ໃບໄມ້ທີ່ຫຼົ່ນມີບົດບາດສໍາຄັນ ນອກຈາກຈະສວຍງາມແລ້ວຍັງມີປະໂຫຍດໃນການຮັກສາລະບົບຂອງດິນແລະຄວາມອຸດົມສົມບູນ. ນອກນີ້ ເມື່ອໃບໄມ້ສະຫຼາຍຕົວພວກມັນປ່ອຍສານອາຫານທີ່ຈໍາເປັນອອກມາເຊັ່ນ: ຄາບອນ, ໄນໂຕຣເຈນ, ແລະ ຟັອດໂຟລັດ ກັບຄືນສູ່ດິນ. ສານອາຫານເຫຼົ່ານີ້ແມ່ນມີຄວາມສໍາຄັນຕໍ່ການເຕີບໂຕ ແລະ ການພັດທະນາຂອງພືດ ແລະ ຕົ້ນໄມ້ ເຊິ່ງຈິຊ່ວຍລະບົບນິເວດທັງໝົດ.
ໃບທີ່ຫຼົ່ນລົງຍັງເປັນບ່ອນຢູ່ອາໄສ ແລະ ເປັນອາຫານຂອງສິ່ງມີຊີວິດຫຼາຍຊະນິດ ແມງໄມ້ ເຊື້ອລາ ແລະ ແບັດທີເລີຍຫຼາຍຊະນິດຈະເຕີບໂຕໃນໃບເນົ່າ ເພື່ອທໍາລາຍໃບ ແລະ ສົ່ງກັບຄືນສູ່ດິນ. ລະບົບນິເວດນີ້ຈະຊ່ວຍຮັກສາຄວາມສົມດູນຂອງດິນ ເຊິ່ງມີຄວາມຈໍາເປັນສໍາລັບການໝູນວຽນຂອງສານອາຫາ ແລະ ການເຮັດວຽກຂອງລະບົບນິເວດໂດຍລວມ.
ສຸດທ້າຍໃບທີ່ຫຼົ່ນແລ້ວຍັງສາມາດນຳໃຊ້ເປັນປຸຍໃນດິນປູກຝັງຕາມທຳມະຊາດໃນສວນ ແລະ ເອົສໄປປົກຄຸມສວນ ເພື່ອຍັບຍັ້ງຫຍ້າໄດ້ ພໍພຽງເທົ່ານັ້ນຍັງສາມາດຊ່ວຍປົກປ້ອງຮາກພືດຈາກອຸນຫະພູມທີ່ສູງ ເຊິ່ງໃບໄມ້ເປັນວັດສະດຸຄຸມດິນທີ່ຍ່ອຍໄປຕາມການເວລາ ເພີ່ມສານອາຫານທີ່ມີຄຸນຄ່າໃຫ້ກັບດິນ ແລະປັບປຸງສຸຂະພາບໂດຍລວມຂອງດິນ.
ນອກຈາກນັ້ນ, ການໃຊ້ໃບໄມ້ທີ່ຫຼົ່ນເປັນວັດສະດຸຄຸມດິນຈະຊ່ວຍຫຼຸດຜ່ອນຄວາມຕ້ອງການສໍາລັບຝຸ່ນສັງເຄາະ ແລະ ຢາຂ້າແມງໄມ້ ສົ່ງເສີມການເຮັດສວນແບບຍືນຍົງ ແລະ ເປັນມິດກັບສິ່ງແວດລ້ອມອີກດ້ວຍ. ໂດຍລວມແລ້ວ, ໃບໄມ້ທີ່ຫຼົ່ນລົງມາໃຫ້ປະໂຫຍດຫຼາຍຢ່າງນອກຈາກຄວາມງາມ ນີ້ເຮັດໃຫ້ໃບເປັນຊັບພະຍາກອນທີ່ມີຄຸນຄ່າສໍາລັບການຮັກສາລະບົບນິເວດທີ່ດີ.