ອາການໄອ ເປັນກົນໄກໜຶ່ງທີ່ຮ່າງກາຍພະຍາຍາມກຳຈັດສິ່ງແປກປອມໃນຮ່າງ ກາຍອອກມາ, ແຕ່ບາງເທື່ອ ອາການໄອກໍອາດເປັນສັນຍານເຕືອນຂອງຮ່າງກາຍ ວ່າມີຄວາມຜິດປົກກະຢູ່ ຫຼື ບໍ່ ຖ້າມີອາການໄອເລັກໜ້ອຍ ແລ້ວບໍ່ມີຢາແກ້ໄອຂັບຂີ້ກະເທີ່ຕິດບ້ານ ກໍອາດຈະລອງເຂົ້າໄປເບິ່ງໃນຄົວ ຊອກຫາສະໝຸນໄພແກ້ໄອທີ່ສາມາດຂັບຂີ້ກະເທີ່ໄດ້.
ຕໍ່ໄປນີ້ແມ່ນ 5 ສະໝຸນໄພໃກ້ໂຕທີ່ສາມາດຊ່ວຍທັງ ແກ້ໄອ ແລະ ຂັບຂີ້ກະເທີ່ ໄດ້ພ້ອມ:
- ໝາກນາວ (Lime)
ເວລາໄອເຈັບຄໍ ຫຼາຍໆຄົນກໍແນະນຳໃຫ້ດື່ມນ້ຳໝາກອຸ່ນໆ ຫຼື ນ້ຳເຜິ້ງຜະສົມໝາກໜາວ, ເພາະນ້ຳອຸ່ນ ແລະ ໝາກນາວ ຈພຊ່ວຍລະລາຍຂີ້ກະເທີ່, ນອກຈາກນີ້ ໃນໝາກນາວມີກົດ (citric acid) ນອກຈາກຈະມີສັບພະຄຸນຫຼຸດການອັກເສບ ຊ່ວຍກຳຈັດເຊື້ອໂຣກທີ່ເຮັດໃຫ້ເຈັບຄໍ ແລ້ວຍັງມີລິດຫຼຸດໄຂ້ ແກ້ກະຫາຍນ້ຳນຳອີກ.
ສູດໝາກນາວແກ້ໄອ: ຄັ້ນນ້ຳໝາກນາວໃຫ້ໄດ້ປະມານ 2-3 ບ່ວງແກງ ຜະສົມກັບເກືອ ຫຼື ລະລາຍໃນນ້ຳອຸ່ນເລັກໜ້ອຍ ດື່ມເທື່ອລະໜ້ອຍແຕ່ດື່ມຕະຫຼອດ.
2. ຂິງ (Ginger)
ຂິງ ຊ່ວຍບັນເທົາອາການໄອແຫ້ງໆ ເນື່ອງຈາກມີຄຸນສົມບັດຕ້ານການອັກເສບ, ນອກຈາກນີ້ ຍັງຊ່ວຍບັນເທົາອາການປຸ້ນທ້ອງ, ເປັນວິນ ໄດ້ນຳອີກ; ຜົນການວິໄຈອັນໜຶ່ງເຜີຍໃຫ້ຮູ້ວ່າ: ສານປະກອບຕ້ານການອັກເສບໃນຂິງບາງຊະນິດ ສາມາດຜ່ອນຄາຍເຍື່ອບຸໃນທາງເດີນຫາຍໃຈ ເຊິ່ງຈະຊ່ວຍຫຼຸດອາການໄອ.
ສູດຂິງແກ້ໄອ: ຊົງຊາຂິງ ຫຼື ນ້ຳຂິງ ແລ້ວຊອຍຂິງສົດໃຫ້ເປັນແຜ່ນບາງໆ ລົງໃນຈອກນ້ຳຮ້ອນ, ອາດຈະຕື່ມນ້ຳໝາກນາວລົງໄປນຳ ຖ້າຫາກໃຫ້ເດັກນ້ອຍກິນ ເພາະຈະຊ່ວຍເຮັດໃຫ້ຣົດຊາດດີຂຶ້ນ ກິນງ່າຍຂຶ້ນ.
