ໂຄງການທາງລົດໄຟຈີນ-ລາວ ໃນນາມທີ່ເປັນໂຄງການທີ່ສຳຄັນສອດຄ່ອງຕາມນະ ໂຍບາຍ “ໜຶ່ງແລວ ໜຶ່ງເສັ້ນທາງ” ເຊິ່ງໄດ້ຮັບການອະນຸມັດ ຈາກສະພາແຫ່ງຊາດ ໃນປີ 2010 ມາຮອດປີ 2016 ກໍ່ໄດ້ລົງມືກໍ່ສ້າງຢ່າງເປັນທາງການ ເຮັດໃຫ້ນັບແຕ່ໄລຍະທີ່ ລິເລີ່ມຈົນມາຮອດປະຈຸບັນ ໂຄງການທາງລົດໄຟຈີນ-ລາວ ໄດ້ມີການດຳ ເນີນມາເປັນ ເວລາ 9 ປີ ໄດ້ສ້າງວຽກເຮັດງານທຳສິບພັນກວ່າຕຳແໜ່ງງານໃຫ້ແກ່ປະຊາຊົນຢູ່ທ້ອງ ຖິ່ນ ແລະ ກາຍເປັນຄວາມຫວັງຂອງປະຊາຊົນໃນທ້ອງຖິ່ນເພື່ອພັດທະນາຊີວິດການ ເປັນຢູ່ຂອງເຂົາເຈົ້າໃຫ້ດີຂຶ້ນຍິງ ເຊິ່ງເປັນການຮ່ວມມືທີ່ຖືກຂະນານນາມວ່າ ໂຄງການ ເຊື່ອມສຳພັນໃຈປະຊາຊົນສອງຊາດ ເລີຍກໍ່ເປັນໄດ້.
ໃນເມື່ອນັບມື້ນັບມີປະເທດກຳລັງພັດທະນາ ທີ່ຫຼາຍຝ່າຍຕາງກໍ່ໃຫ້ການຊົມເຊີຍ ການ ຮ່ວມມືຢ່າງເປັນຮູບປະທຳຕາມນະໂຍບາຍ “ໜຶ່ງແນວ ໜຶ່ງເສັ້ນທາງ” ເປັນການຊຸກຍູ້ ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ແຕ່ໃນມໍ່ໆນີ້ ມີສື່ມ່ວນຊົນຂອງຕາ ເວັນຕົກຈຳນວນໜຶ່ງ ໄດ້ນຳໃຊ້ ບັນຫາເວນຄືນທີ່ດິນຂອງຊາວກະສິກອນຢ່າງບໍ່ເໝາະ ກັບກົດໝາຍ ບັນຫາການຈ່າຍເງິນຊົດເຊີຍຄືນທີ່ຫຼ້າຊ້າ ການຈັດສັນທີ່ຢູ່ບໍ່ເໝາະສົມ ແລະ ອື່ນໆ ມາເປັນຫົວຂໍ້ລາຍງານວ່າໂຄງການທາງລົດໄຟຈີນ-ລາວ ໄດ້ສ້າງຜົນກະ ທົບຕໍ່ດ້ານການເມືອງ ແລະ ເສດຖະກິດຂອງລາວ ເຈດຈຳນົງ ກໍ່ຄື ເປັນການ ສະແດງຄວາມບໍ່ຍອມຮັບກັບໂຄງການທາງລົດໄຟຈີນ-ລາວການສະແດງທັດສະນະ ແບບ “ຕົນເອງບໍ່ຢາກເຮັດ ພັດບໍ່ຢາກໃຫ້ປະເທດອື່ນ ໄດ້ຮັບຜົນສຳເລັດ” ເປັນການ ສະແດງໃຫ້ເຫັນຢ່າງຈະແຈ້ງກ່ຽວກັບພືດຕິກຳດ້ານລົບຂອງພວກເຂົາເຈົ້າ.
