ຫນັງສືແຈ້ງການ!
ຮຽນ: ທ່ານ ຫົວຫນ້າພະແນກສຶກສາທິການ ແລະ ກິລາແຂວງ/ນະຄອນຫຼວງ ທົ່ວປະເທດ
ເລື່ອງ: ສະພາບຂອງນັກສຶກສາລາວຢູ່ ສສ ຫວຽດນາມ
– ອີງຕາມ ຄໍາສັ່ງຂອງຂອງນາຍົກລັດຖະມົນຕີ ແຫ່ງ ສປປ ລາວ ສະບັບເລກທີ 06/ນຍ, ລົງວັນທີ 29/3/2020
– ອີງຕາມຫນັງສືຈາກສະຖານກົງສຸນໃຫຍ່ ແຫ່ງ ສປປ ລາວ ປະຈໍານະຄອນດານັງ, ສສ ຫວຽດນາມ ສະບັບເລກທີ 121/ກສ.ດນ, ລົງວັນທີ 30 ມີນາ 2020. ແລະ ຫນັງສືສະເຫນີຂອງເຈົ້າແຂວງຂອງແຂວງ ພາກກາງ ແລະ ໃຕ້
ກະຊວງສຶກສາທິການ ແລະ ກິລາ ຂໍຖືເປັນກຽດລາຍງານມາຍັງທ່ານຊາບກ່ຽວກັບສະພາບຂອງນັກສຶກສາລາວ ຢູ່ແຂວງຮ່າຕິ່ງ ສສ ຫວຽດນາມ ແລະ ທັດສະນະຂອງກະຊວງສຶກສາທິການ ແລະ ກິລາ ກ່ຽວກັບການຂໍກັບຄືນປະເທດ ຂອງນັກສຶກສາລາວດັ່ງນີ້:
1. ໃນໄລຍະຜ່ານມາຝ່າຍ ສສ ຫວຽດນາມ ກໍຄືໂຮງຮຽນ ໄດ້ເອົາໃຈໃສ່ຄຸ້ມຄອງ ແລະ ດູແລເບິ່ງແຍງນັກສຶກສາລາວເປັນຢ່າງດີ, ມີການກວດສຸຂະພາບ ແລະ ຈັດຫາອາຫານບໍ່ໃຫ້ຂາດແຄນ.
ປັດຈຸບັນຫວຽດນາມກໍມີມາດ ຕະການສະກັດກັ້ນການແຜ່ລະບາດຂອງພະຍາດ ໂຄວິດ-19 (CoviD-19) ຢ່າງເຄັ່ງຄັດໂດຍຫ້າມຄົນຕ່າງປະເທດເຂົ້າມາຢ່າງເດັດຂາດ ໂດຍໃຊ້ມາດຕະການຄືກັບ ສປປ ລາວ.
2. ຖ້າວ່ານັກສຶກສາລາວຢູ່ທີ່ແຂວງຕ່າງໆຂອງ ສສ ຫວຽດນາມ ໂດຍສະເພາະ ຢູ່ແຂວງຮ່າຕິ້ງຫາກມີຄວາມປະສົງ ່ຈະກັບຄືນປະເທດໃນໄລຍະນີ້, ຕາມທັດສະນະຂອງກະກຊວງສຶກສາທິການ ແລະ ກິລາ ແມ່ນໃຫ້ສືບຕໍ່ຢູ່ພາຍໃຕ້ການຄຸ້ມຄອງຂອງໂຮງຮຽນທີ່ ສສ ຫວຽດນາມ.
3. ຖ້າວ່າແຂວງໃດມີຈຸດປະສົງຢາກໃຫ້ນັກສຶກສາລາວກັບຄືນປະເທດ, ໃຫ້ລາຍງານການນໍາແຂວງ, ປະສານສົມ ທົບກັບກະຊວງການຕ່າງປະເທດ ແລະ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ (coVID-19) ຢູ່ຂັ້ນສູນກາງ.
ດັ່ງນັ້ນ, ຈຶ່ງແຈ້ງມາຍັງທ່ານເພື່ອຮັບຊາບຕາມທາງຄວນດ້ວຍ.
