ການຈະໃຫ້ຂໍ້ມູນຂອງເຮົາບໍ່ວ່າຈະເປັນເບີໂທຕິດຕໍ່, ທີ່ຢູ່, Facebook ຫຼືເອກະສານຕ່າງໆ ສະໄໝນີ້ມັນຍຸ້ງຍາກແຖມຍັງຍາວເກີນ, ຈະດີກ່ອນບໍ່ຖ້າເຮົາສ້າງ QR Code ໃຫ້ສະແກນເອົາຂໍ້ມູນເລີຍ ຍົກໂທລະສັບມາສະແກນປຸບໄດ້ປັບ, ຖ້າໃຜຍັງບໍ່ຮູ້ວິທີການສ້າງ QR Code ເປັນຂອງຕົວເອງ ເຮັດຕາມວິທີນີ້ເລີຍ
1. ເຂົ້າເວັບໄຊ້ສ້າງ QR Code. ກົດເຂົ້າລິ້ງທີ່ຂໍ້ຄວາມ > (QR Code Generator)
2. ລົງທະບຽນ SIGN UP ເພື່ອເຂົ້າໃຊ້ງານສ້າງ QR Code ຟຣີ
3. ກົດທີ່ເຄື່ອງໝາຍບວກ ເພື່ອສ້າງ QR Code ໃຫມ່
4. ແລ້ວເຮົາກໍ່ເລືອກສິ່ງທີ່ຕ້ອງການໃສ່ໃນ QR Code ບໍ່ວ່າຈະເປັນຮູບ, ເອກະສານ, ເບີຕິດຕໍ່ ເຊິ່ງເຮົາຈະເອົາລິ້ງມາເປັນຕົວຢ່າງ ເລືອກ Website ແລ້ວກົດ Next
5. ວາງລິ້ງທີ່ເຮົາຕ້ອງການຈະໃສ່ລົງ ແລ້ວກົດ Next
6. ສຸດທ້າຍສາມາດເລືອກ Customize ເພື່ອອອກແບບ QR Code ໃຫ້ສວຍງາມໄດ້ ແລ້ວຄ່ອຍກົດດາວໂຫລດມາ
ເທົ່ານີ້ກໍ່ໄດ້ຮູບພາບ QR Code ໄວ້ເພື່ອໃຫ້ສະແກນເຂົ້າໄດ້ເລີຍ, ຫຼືຈະຊອກໂຫລດແອັບທີ່ສາມາດສ້າງ QR Code ແບບນີ້ໃນ App Store ຫຼື Play Store ກໍ່ໄດ້