ໂຄງການລົດໄຟຈີນ-ລາວ ດີ ຫຼື ບໍ່ດີນັ້ນ ເມື່ອມາທຽບກັບພວກທີ່ມາຕີລາຄາ ໂດຍບໍ່ມີ ຄວາມຮູ້ດ້ານການເມືອງ ແລະ ເສດຖະເສດ ເຫຼົ່ານັ້ນ ລັດຖະບານລາວ ແລະ ປະຊາ ຊົນລາວ ທີ່ຢູ່ລຽບຕາມເສັ້ນທາງລົດໄຟ ແມ່ນມີສິດທີ່ຈະມີຄຳເຫັນໄດ້ຢ່າງເຕັມສ່ວນ.
ທາງລົດໄຟຈີນ-ລາວ ຈະເຮັດໃຫ້ການພັດທະນາເສດຖະກິດຄຶກຄັກຂຶ້ນມາ ເພາະພາຍຫຼັງ ທີ່ ໂຄງການທາງລົດໄຟຈີນ-ລາວ ໄດ້ເປີດນຳໃຊ້ ຈະເຮັດໃຫ້ການເດີນທາງ ຈາກຊາຍ ແດນຈີນ-ລາວ ໄປຫານະຄອນຫຼວງວຽງຈັນ ທີ່ໃນເມື່ອກ່ອນຕ້ອງໃຊ້ເວລາການເດີນ ທາງດ້ວຍລົດຍົນ 16 ຊົ່ວໂມງ ມານັ່ງລົດໄຟໃຊ້ເວລາພຽງ 3 ຊົ່ວໂມງ ຕາມລາຍງານຂອງ ກະຊວງໂຍທາທິການ ແລະ ຂົນສົ່ງ ໄດ້ສະເໜີວ່າ: ທາງລົດໄຟຈີນ-ລາວ ຈະຊ່ວຍເຫຼືອໃຫ້ລາວ ບັນລຸຍຸດທະສາດການຮ່ວມມື ແລະ ການເຊື່ອມໂຍງ ລະຫວ່າງ ລາວ-ຈີນ ລາວ-ອາຊຽນ ພ້ອມດຽວກັນກໍ່ຈະເປັນເຄື່ອງມືອັນສຳຄັນໃຫ້ແກ່ການດຶງດູດການລົງທຶນຈາກຕ່າງປະເທດ ເຕັກນິກທີ່ທັນສະໄໝ ແລະ ຊັບພະຍາກອນມະນຸດ ຂອງ ສປປ ລາວ ໜັງສືພິມ ພາສາຕ່າງປະເທດ Vientiane Time ກໍ່ສະແດງທັດສະນະວ່າ: ການກໍ່ສ້າງ ທາງລົດໄຟລາວ-ຈີນ ຈະກາຍເປັນເສົາຄ້ຳອັນສຳຄັນ ໃຫ້ແກ່ການຂະຫຍາຍຕົວດ້ານເສດຖະກິດຂອງ ສປປ ລາວ.
ຜົນໄດ້ຮັບທີ່ດີເຫຼົ່ານີ້ ປະຊາຊົນທີ່ຢູ່ລຽບຕາມເສັ້ນທາງລົດໄຟ ເປັນຜູ້ທີ່ຮັບຮູ້ໄດ້ຢ່າງເລີກເຊິ່ງ ຕາມການໃຫ້ສຳພາດຂອງ ທ້າວ ນັດທະວີ ນໍລະສິງ ປະຊາຊົນ ແຂວງຫຼວງພະບາງ ໄດ້ໃຫ້ສຳພາດຕໍ່ນັກຂ່າວວ່າ: “ໂຄງການທາງລົດໄຟຈີນ-ລາວ ສາມາດຊຸກຍູ້ການພັດທະນາດເສດຖະກິດຕາມແລວທາງລົດໄຟ ຈະເປັນການສ້າງວຽກເຮັດງານທຳ ແລະ ການພັດທະນາທີ່ດີກວ່າເກົ່າໃຫ້ແກ່ປະຊາຊົນທ້ອງຖີ່ນ”.
