ຜົນການສຳຫຼວດຈາກອົງກອນ Resolution Foundation (RF) ປະເທດອັງກິດ ໄດ້ເປີດເຜີຍວ່າ: ຄົນເຈນ Z ມີຄວາມຕຶງຄຽດສະສົມຫຼາຍກວ່າ ຄົນເຈນ X ສົ່ງຜົນເຮັດໃຫ້ຂາກວຽກດຸ ແລະ ຮູສຶກວ່າ ບໍ່ປະສົບຜົນສຳເລັດໃນຊີວິດ.
ນອກຈາກນີ້, ໃນລາຍງານທີ່ສະຫຼຸບໂດຍ fortune.com ຍັງໄດ້ສະແດງໃຫ້ເຫັນວ່າ ຄວາມຕຶງຄຽດດັ່ງກ່າວ ສະສົມມາຕັ້ງແຕ່ສະໄໝຮຽນມະຫາວິທະຍາໄລ ໂດຍມີສາຍເຫດມາຈາກຄວາມຕ້ອງການປະສົບຜົນສຳເລັດຂອງຄົນໄວນີ້ ແລະ ພາລະພຄ່າໃຊ້ຈ່າຍດ້ານການສຶກສາທີ່ສູງຂຶ້ນກວ່າແຕ່ກ່ອນ.
ທັງນີ້, ໂດຍທົ່ວໄປ ຈະນັບຊ່ວງເວລາເຈນ Z ຄືຜູ້ທີ່ເກີດໃນທ້າຍກຍຸກ 90 ຈົນເຖິງຕົ້ນຍຸກ 2000 ເຊິ່ງເຕີບໃຫຍ່ຂຶ້ນໃນຍຸກເທັກໂນໂລຢີ ສື່ສັງຄົມອອນລາຍ ແລະ ການປ່ຽນແປງສູ່ສັງຄົມດິຈິຕ້ອນ ໂດຍໃນທາງຮູບປະທຳ ຄືຄົນຈົບໃໝ່ ແລະ ໄວເລີ່ມຕົ້ນເຮັດວຽກທີ່ກຳລັງທະຍອຍສູ່ຕະຫຼາດແຮງງານໃນປັດຈຸບັນ.
ສ່ວນໜຶ່ງຂອງຄວາມຄຽດນີ້, ເນື່ອງຈາກໂດຍພື້ນຖານຂອງຄົນລຸ້ນ Z ເປັນຄົນທີ່ມີຄວາມຄາດຫວັງສູງ ໄດ້ເຫັນຄັົນປະສົບຄວາມສຳເລັດຫຼາຍກວ່າຄົນລຸ້ນກ່ອນ ຈາກສື່ສັງຄົມອອນລາຍ ແລະ ຫາກໍໄດ້ພົບກັບສະພາບການແຂ່ງຂັນໃນໂລກແຫ່ງຄວາມເປັນຈິງ ເຊິ່ງແຕກຕ່າງຈາກສິ່ງທີ່ໄດ້ເຫັນໃນສະໄໝຮຽນຢູ່ມະຫາວິທະຍາໄລຫຼາຍ.
ດັ່ງນັ້ນ, ຈຶ່ງບໍ່ແປກໃຈວ່າ ທີ່ຜົນສຳຫຼວດໄດ້ລະບຸວ່າ ຄົນເຈນ Z ມີທ່າອ່ຽງທີ່ຈະລາປ່ວຍເພາະບັນຫາສຸຂະພາບຈິດ ຫຼາຍກວ່າຄົນເຈນ X ແລະ ແມ່ຍິງເຈນ Z ມີທ່າອ່ຽງ ການເກີດບັນຫາສຸຂະພາບຈິດ ຫຼາຍກວ່າຜູ້ຊາຍເຈນ Z ເຖິງ 1.6 ເທົ່າ.
ຄຳແນະນຳທົ່ວໄປສຳລັບຄົນເຈນ Z ຄື ຄວນໃຊ້ເວລາເພື່ອຄົ້ນຫາຄວາມມັກ ລະ ຄວາມຖະໜັດຂອງໂຕເອງໃຫ້ຫຼາຍຂຶ້ນ ຫຼຸດເວລາອອນລາຍໃຫ້ໜ້ອຍລົງ ແລະ ຫາຫົນທາງສ້າງຄວາມສຳພັນກັບຄົນໃນຄອບຄົວ ຕະຫຼອດຈົນເຖິງການພົບປະສັງສັນ ເພື່ອເວົ້າຈາແລກປ່ຽນຄວາມຄິດເຫັນກັບເພື່ອຮ່ວມງານ ແລະ ຫົວໜ້າຂອງໂຕເອງໃຫ້ຫຼາຍຂຶ້ນ.
ຢ່າງໃດກໍຕາມ ບັນຫາສຸຂະພາບຈິດຂອງຄົນແຕ່ລະຊ່ວງໄວ ໃນແຕ່ລະປະເທດ ອາດແຕກຕ່າງກັນອອກໄປຕາມປັດໃຈດ້ານສະພາບແວດລ້ອມແລະ ສັງຄົມ.
ຄົນເຈນ Z ຫຼື ຜູ້ທີ່ມີພຶດຕິກຳແບບ ເຈນ Z ຈຶ່ງຄວນຫາຄວາມສົມດຸນໃນການກເຮັດວຽກ ໂດຍຫັນມາວາງແຜນ, ຈັດລຳດັບຄວາມສຳຄັນ ແລະ ກຳນົດເວລາດເຮັດວຽກ, ພັກຜ່ອນ ເພື່ອຈັດສົມດຸນໃນຊີວິດ ເຖິງວ່າມັນອາດຈະເລີ່ມຕົ້ນໄດ້ຍາກແດ່ ແຕ່ກໍດີກວ່າການເຂົ້າພົບໝໍຈິດຕະແພດໃນອີກບໍ່ເທົ່າໃດປີຂ້າງໜ້າ.