ປະຈຳວັນທີ 15 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ລາວ ກຽມພັດທະນາໂຄງການພະລັງງານໄຟຟ້າແສງຕາເວັນ ແບບປະສົມປະສານ ທີ່ໃຫຍ່ທີ່ສຸດໃນໂລກ
ລັດຖະບານ ແຫ່ງ ສປປ ລາວ ແລະ ບໍລິສັດໄຟຟ້າຝຣັ່ງ (EDF) ໄດູ້ຮ່ວມລົງນາມໃນສັນຍາວ່າດ້ວຍການພັດທະນາໂຄງການ (PDA) ພະລັງງານໄຟຟ້າແສງຕາເວັນ ແບບປະສົມປະສານ ທີ່ອ່າງເກັບນໍ້າຂອງເຂື່ອນໄຟຟ້ານໍ້າເທີນ 2 ຢູ່ແຂວງຄໍາມ່ວນ
ໂຄງການດັ່ງກ່າວເປັນໂຄງການທີ່ໃຫຍ່ທີ່ສຸດໃນໂລກ ການຕິດຕັັ້ງພະລັງງານໄຟຟ້າແບບປະສົມປະສານ ຈະສາມາດຜະລິດພະລັງງານໄຟຟ້າຈາກແສງຕາເວັນ ໄປຄຽງຄູ່ກັບການຜະລິດໄຟຟ້າພະລັງງານນໍ້າຕົກ, ມີຈຸດປະສົງເພື່ອຮັກສານໍ້າໄວ້ເມື່ອມີແສງຕາເວັນ ໂດຍລະບົບຜະລິດໄຟຟ້າພະລັງງານນໍ້າຈະນໍາໃຊ້ນໍ້າໜ້ອຍລົງ ໂດຍຈະນໍາໃຊ້ພະລັງງານແສງຕາເວັນແທນ…ອ່ານຕໍ່
ສສ ຫວຽດນາມ ມອບອຸປະກອນການແພດ ປ້ອງກັນພະຍາດໂຄວິດ-19 ໃຫ້ ປກສ ແຂວງສະຫວັນນະເຂດ
ກອງບັນຊາການ ຕຳຫຼວດແຂວງກວາງບິ່ງ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ໄດ້ນໍາເອົາອຸປະກອນການແພດ ມາມອບໃນຄັ້ງນີ້ມີ ຜ້າອັດປາກ ຈໍານວນ 150 ກັບ, ຈັກພົ່ນຢາຂ້າເຊື້ອ 1 ໜ່ວຍ, ຊຸດໃຊ້ສຳລັບປ້ອງກັນພະຍາດໂຄວິດ-19 ຈຳນວນ 25 ຊຸດ, ຜົງຢາຂ້າເຊື້ອ ຈຳນວນ 10 ຖົງ, ເຈວລ້າງມື້ 36 ຕຸກ ແລະ ເຄື່ອງວັດແທກອຸນຫະພູມ ຈຳນວນ 8 ອັນ
ໃນໂອກາດດັ່ງກ່າວ ທ່ານ ພັທ ຈັນທາ ແສນສຸລິວົງ ຮອງກອງບັນຊາການ ປກສ ແຂວງ ໄດ້ກ່າວສະແດງຄໍາຂອບໃຈມາຍັງ ຄະນະການນຳກອງບັນຊາການ ຕຳຫຼວດແຂວງກວາງບິ່ງ ກໍ່ຄືຜູ້ນຳພັກ-ລັດ ແຫ່ງ ສສ ຫວຽດນາມທີ່ໄດ້ນຳເອົາເຄື່ອງຊ່ວຍເຫຼືອມາມອບໃຫ້ໃນຄັ້ງນີ້…ອ່ານຕໍ່
ສະຫວັນນະເຂດ ສ້າງໂຮງໝໍພາກສະໜາມເພື່ອຮອງຮັບຜູ້ຕິດເຊື້ອພະຍາດໂຄວິດ 19