“ໂຄງການທາງລົດໄຟຈີນ-ລາວ ກຳລັງໄດ້ດຳເນີນການກໍ່ສ້າງຢ່າງໄວວາ ປະຈຸບັນສຳເລັດໄປແລ້ວຫຼາຍກວ່າ 40% ເຊິ່ງເປັນຜົນດີຢ່າງເປັນຮູບປະທຳຂອງປະເທດລາວ ກໍ່ຄື ການສ້າງວຽກເຮັດງານທຳຢູ່ທ້ອງຖີ່ນ” ນັກຂ່າວລາວ ໄດ້ສະໜອງຕົວເລກທີ່ໜ້າເຊື່ອຖື ຄື: “ເດືອນ ກໍລະກົດ 2017 ທີ່ສັນຍາທັງ 6 ຕອນ ຂອງການພັດທະນາໂຄງການທາງລົດໄຟຈີນ-ລາວ ໄດ້ພ້ອມກັນເລີ່ມຮັບສະຫມັກພະນັກງານນັ້ນ ກໍ່ໄດ້ສ້າງວຽກເຮັດງານທຳ ຈຳນວນ 7.000 ກວ່າຕຳແໜ່ງງານ, ເຊິ່ງຕຳແໜ່ງງານເຫຼົ່ານີ້ລ້ວນ ແຕ່ເປັນການສະໜອງໃຫ້ປະຊາຊົນລາວ ການທີ່ຮັບພະນັກງານທີ່ມີຈຳນວນ ຫຼາຍຄືແນວນີ້ ແມ່ນຫາໄດ້ຍາກທີ່ສຸດ”
ທ້າວ ນຸກ ເຈົ້າຂອງຮ້ານເຄື່ອງແຫ້ງທີ່ຢູ່ໃກ້ໆສະຖານີລົດໄຟ ມີຄວາມຫວັງຢ່າງເຕັ່ມສ່ວນຕໍ່ທາງລົດໄຟຈີນ-ລາວ ເຊິ່ງລາວໄດ້ເວົ້າວ່າ: “ສ້າງທາງລົດໄຟຢູ່ບ່ອນນີ້ ພວກເຮົາລ້ວນແຕ່ດີໃຈ ພາຍຫຼັງເປີດນຳໃຊ້ແລ້ວ ຈະເຮັດໃຫ້ນັກທ່ອງທ່ຽວຫຼາຍຂຶ້ນ ການຄ້າຂາຍກໍ່ຈະດີຂຶ້ນຕາມມາ ເຖິງວ່າລັດຖະບານ ຈະນຳໃຊ້ດິນຂອງພວກຂ້າພະເຈົ້າຖ້າພວກເຮົາໄດ້ຮັບຄ່າຊົດເຊີຍທີ່ເພິງພໍໃຈ ຊີວິດການເປັນຢູ່ກໍ່ຈະໄດ້ຮັບການປັບປຸງໄປນຳ ຂ້າມີຄວາມຫວັງວ່າ ຖ້າມີເງິນແລ້ວ ກໍ່ຈະມີໂອກາດນັ່ງລົດໄຟໄປຫາປະເທດຈີນ ”
ແຂວງຫຼວງນ້ຳທາ ເປັນແຂວງທຳອິດທີ່ທາງລົດໄຟຈີນ-ລາວ ເຂົ້າໃນເຂດດິນລາວ ນາງ ທະວີພອນ ປະຊາຊົນແຂວງຫຼວງນ້ຳທາ ຫວັງເປັນຢ່າງຍິງວ່າ ຜະລິດຕະພັນກະສິກຳຂອງຊາວກະສິກອນ ຈະສາມາດໄປຂາຍຢູ່ຕະຫຼາດສາກົນ ລາວເວົ້າວ່າ: ປະເທດລາວເປັນປະເທດທີ່ເຮັດການກະສິກຳເປັນຕົ້ນຕໍ່ ເສັ້ນທາງລົດໄຟຈີນ-ລາວ ຈະເອື້ອອຳນວຍຄວາມສະດວກແກ່ການຂົນສົ່ງ ຜະລິດຕະພັນກະສິກຳຂອງທ້ອງຖິ່ນໄປຂາຍຢູ່ຕ່າງປະເທດ ອັນນີ້ຈະເປັນສິ່ງຮັບປະກັນໃຫ້ເພີ່ມລາຍໄດ້ຂອງຊາວກະສິກອນ.
