ຍຸກສະໄໝນີ້ ການແຕ່ງຮູບພາບບໍ່ແມ່ນເລື່ອງຍາກອີກຕໍ່ໄປ ໃຜໆກໍສາມາດແຕ່ງຮູບໄດ້ງ່າຍໆ ບໍ່ຄືກັບແຕ່ກ່ອນທີ່ຍັງບໍ່ມີເທັກໂນໂລຍີ ການທີ່ເຮົາຈະເຮັດໃຫ້ຮູບຂາວດໍາຮູບໜຶ່ງ ເປັນຮູບສີ ຕ້ອງໄດ້ໃຊ້ໂປແກຣມທີ່ມີລາຄາສູງ ເຊິ່ງໃນປັດຈຸບັນສາມາດປ່ຽນໄດ້ງ່າຍໆທີ່ Palette.fm
Emil Wallner ນັກວິໄຈປັນຍາປະດິດ ໄດ້ສ້າງເວັບໄຊ Palette.fm ເຊິ່ງມີລະບົບປັນຍາປະດິດທີ່ເຂົາພັດທະນາຂຶ້ນມາ ສາມາດປ່ຽນພາບຂາວດຳທີ່ອັບໂຫຼດລົງໄປໃຫ້ປ່ຽນເປັນພາບສີໄດ້ງ່າຍໆ. ນອກຈາກນີ້, ຜູ້ໃຊ້ງານຍັງສາມາດແກ້ໄຂຂໍ້ຄວາມບັນຍາຍພາບ ເພື່ອປັບແຕ່ງສີໃຫ້ໄດ້ຕົງກັບທີ່ເຮົາຕ້ອງການຫຼາຍຂຶ້ນ.
Palette.fm ຈະຮຽນຮູ້ວັດຖຸໃນພາບທີ່ໄດ້ຮັບ ແລະ ເດົາວ່າວັດຖຸນັ້ນມີສີຫຍັງຕາຮມທຳມະຊາດ ໂດຍອາໄສຂໍ້ມູນຈາກທີ່ໄດ້ຮັບການເທນມາ, Wallner ໄດ້ອະທິບາຍວ່າ ເຂົ້າສ້າງໂມເດວປັນຍາປະດິດຂຶ້ນມາ 2 ໂມເດວ ຄື: ໂມເດວທຳອິດຈະເອົາໄວ້ເບິ່ງຮູບພາບ ແລະ ສ້າງຂໍ້ຄວາມບັນຍາຍພາບຂຶ້ິນມາ, ສ່ວນອັນທີ 2 ແມ່ນ ຈະໃຊ້ຂໍ້ຄວາມທີ່ຖືກສ້າງຂຶ້ນມາປະກອບກັບພາບຂາວດຳທີ່ຖືກປ້ອນຂໍ້ມູນໃຫ້ມາປະມວນຜົນຮວມກັນ ເພື່ອປ່ຽນພາບດັ່ງກ່າວໃຫ້ເປັນພາບສີ.
ຈາກການທົດລອງໃຊ້ງານແປງຮູບພາບໃນຄວາມລະອຽດສູງສູດຢູ່ທີ່ 1920*1440 ພິກເຊວ, ສາມາດປ່ຽນພາບໃຫ້ມີສີທີ່ເກືອບສົມຈິງໄດ້ແທ້ ເພາະຍັງມີບາງສິ່ງເລັກໆນ້ອຍໆ ທີ່່ມີສີຜິດພ້ຽນໄປ ແລະ ຍັງມີຟິວເຕີແບບຕ່າງໆໃຫ້ເລືອກເພື່ອປ່ຽນບັນຍາກາດຂອງພາບ ອີກດ້ວຍ.
ສຳລັບວິທີການໃຊ້ງານແມ່ນ ງ່າຍໆພຽງແຕ່ເຮົາອັບໂຫຼດຮູບພາບ ແລ້ວໃຫ້ມັນປະມວນຜົນກໍເປັນອັນສຳເລັດ.
