ໃນລະຫວ່າງວັນທີ 12-15 ຕຸລາ 2018 ທີ່ນະຄອນຫລວງວຽງຈັນ, ສະຖາບັນຄົ້ນຄວ້າວິທະຍາສາດ ແລະເຕັກໂນໂລຊີ ແຂວງກວາງຊີ ສປ ຈີນ ຮ່ວມກັບ ໂຮງໝໍມະໂຫສົດ ແລະ ໂຮງໝໍມິດຕະພາບ 150 ຕຽງ ຈັດກອງປະຊຸມສຳມະນາພາຍໃຕ້ຫົວຂໍ້ “ດ້ານການຄວບຄຸມມະເຮັງໃນພາກພື້ນ, ການແບ່ງປັນຊັບພະຍາກອນສຸຂະພາບ ແລະການສ້າງສາຍສຳພັນທີ່ດີ”. ເພື່ອປຶກສາຫາລື ຄົ້ນຄວ້າ ແລະວິໄຈ ເຊື້ອພະຍາດມະເຮັງ, ຮ່ວມມືກັນທາງດ້ານວິຊາການໃນການປ້ອງກັນ ແລະຄວບຄຸມພະຍາດມະເຮັງຮ່ວມກັນ.
ນອກຈາກນີ້, ການແລກປ່ຽນດ້ານການສຶກສາ, ຄວາມສາມາດທາງດ້ານການແພດ ລະຫວ່າງນັກສຶກສາຕ່າງປະເທດ ຂອງລັດຖະບານ ເພື່ອຕອບສະຫນອງຄວາມຕ້ອງການ ຂອງການຊ່ວຍເຫຼືອດ້ານການປິ່ນປົວທາງດ້ານການແພດ ແລະການຮ່ວມມືທາງການແພດ.
ເຂົ້າຮ່ວມໃນກອງປະຊຸມມີ ທ່ານ ພິສິດ ພູສະຫວັດ ອຳນວຍການໂຮງໝໍມະໂຫສົດ, ທ່ານ ອຳນວຍການໂຮງໝໍມິດຕະ ພາບ 150 ຕຽງ, ທ່ານ ຕັງ ເຫວີຍຊົງ ຫົວຫນ້າສະຖາບັນຄົ້ນຄວ້າວິທະຍາສາດ ແຂວງກວາງຊີ ສປ ຈີນ ມີບັນດາແພດໝໍທີ່ກ່ຽວຂ້ອງເຂົ້າຮ່ວມ.