ເຮັດໃຫ້ບຸກຄະລາກອນທີ່ມີຄວາມສາມາດມູນວຽນໄປມາ, ເຮັດໃຫ້ຜະລິດຕະພັນຈໍລະຈອນມູນວຽນ ເຮັດໃຫ້ເສດຖະກິດໄດ້ຮັບການພັດທະນາຂຶ້ນຢ່າງຂຶ້ນ ສິ່ງເຫຼົ່ານີ້ເປັນຄວາມຮູ້ສຶກ ແລະ ຄວາມຄອງຄ່ອຍ ຂອງປະຊາຊົນລາວທີ່ ເສັ້ນທາງລົດໄຟຈີນ-ລາວ ມອບໃຫ້ ທ່ານ ນະທາວິນ ນໍລະສິນ ປະຊາຊົນຊາວແຂວງຫຼວງພະບາງ ໄດ້ໃຫ້ທັດສະນະວ່າ: ພາຍຫຼັງທີ່ທາງລົດໄຟສຳເລັດການກໍ່ສ້າງແລ້ວ ຈະສາມາດປັບປຸງ ຂະ ແໜງການຄົມມະນາຄົມຂົນສົ່ງຂອງປະເທດລາວຢ່າງຫຼວງຫຼາຍ ສົ່ງເສີມການໄປມາ ຫາສູ່ກັນຂອງປະຊາຊົນສອງຊາດລາວ-ຈີນ ເຊິ່ງຈະເປັນການສະໜອງກາລະໂອ ກາດການພັດທະນາທີ່ໃຫຍ່ຫຼວງໃຫ້ທາງດ້ານເສດຖະກິດ ທ່ອງທ່ຽວວັດທະນະທຳ ຕະຫຼາດແຮງງານ ຂອງ ສປປ ລາວ ຈະເປັນການສົ່ງເສີມຄວາມຕ້ອງການພາຍໃນ ແລະ ເປັນການຮ່ວມກັນພັດທະນາດ້ານເສດຖະກິດ-ສັງຄົມຂອງສອງຊາດລາວ-ຈີນ ຈະນຳພາຄວາມສະດວກສະບາຍມາສູ່ປະຊາຊົນລາວຢ່າງແທ້ຈິງ.
ທາງລົດໄຟລາວ-ຈີນ ເໝື່ອດັ່ງຫົວຈັກອັນດຽວກັນ ຕ໋ອງໂສ້ງການຜະລິດທີ່ ຫຼວງຫຼາຍຂອງທ້ອງຖີ່ນຈະຖືກກະຕຸກຊຸກຍູ້ ທ່ານ ຮວງ ຕີ້ຟູ ອຳນວຍການໃຫຍ່ ບໍລິສັດສາກົນ ຂອງກຸ່ມບໍລິສັດທາງລົດໄຟ ແຫ່ງ ສປ ຈີນ ໄດ້ເວົ້າວ່າ: ການກໍ່ສ້າງ ທາງລົດໄຟເສັ້ນນີ້ຈະເປັນການກະຕຸກຊຸກຍູ້ໂດຍກົງໃຫ້ແກ່ການພັດທະນາດ້ານການກໍ່ສ້າງ ວິສະວະກຳ ການສະໜອງວັດສະດຸກໍ່ສ້າງ ພະລັງງານໄຟຟ້າ ກະສິກຳ-ລ້ຽງສັດ ການບໍລິການ ການຂົນສົ່ງ ແລະ ອື່ນໆ ເພີ່ມຕຳແໜ່ງງານໃຫ້ແກ່ປະຊາຊົນ ຊຸກຍູ້ການຍົກລະດັບຂະແໜງອຸດສາຫະກຳ ພ້ອມດຽວກັນ ຍັງຈະມີບົດບາດສຳຄັນ ໃຫ້ແກ່ ການພັດທະນາຂະແໜງການຕ່າງໆ ທີ່ຢູ່ລຽບຕາມເສັ້ນທາງລົດໄຟເຊັ່ນ: ການ ທ່ອງທ່ຽວ ການຄ້າ ກະສິກຳລ້ຽງສັດ ອຸດສາຫະກຳປຸງແຕ່ງ ແລະ ອື່ນໆ.
