ລັດຖະບານ ແຫ່ງ ສປປ ລາວ ກໍຄື ກະຊວງຖະແຫລງຂ່່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ພິທີຖະແຫລງຂ່າວ ການຮັບຮອງເອົາແຫລ່ງໄຫຫີນ ແຂວງຊຽງຂວາງ-ທົ່ງໄຫຫີນ ເຂົ້າເປັນມໍລະດົກໂລກ ທາງດ້ານວັດທະນະທຳ ແຫ່ງທີ 3 ຂອງ ສປປ ລາວ ຢ່າງເປັນທາງການ ພາຍຫລັງທີ່ໄດ້ກະກຽມມາເປັນເວລາ 20 ກວ່າປີ ຄືຕັ້ງແຕ່ປີ 1998 ເປັນຕົ້ນມາ.
ພິທີຖະແຫລ່ງຂ່າວ ການປະກາດຮັບຮອງເອົາແຫລ່ງໄຫຫີນ ແຂວງຊຽງຂວາງ-ທົ່ງໄຫຫີນ ເຂົ້າເປັນມໍລະດົກໂລກ ຢ່າງເປັນທາງການ ໄດ້ຈັດຂຶ້ນທີ່ຫໍວັດທະນະທຳແຫ່ງຊາດ ໃນວັນທີ 25 ກໍລະກົດ 2019, ຊຶ່ງໃຫ້ກຽດຖະແຫລງຂ່າວໂດຍ ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທັງເປັນປະທານຄະນະກຳມະການແຫ່ງຊາດ ເພື່ອມໍລະດົກໂລກ ແລະ ທ່່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ, ໂດຍມີຄະນະນໍາ ຈາກກະຊວງ ຖວທ ແລະ ພາກສ່່ວນທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ.
ແຫຼ່ງຂໍ້ມູນ: ສຳນັກຂ່າວສານປະເທດລາວ