ອ້າຍເປ້ຍ ເຫຼົາພັກດີ ນັກກິລາຍົກນ້ຳໜັກຄົນພິການທີມຊາດລາວ ເຈົ້າຂອງຫຼຽນຄຳປະຫວັດສາດໃນວົງການກິລາຄົນພິການລາວ ເປັນນັກກິລາຍົກນ້ຳໜັກຄົນພິການທີມຊາດລາວ ເຈົ້າຂອງຫຼຽນຄຳກິລາຍົກນ້ຳໜັກ ຮຸ່ນ 49 ກິໂລກຣາມ ເອຊຽນ ພາຣາເກມ ຄັ້ງທີ 12.
ລາວ ໄດ້ລົງທຳການແຂ່ງຂັນເອຊຽນ ພາຣາເກມ ຄັ້ງທີ XII ຮຸ່ນນ້ຳໜັກ 49 ກິໂລກຣາມ ເຊິ່ງໃນຮຸ່ນນີ້ມີນັກກິລາເຂົ້າຮ່ວມທັງໝົດ 11 ຄົນ ຈາກ 10 ປະເທດ ແລະ ແບ່ງອອກເປັນ 2 ກຸ່ມ. ໂດຍ ທ້າວ ເປ້ຍ ເຫຼົາພັກດີ ໄດ້ຖືກຈັດຢູ່ອັນດັບທີ 2 ໂດຍມີສະຖິຕິຍົກທີ່ມີຢູ່ 125 ກິໂລກຣາມ ຂອງກຸ່ມ A ມີນັກກິລາ 6 ຄົນ ແລະ 1 ໃນນັ້ນກໍ່ມີ ທ້າວ ບາຊາ ນັກກິລາຍົກນ້ຳໜັກອັນດັບ 1 ຈາກປະເທດອິນເດຍ ທີ່ມີສະຖິຕິຍົກເລີ່ມຕົ້ນໄດ້ເຖິງ 127 ກິໂລກຣາມ.
ລາວບອກວ່າ ສິຖິຕິທີ່ຍົກໄດ້ໃນການແຂ່ງຂັນຄັ້ງນີ້ ຍັງຕ່ຳກວ່າສະຖິຕິທີ່ເຄີຍທົດສອບກ່ອນເຂົ້າຮ່ວມແຂ່ງຂັນ ແນວໃດກໍ່ຕາມ ຕົນເອງຈະໝັ່ນເຝິກຊ້ອມ ແລະ ທຳສະຖິຕິໃຫ້ດີຂຶ້ນກ່ອນເກົ່າ ພ້ອມທັງສະແດງຄວາມຂອບໃຈມາຍັງທຸກກຳລັງໃຈທີ່ສົ່ງໃຫ້ໃນການເດີນເຂົ້າຮ່ວມແຂ່ງຂັນຄັ້ງນີ້ ແລະ ຫວັງວ່າ ຈະໄດ້ຮັບການສະັບສະໜູນຕໍ່ໄປ.
ໃນອະນາຄົດອັນໃກ້ນີ້ ເດືອນກຸມພາ 2019 ແມ່ນຈະເດີນທາງເຂົ້າຮ່ວມແຂ່ງຂັນຢູ່ສະຫະລັດອາຣັບເອມິເຣດ ຫຼັງຈາກນັ້ນ ແມ່ນຢູ່ທີ່ປະເທດຄາຊັກສະຖານ ກ່ອນຈະມຸງເສັ້ນທາງສູ່ ໂຕກຽວ ໃນປີ 2020