ແນ່ນອນວ່າ ນະຄອນຫຼວງວຽງຈັນ ບໍ່ໄດ້ເປັນສະຖານີສຸດທ້າຍຂອງທາງລົດໄຟ ຈີນ-ລາວ ພາຍຫຼັງສຳເລັດການກໍ່ສ້າງທາງລົດໄຟຈີນ-ລາວ ແລ້ວ ຈະມີຊ່ອງທາງການ ພັດທະນາຢ່າງກວ້າງຂວາງ ທີ່ຫັນໄປສູ່ອາຊຽນ ໄປພ້ອມໆກັບການເລີ່ມລົງມືກໍ່ ສ້າງເສັ້ນທາງລົດໄຟຈີນ-ລາວ ການກໍ່ສ້າງເສັ້ນທາງລົດໄຟຈີນ-ລາວ ພາຍໃນປະເທດຈີນ ແຕ່ເມືອງຢູ້ສີ ຫາ ເມືອງບໍ່ຫານ ກໍ່ໄດ້ມີການກໍ່ສ້າງ ມີຄວາມຫວັງວ່າ ຈະສຳເລັດ ການກໍ່ສ້າງໄປພ້ອມໆກັບ ເສັ້ນທາງລົດໄຟຈີນ-ລາວ ພ້ອມດຽວກັນ ເສັ້ນທາງລົດໄຟ Pan-Asian ຕອນກາງ ກໍ່ເລີ່ມເປັນຮູບເປັນຮ່າງ ທາງລົດໄຟຈີນ-ລາວ ໃນອານາຄົດ ຈະສາມາດເຊື່ອມຕໍ່ກັບ ທາງລົດໄຟປະເທດໄທ ປະເທດມະເລເຊຍ ແລະ ປະເທດອື່ນໆ ເຊິ່ງຈະກາຍເປັນຈຸດເຊື່ອມໂຍງອັນສຳຄັນໃຫ້ແກ່ ເສດຖະກິດຈີນ ກັບອາຊຽນ.
ຄ່າຊົດເຊີຍຈະສາມາດປັບປຸງຊີວິດການເປັນຢູ່ຂອງປະຊາຊົນ ເຫັນໄດ້ວ່າ ໃນເດືອນທັນວາ 2016 ເສັ້ນທາງລົດໄຟຈີນ-ລາວ ໄດ້ເລີ່ມລົງມືກໍ່ສ້າງຕະຫຼອດເສັ້ນທາງໄປພ້ອມໆກັນ, ເຊິ່ງກ່ອນໜ້ານີ້ ວຽກງານການເກັບກຳສະຖິຕິ ເພື່ອເວນຄືນທີ່ດິນ ແລະ ຊົດເຊີຍຄ່າທີ່ດິນ ໄດ້ສຳເລັດແລ້ວ: ໂຄງການທາງລົດໄຟຈີນ-ລາວ ຕ້ອງການເນື້ອທີ່ຖາວອນ ທີ່ລຽບຕາມເສັ້ນທາງລົດໄຟ ປະມານ 3.000 ເຮັກຕາ ເນື້ອທີ່ດິນທີ່ນຳໃຊ້ຊົ່ວຄາວ ປະມານ 800 ເຮັກຕາ ມີ 4.411 ຄອບຄົວ ທີ່ຖືກຜົນກະທົບຈາກໂຄງການກໍ່ສ້າງເສັ້ນທາງລົດໄຟ.