ເພື່ອເປັນການຮອງຮັບດ້ານສະຖານທີ່ປິ່ນປົວສຳລັບຜູ້ຕິດເຊື້ອພະຍາດໂຄວິດ 19 ໃຫ້ພຽງພໍ ແລະ ຫຼີກລ່ຽງຄວາມແອອັດຂອງຜູ້ຕິດເຊື້ອພະຍາດໂຄວິດ-19 ພາຍໃນສູນປິ່ນປົວ
ຈຶ່ງໄດ້ສ້າງໂຮງໝໍພາກສະໜາມເພື່ອຮອງຮັບຜູ້ຕິດເຊື້ອພະຍາດໂຄວິດ-19 ໂດຍໄດ້ກຳນົດເອົາ ບໍລິສັດອາເດີລານ ລາວຈຳກັດ ເປັນໂຮງໝໍສຳລັບປິ່ນປົວຜູ້ ເຊິ່ງຈຸດດັ່ງກ່າວແມ່ນມີພື້ນທີ່ກວ້າງ ຫ່າງໄກຈາກຊຸມຊົນ ແລະ ສາມາດຮອງຮັບຜູ້ຕິດເຊື້ອໄດ້ສູງເຖິງ 1.000 ຄົນ…ອ່ານຕໍ່
ເຈົ້ານະຄອນໄກສອນພົມວິຫານ ເຂັ້ມງວດກວດກາ 5 ບ້ານປ້ອງກັນບໍ່ໃຫ້ມີຄົນລັກລ້ອມຂ້າມມາ
ທ່ານ ເຈົ້ານະຄອນ ໄກສອນ ພົມວິຫານ ໄດ້ເນັ້ນໜັກອ້າຍນ້ອງທະຫານຊາຍແດນ ແລະ ເລຂາພັກບ້ານ-ນາຍບ້ານເອົາໃຈໃສ່ຄຸ້ມຄອງເຮືອຕາມລໍາແມ່ນໍ້າຂອງຢ່າງເຂັ້ມງວດໃນຈໍານວນ 5 ບ້ານຄື: ບ້ານ ໂພນສະຫວັນ, ບ້ານ ດອນເຊັງ, ບ້ານ ສົ້ມປ່ອຍ,ບ້ານຫ້ວຍໄຜ່ ແລະ ບ້ານຜັກຂະ
ເພື່ອປ້ອງກັນບໍ່ໃຫ້ມີການລັກລອບເຂົ້າມາໂດຍບໍ່ຖືກຕ້ອງຕາມລະບຽບກົດໝາຍ ເພາະອາດຈະສ່ຽງໃນການນໍາເຊື້ອພະຍາດໂຄວິດ-19 ມາສູ່ປະຊາຊົນພາຍໃນໂດຍແມ່ນກໍາລັງທະຫານຊາຍແດນປະຈໍາແຕ່ລະຈຸດ…ອ່ານຕໍ່
ທ່ານ ໄຊສົມພອນ ພົມວິຫານ ມອບຕຽງນອນຄົນເຈັບ 16 ໜ່ວຍໃຫ້ກັບແຂວງຈໍາປາສັກ
ປັດຈຸບັນແຂວງຈຳປາສັກໄດ້ມີແຮງງານລາວກັບມາຈາກປະເທດເພື່ອນບ້ານໂດຍຖືກຕ້ອງຕາມກົດໝາຍເປັນຈຳນວນຫລາຍ ແລະໄດ້ມີການຈໍາກັດບໍລິເວນຕົນເອງຢູ່ສູນກັກກັນທີ່ທາງຄະນະສະເພາະກິດແຂວງກຳນົດໄວ້ພ້ອມດຽວກັນນັ້ນກໍໄດ້ມີຜູ້ຕິດເຊື່ອເພີ່ມຂຶ້ນຫລາຍ
ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ກໍ່ໄດ້ລົງມອບ ຕຽງນອນຮອງຮັບຄົນເຈັບ ຈໍານວນ 16 ໜ່ວຍ ຊຸກຍູ້ປະກອບສ່ວນເຂົ້າໃນ ວຽກງານສະກັດກັ້ນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ ແຂວງຈໍາປາສັກ…ອ່ານຕໍ່