດຽວກັນກໍໄດ້ສືບຕໍ່ຂະຫຍາຍຖ້ຽວບິນສາກົນຢ່າງຕໍ່ເນື່ອງ.

VietJet ໄດ້​ເປີດ​ຖ້ຽວ​ບິນ​​ທຳ​ອິດ​ທີ່​ເຊື່ອມ​ຕໍ່​ຫາເມືອງແຄມ​ທະ​ເລ​ຂອງ​ຫວຽດ​ນາມ, ເກາະ Phu Quoc ກັບ 2 ຕົວ​ເມືອງ​ຂອງ​ໄຕ້​ຫວັນ ຄື: Kaohsiung ແລະ Taichung. ຖ້ຽວບິນ Phu Quoc ຫາ Taichung ໄດ້​ເລີ່​ມດຳ​ເນີນ​ການ​ໃນ​ວັນ​ທີ 13 ມິຖຸນາ​ນີ້ດ້ວຍ​ຖ້ຽວ​ບິນ​ໄປກັບ​ 3 ຖ້ຽວ​ຕໍ່​ອາທິດ. ຖ້ຽວບິນ Phu Quoc ຫາ Kaohsiung ໄດ້ເລີ່ມໃຫ້ບໍລິການໃນມື້ຕໍ່ມາ, ດ້ວຍ 4 ຖ້ຽວຕໍ່ອາທິດ. ການ​ພັດທະນາ​ເຫຼົ່າ​ນີ້​ເຮັດ​ໃຫ້ VietJet ເປັນ​ສາຍ​ການ​ບິນ​ດຽວ​ທີ່​ສະໜອງ​ຖ້ຽວ​ບິນທີ່ບໍ່ເຄີຍຢຸດນິ້ງລະຫວ່າງ Phu Quoc ກັບ 3 ຕົວ​ເມືອງ​ໃຫຍ່​ຂອງ​ໄຕ້​ຫວັນ​ຄື: Taipei, Kaohsiung ແລະ Taichung, ລວມ​ທັງ 9 ຖ້ຽວບິນລະຫວ່າງ ຫວຽດນາມ – ໄຕ້​ຫວັນ.

ພ້ອມ​ກັນ​ນັ້ນ, VietJet ​ໄດ້​ເພີ່ມ​ຖ້ຽວບິນ​ກົງ​ທີ່​ເຊື່ອມ​ຕໍ່ Phu Quoc ກັບ Seoul (ສະໜາມ​ບິນ​ສາກົນ Incheon) ຈາກ 2ເປັນ 3 ຖ້ຽວ​ບິນ​ໄປ​ກັບ​ທຸກ​ມື້​ຕັ້ງແຕ່ວັນ​ທີ 14 ມິຖຸນາ. ​ເລີ່ມຈາກ​ວັນ​ທີ 19 ກໍລະກົດ​ນີ້, ສາຍ​ການ​ບິນ​ຍັງ​ຈະ​ເພີ່ມ​ຖ້ຽວບິນ​ລະຫວ່າງ​ບັນດາ​ເມືອງທີ່ຕິດ​ຫາດ​ຊາຍ​ທະ​ເລ​ຂອງ​ນະຄອນ Nha Trang ​ເປັນ​ສອງ​ເທົ່າ ແລະ Busan ຈາກໜຶ່ງເປັນສອງຮອບຕໍ່ມື້. ການຂະຫຍາຍຕົວດັ່ງກ່າວຊີ້ໃຫ້ເຫັນວ່າ ປັດຈຸບັນ VietJet ໄດ້ໃຫ້ບໍລິການຖ້ຽວບິນໄປກັບ 21 ຖ້ຽວຕໍ່ມື້, ເທົ່າກັບ 147 ຖ້ຽວບິນໄປກັບທຸກໆອາທິດ, ລະຫວ່າງ ຫວຽດນາມ ແລະ ສ.ເກົາຫຼີ.

ປັດຈຸ​ບັນ ສາຍ​ການ​ບິນ​ໄດ້​ໃຫ້ບໍລິການຖ້ຽວ​ບິນກົງ 11 ​ເສັ້ນທາງ​ທີ່​ເຊື່ອມ​ຕໍ່​ນະຄອນ​ Ho Chi Minh , Ha Noi, Da Nang, Nha Trang, Phu Quoc, Hai Phong with Seoul ແລະ Busan.