3. ໝາກຂາມ (Tamarind)
ໝາກຂາມ ເປັນໝາກໄມ້ທີ່ມີຣົດຊາດສົ້ມຄືກັບໝາກນາວ ມີວິຕາມິນສູງ ເຊິ່ງໃນຝັກໝາກຂາມແກ່ມີສານສຳຄັນ ໄດ້ແກ່ ກົດທາຣ໌ທາຣິກ (tartaric acid) ໝາກຂາມ ຊ່ວຍບັນເທົາອາການໄອ, ບັນເທົາອາການໄຂ້, ເຮັດໃຫ້ຊຸ່ມຄໍ, ຊື່ນໃຈ ແລະ ຊ່ວຍລະລາຍຂີ້ກະເທີ່.
ສູດໝາກຂາມແກ້ໄອ: ໝາກຂາມ ສາມາດກິນແບບສົດໆໄດ້ ຄືໃຊ້ຝັກໝາກຂາມແກ່ຈ້ຳເກືອກິນໄດ້ເລີຍ ຫຼື ຄັ້ນນ້ຳຜະສົມເກືອ ຄ່ອຍໆ ຈິບ ເພື່ອບັນເທົາອາການໄອ.
4. ໝາກນັດ (Pineapple)
ຢູ່ໃນໝາກນັດ ມີໂບຣມີເລນ (Bromelain) ຊຶ່ວອາດຊ່ວຍປິ່ນປົວອາການໄອໄດ້ ໂດຍ ໂບຣມີເລນ ເປັນເອນໄຊມ໌ຈາກໝາກນັດ ມີຄຸນສົມບັດຕ້ານການອັກເສບ ແລະ ອາດມີຄຸນສົມບັດລະລາຍຂີ້ກະເທີ່ໄດ້ນຳອີກ, ແຕ່ທັງນີ້ກໍບໍ່ຄວນກິນ ຫຼື ດື່ມນ້ຳໝາກນັດ ຫຼາຍຈົນເກີນໄປ ເພາະອາດຈະເກີດຜົນເາຍກັບຮ່າງກາຍໄດ້.
ສູດໝາກນັດແກ້ໄອ: ໃຊ້ໝາກນັດຄັ້ນນ້ຳສົດ ຕື່ມເກືອເລັກໜ້ອຍ ແລ້ວນຳມາຈິບເບົາໆ ເພື່ອໃຫ່ຊຸ່ມຄໍ, ແກ້ໄອ ແລະ ລະລາຍຂີ້ກະເທີ່.
5. ໝາກຂາມປ້ອມ (Indian Gooseberry)
ຕາມຕຳລາບູຮານກ່າວໄວ້ວ່າ ຂອງທີ່ມີຣົດຊາດສົ້ມທຸກຊະນິດ ຊ່ວຍລະລາຍຂີ້ກະເທີ່ໄດ້ ແລະ ປັດຈຸບັນມີການສຶກສາພົບວ່າ ໃນໝາກຂາມປ້ອມ ມີສານທີ່ລະລາຍນ້ຳໄດ້ ມີລິດລະລາຍຂີ້ກະເທີ່.
ສູດໝາກຂາມປ້ອມແກ້ໄອ: ຈະກິນສົດໆ ກໍໄດ້ ຫຼື ໃຊ້ນວນໝາກຂາມປ້ອມສົດຕົ້ມກັບນ້ຳ ໃສ່ເກືອເລັກໜ້ອຍ ແລ້ວເອົາມາດື່ມແບບຈິບໆ ເພື່ອແກ້ໄອ ຂັບຂີ້ກະເທີ່.
#ສະໝຸນໄພແກ້ໄອ #ສຸຂະພາບ #ອາການໄອ
#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.