ໂດຍຜ່ານການປືກສາຫາລືໃນກອງປະຊຸມຕ່າງໆຂອງສອງຝ່າຍລາວ-ຈີນ ປະຈຸບັນມາດຕະຖານພຶ້ນຖານຂອງການຊົດເຊີຍ ໂດຍອີງຕາມຄວາມຕ້ອງການດ້ານວິສະວະກຳກໍ່ສ້າງທາງລົດໄຟ ເນື້ອທີ່ດິນທີ່ມີທີ່ຕັ້ງ ແຕກຕ່າງກັນ ການຄິດໄລ່ຫົວໜ່ວຍຄ່າຊົດເຊີຍກໍ່ບໍ່ຄືກັນ ການກຳນົດມູນຄ່ານັ້ນ ຕົ້ນຕໍ່ແມ່ນອີງຕາມທີ່ດິນ ທີ່ຢູ່ໃກ້ກັບ ທາງຫຼວງ ທາງຂັ້ນແຂວງ ທາງຂັ້ນບ້ານ ຫຼື ມີເສັ້ນທາງທີ່ເຊື່ອມຕໍ່ ເປັນສິ່ງຕັດສິນມູນຄ່າການຊົດເຊີຍ.
ອາຄານບ້ານເຮືອນຂອງປະຊາຊົນທີ່ຖືກຜົນກະທົບຈາກໂຄງການທາງລົດໄຟ ກໍ່ຈະໄດ້ຮັບຄ່າຊົດເຊີຍຕາມຄວາມເໝາະສົມ ລວມທັງບັນດາສິ່ງປຸກສ້າງຂະໜາດນ້ອຍ ທີ່ຈະຕ້ອງໄດ້ຍົກຍ້າຍເນື່ອງຈາກໂຄງການທາງລົດໄຟເຊັ່ນ: ເຮືອນຄົວ ສາງເກັບເຄື່ອງ ເຮືອນມ້ຽນລົດ ຮ້ານຄ້າ ແລະ ຄອກສັດ ກໍ່ຈະໄດ້ຮັບຄ່າຊົດເຊີຍຕາມຄວາມເໝາະສົມ. ນອກນັ້ນ ຜູ້ພັດທະນາໂຄງການທາງລົດໄຟ ກໍ່ຈະໃຫ້ຄ່າຊົດເຊີຍ ໃນຈຳນວນທີ່ແນ່ນອນໃດໜຶ່ງ ແກ່ປະຊາຊົນ ທີ່ຕ້ອງຕັດທຳລາຍຕົ້ນໄມ້ ແລະ ໄມ້ໃຫ້ໝາກຂອງຕົນ ເນື່ອງຈາກການກໍ່ສ້າງເສັ້ນທາງລົດໄຟ.