ດ້ວຍການຂະຫຍາຍເສັ້ນທາງການບິນໃໝ່ໃນປີນີ້ ເຊິ່ງເຊື່ອມຕໍ່ນະຄອນຫຼວງວຽງຈັນ ຫາ ນະຄອນໂຮ່ຈີມິນ 4 ຖ້ຽວຕໍ່ອາທິດໃນວັນຈັນວັນພຸດ, ວັນສຸກ, ແລະ ວັນອາທິດ ດ້ວຍເວລາບິນພຽງແຕ່ 1 ຊົ່ວໂມງ 45 ນາທີເທົ່ານັ້ນ, ການຂະຫຍາຍຕົວດັ່ງກ່າວຈະສ້າງໂອກາດໃຫ້ແກ່ນັກທ່ອງທ່ຽວຈາກລາວທີ່ຢາກ​ສຳ​ຜັດ​ກັບ​ຫາດ​ຊາຍ​ທະ​ເລ​ທີ່​ສວຍ​ງາມ​ຢູ່​ຫວຽດ​ນາມ ຜ່ານ​​ເສັ້ນທາງເຊື່ອມ​ຕໍ່​ນະ​ຄອນໂຮ່​ຈີ​ມິນ ກັບ Nha Trang, Phu Quoc, Da Nang ແລະ ​ອື່ນໆ. ເພື່ອເຊີຍຊົມວັດ​ທະ​ນະ​ທຳ ແລະ ປະ​ຫວັດ​ສາດ​ທ້ອງ​ຖິ່ນ​ທີ່​ສວຍ​ງາມ. ນັກທ່ອງທ່ຽວຍັງສາມາດທ່ອງທ່ຽວໄດ້ໄກເຖິງຈຸດໝາຍປາຍທາງອັນດັບຕົ້ນໆຂອງອາຊີປາຊີຟິກຄື: Tokyo, Osaka, Seoul, Busan, Taipei, Hong Kong, Sydney, Melbourne, Brisbane, New Delhi, Mumbai ແລະ ອື່ນໆ, VietJet ໄດ້ນໍາເອົາໂອກາດມາໃຫ້ນັກທ່ອງທ່ຽວດ້ວຍຖ້ຽວບິນລາຄາປະຢັດການບໍລິການທີ່ດີ ແລະ ເຄືອຂ່າຍການບິນທີ່ກວ້າງຂວາງ.

ເພື່ອເປັນການສະເຫຼີມສະຫຼອງຄວາມສຳເລັດໃນຄັ້ງນີ້, VietJet ໄດ້ມອບໂປຣໂມຊັນໃຫຍ່ໃນທຸກໆວັນສຸກຈົນເຖິງທ້າຍປີ. ຜູ້ໂດຍສານສາມາດຈອງປີ້ຍົນຕ່າງປະເທດໄດ້ໃນເວັບໄຊທ໌ www.vietjetair.com ຫຼື ຜ່ານແອັບມືຖື VietJet Air ໂດຍຄ່າໂດຍສານເລີ່ມຕົ້ນພຽງແຕ່ 0 ໂດລາ (ບໍ່ລວມພາສີ ແລະ ຄ່າທຳນຽມ). ຜູ້ໂດຍສານ VietJet ທຸກຄົນຈະໄດ້ຮັບ ປະກັນໄພການເດີນທາງແບບ Sky Care ຟຣີ, ລວມເຖິງສິດທິປະໂຫຍດອີກຫຼາກຫຼາຍ ແລະ ບໍລິການຊ່ວຍເຫຼືອດ້ານການແພດ ແລະ ການເດີນທາງທົ່ວໂລກຕະຫຼອດ 24 ຊົ່ວໂມງ.

ເກາະ Phu Quoc, ຕັ້ງຢູ່ແຄມຝັ່ງຕາເວັນຕົກສຽງໃຕ້ຂອງຫວຽດນາມ ທີ່ມີຊື່ສຽງໂດ່ງດັງໃນຕະຫຼອດປີຂອງສະພາບອາກາດທີ່ດີ, ນ້ຳທະເລສີຂຽວເຂັ້ມ ແລະ ຫາດຊາຍຂາວທີ່ທອດຍາວ ພ້ອມກັບບັນດາຣີສອດທີ່ມີຊື່ສຽງລະດັບໂລກ. ນັກ​ທ່ອງ​ທ່ຽວ​ຈາກຕ່າງປະເທດ​ຍັງ​ສາ​ມາດ​ເພີດເພີນ​ກັບ​ໂຄງ​ການ​ຍົກ​ເວັ້ນ​ວີ​ຊາ​ຂອງ​ຫວຽດ​ນາມ, ໂດຍ​ອະ​ນຸ​ຍາດ​ໃຫ້​ຢູ່​ໃນ​ເກາະ​ໄດ້​ເຖິງ 30 ວັນ.

​ໂດຍ​ຕັ້ງ​ຢູ່​ລຽບ​ຕາມ​ແຄມ​ຝັ່ງ​ທະ​ເລ​ພາກ​ກາງ​ ພາກ​ໃຕ້​ຂອງ​ຫວຽດນາມ Nha Trang ​ໄດ້​ດຶງ​ດູດ​ນັກ​ທ່ອງ​ທ່ຽວ​ນັບ​ມື້​ນັບ​ເພີ່ມ​ຂຶ້ນ ​ໃນ​ນັ້ນ​ມີ​ບັນດາ​ນັກ​ທ່ອງ​ທ່ຽວ A-list ຂອງ ສ.​ເກົາຫຼີ. ສະຖານທີ່ທ່ອງທ່ຽວທາງດ້ານວັດທະນະທຳ, ກິດຈະກຳພັກຜ່ອນຢ່ອນອາລົມ ແລະ ອາຫານທະເລທີ່ແຊບຊ້ອຍ ເຮັດໃຫ້ເມືອງນີ້ເປັນຈຸດໝາຍປາຍທາງທີ່ນັກທ່ອງທ່ຽວທັງພາຍໃນ ແລະ ຕ່າງປະເທດມັກຮັກ ເປັນບາດກ້າວສຳຄັນໃນການ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ນັກ​ທ່ອງ​ທ່ຽວ​, ມອບປະສົບການດ້ານມໍລະດົກ​ປະຫວັດສາດ​ວັດທະນະທຳ​ທີ່​ອຸດົມສົມບູນ ​ແລະ ຄວາມ​ມ່ວນ​ຊື່ນ​ດ້ານ​ອາຫານ​ການ​ກິນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