ສະຫາຍພົນຈັດຕະວາ ຄໍາເພັດ ສີຊາ ນົນ ກໍາມະການຄະນະພັກກະຊວງ ປ້ອງກັນປະເທດ ຮອງຫົວໜ້າກົມ ໃຫຍ່ພະລາທິການກອງທັບພ້ອມ ດ້ວຍບັນດາພັນລະຍາຄອບຄົວ ການນໍາກະຊວງປ້ອງກັນປະເທດ ໄດ້ນຳເອົາເຄື່ອງອຸປະໂພກ-ບໍລິ ໂພກ ແລະ ຢາປົວພະຍາດຈຳນວນໜຶ່ງທີ່ໄດ້ຮັບຈາກຄອບຄົວ ການນຳພັກ-ລັດ, ຄອບຄົວການນຳກະຊວງປ້ອງກັນປະເທດ, ຄອບຄົວການນໍາກົມໃຫຍ່ພະລາ ທິການກອງທັບ, ຄະນະພະສົງນະຄອນຫຼວງວຽງ ຈັນ ແລະ ບັນດາຫ້າງຮ້ານບໍລິສັດ ເຊິ່ງລວມມູນ ຄ່າ 177.599.000 ກີບ.
ນຳມາມອບໃຫ້ແກ່ກອງພົນທີ 5 ເພືື່ອ ນຳໄປມອບຕໍ່ໃຫ້ພະນັກງານ-ນັກ ຮົບທີ່ກຳລັງປະຕິບັດໜ້າທີ່ເຮັດວຽກ ງານປ້ອງກັນຊາດ-ປ້ອງກັນ ຄວາມສະຫງົບຢູ່ເຂດທຸລະກັນດານຫ່າງໄກສອກຫຼີກ.
ກ່າວຮັບ ໂດຍ ສະຫາຍ ພັນເອກ ວັນທອງ ບຸດຕະວົງ ຫົວໜ້າການທະຫານ ກອງພົນທີ 5 ໂດຍຊ່ອງໜ້າຄະ ນະພັກ-ຄະນະບັນຊາ ແລະ ພາກ ສ່ວນກ່ຽວຂ້ອງທັງສອງຝ່າຍ.
ໂອກາດນີ້ ສະຫາຍ ພັນເອກ ວັນທອງ ບຸດຕະວົງ ຕາງໜ້າໃຫ້ ຄະນະພັກ-ຄະນະບັນຊາ, ພະນັກ ງານ-ນັກຮົບໄດ້ກ່າວສະແດງ ຄວາມຍ້ອງຍໍຊົມເຊີຍ ແລະ ຮູ້ບຸນ ຄຸນມາຍັງການນຳພັກ-ລັດ, ການນໍາກະຊວງປ້ອງກັນປະເທດ, ຄະນະນໍາກົມໃຫຍ່ພະລາທິການ ແລະ ຄະນະພະສົງ, ບັນດາຫ້າງຮ້ານ ບໍລິສັດທີ່ໄດ້ມີຈິດໃຈ, ເອື້ອເຟື້ອເພື່ອແຜ່ ແລະ ໄດ້ໃຫ້ການສະໜັບ ສະໜູນຊ່ວຍເຫຼືອດູແລນາຍ ແລະ ພົນທະຫານ ພ້ອມໃຫ້ຄຳໝັ້ນສັນຍາວ່າຈະນຳເອົາເຄື່ອງຂອງທຸກສິ່ງທຸກຢ່າງເຫຼົ່ານີ້ນຳໄປຈັດຕັ້ງ ປະຕິບັດ ແລະ ມອບໃຫ້ທຸກພາກສ່ວນໃຫ້ໄດ້ຢ່າງທົ່ວເຖິງ.
ແຫຼ່ງຂໍ້ມູນ: Lao people’s Army News