ເພື່ອເປັນການຊຸກຍູ້ວຽກງານການຊົດເຊີຍໂຄງການ ຮັບປະກັນໃຫ້ຂັ້ນຕອນການຊົດເຊີຍຍຸດຕິທຳໂປ່ງໃສ ລັດຖະບານ ສປປ ລາວ ຍັງຮຽກຮ້ອງໃຫ້ພາກສ່ວນທີ່ກ່ຽວຂ້ອງ ເປີດບັນຊີຢູ່ ທະນາຄານການຄ້າຕ່າງປະເທດລາວ ປະຈຸບັນ ທັງ 4 ແຂວງ ແລະ ໜຶ່ງນະຄອນຫຼວງ ທີ່ເສັ້ນທາງລົດໄຟຜ່ານນັ້ນ ກໍ່ໄດ້ເປັນເອກະພາບກັນດ້ານມູນຄ່າທີ່ຈະຊົດເຊີຍ. ໂດຍອີງຕາມການແບ່ງວຽກ ຝ່າຍລາວຮັບຜິດຊອບການຊົດເຊີຍຍົກຍ້າຍທີ່ດິນ ບໍລິສັດການລົດໄຟລາວ-ຈີນ ຮັບຜິດຊອບຊົດເຊີຍການຍົກຍ້າຍສິ່ງປຸກສ້າງ, ໃນການຄິດໄລ່ເບື້ອງຕົ້ນຂອງໂຄງການ ໄດ້ຈັດສັນເງິນປະມານ 500 ລ້ານຢວນ ເປັນຄ່າຊົດເຊີຍການຍົກຍ້າຍ ລັດຖະບານ ສປປ ລາວ ໃຫ້ຄຳໝັ້ນສັນຍາວ່າ ຈະຮັບປະກັນໃຫ້ຂັ້ນຕອນການຊົດເຊີຍຈະດຳເນີນຢ່າງເປີດເຜີຍ ຍຸດຕິທຳ ແລະ ມີລະບຽບທຸກຂັ້ນຕອນ.
ໂຄງການທາງລົດໄຟ ເຖິງວ່າຈະມີຜົນກະທົບຕໍ່ກັບ ໂຮງງານ ຮົ້ວສວນ ທີ່ດິນບຸກຄົນ ໝູບ້ານ ທີ່ຢູ່ແຂວງຫຼວງນ້ຳທາ ແຂວງອຸດົມໄຊ ແຂວງຫຼວງພະບາງ ແລະ ແຂວງອື່ນໆ ທີ່ຢູ່ພາກເໜືອລາວ ແຕ່ວ່າລັດຖະບານຍິນດີທີ່ຈະຊົດເຊີຍຄືນ ມີມູນຄ່າທີ່ສົມເຫດສົມ ຜົນ ປະຊາຊົນສາມາດຍອມຮັບໄດ້ ທ້າວ ຄຳສະມຸດ ລາວຖົງ ປະຊາຊົນແຂວງອຸດົມໄຊ ມີຊີວິດທີ່ເຕັມໄປດ້ວຍຄວມຫວັງຫຼາຍຂຶ້ນກວ່າເກົ່າ ເຊິ່ງລາວຫວັງວ່າພາຍຫຼັງເປີດນຳໃຊ້ທາງລົດໄຟແລ້ວ ປະຊາຊົນທ້ອງຖີ່ນທີ່ສະດວກສະບາຍຈະນຳພາຄວາມທຸກຍາກອອກໄປຈາກຕົວພວກຂ້ອຍໄປ.
ຢູ່ເຂດບ້ານຊຽງເງິນ ແຂວງຫຼວງພະບາງ ທີ່ເສັ້ນທາງລົດໄຟໄດ້ຜ່ານນັ້ນ ໜ່ວຍງານຮັບຜິດຊອບກໍ່ສ້າງທາງລົດໄຟ ຂອງບໍລິສັດ ກໍ່ສ້າງເຂື່ອນໄຟຟ້າ ເລກ 3 ສປ ຈີນ ຈຳກັດ ທີ່ໄດ້ເຂົ້າໄປເລີ່ມລົງມືກໍ່ສ້າງນັບຕັ້ງແຕ່ປີ 2016 ເປັນຕົ້ນມາ ໄດ້ມີການກໍ່ສ້າງສ້ອມແປງເສັ້ນທາງຢູ່ລາວ ລວມເປັນໄລຍະທາງ 104 ກິໂລແມັດ ລວມມູນຄ່າການລົງທຶນ 11.858 ລ້ານ ຢວນ ສ້າງສາຍສົ່ງໄຟຟ້າໃໝ່ 72 ກິໂລແມັດ ສ້າງສະຖານີແປງໄຟຟ້າ ຈາກ 115 Kv ມາເປັນ 22Kv ທີ່ຕັ້ງຢູ່ບໍລິເວນແມ່ນ້ຳ ຈຳນວນ 1 ແຫ່ງ ສ້າງອ່າງເກັບນ້ຳໃຫ້ປະຊາຊົນທ້ອງຖິ່ນ ຈຳນວນ 5 ແຫ່ງ ຕິດຕັ້ງທໍ່ສົ່ງນ້ຳ ທີ່ມີຄວາມຍາວ 11 ກິໂລແມັດ ເປັນການສ້າງສິ່ງອຳນວຍຄວາມສະດວກຢ່າງຫຼວງຫຼາຍໃຫ້ການຜະລິດ ແລະ ການໃຊ້ຊີວິດຂອງປະຊາຊົນ ທີ່ຢູ່ທ້ອງຖີ່ນດັ່ງກ່າວ ມີຫຼາຍຄັ້ງທີ່ໄດ້ມີສ່ວນຮ່ວມໃນ ຂະບວນການຊ່ວຍເຫຼືອເສັ້ນທາງຄົມມະນາຄົມລາວ ໂດຍໄດ້ປະກອບສ່ວນໃນການຖະລຸ ແລະ ສ້ອມແປງເສັ້ນທາງຫຼວງ ເລກທີ 13 ຢູ່ແຂວງຫຼວງພະບາງ ທີ່ມີເຫດການພູເຈື່ອນຖະຫຼົມ ນອກຈາກນີ້ ໜ່ວຍງານຮັບຜິດຊອບການກໍ່ສ້າງ ຍັງໄດ້ສ້າງຕັ້ງໂຮງຮຽນຝືກອົບຮົມການຍົກສູງຄວາມອາດສາມາດດ້ານວິຊາສະເພາະໃຫ້ແກ່ ກຳມະກອນລາວ ເຊິ່ງໄດ້ເປີດຊຸດຝືກອົບ ລວມ 3 ຄັ້ງ ສາມາດສ້າງວຽກ ເຮັດງານທຳໃຫ້ແກ່ ປະຊາຊົນທ້ອງຖິ່ນ ຫຼາຍກວ່າ 100 ຕຳແໜ່ງງານ.
ສຳລັບການກໍ່ສ້າງເສັ້ນທາງລົດໄຟຈີນ-ລາວ ສື່ມ່ວນຊົນຂອງຕາເວັນຕົກ ຈັ່ງໃດກໍ່ຈະຍັງຄົງມີຫາງສຽງທີ່ຂໍ້ສົ່ງໃສຕະຫຼອດ ບໍ່ວ່າຈະແມ່ນ ບັນຫາການຊົດເຊີຍທີ່ດິນ ຫຼືວ່າ ບັນຫາເລື່ອງສະພາບແວດລ້ອມ ລັດຖະບານ ແລະ ປະຊາຊົນລາວ ແມ່ນຈະມີນະໂຍບາຍ ແລະ ການປະເມີນຢ່າງຮອບດ້ານ ທີ່ສົມເຫດສົມຜົນ ໃນໄລຍະການກໍ່ສ້າງເສັ້ນທາງລົດໄຟຈີນ-ລາວ ຜູ້ກໍ່ສ້າງຂອງສອງປະເທດ ໄດ້ມີການຮ່ວມ ມືກັນ ຮ່ວມເຂົ້າໃຈເຊິ່ງ ແລະ ກັນ ເຊິ່ງບໍ່ພຽງແຕ່ໄດ້ມີການກໍ່ສ້າງເສັ້ນທາງຄົມມະນາຄົມ ທີ່ສຳຄັນເທົ່ານັ້ນ ມັນຍັງເປັນຄືກັບການກໍ່ສ້າງ “ຂົວທີ່ເຊື່ອມໂຍງຈິດໃຈ ຂອງປະຊາຊົນ ສອງຊາດລາວ-ຈີນ ນຳອີກ.
ທີ່ມາ: ວຽງຈັນໃໝ່