ຜັກຂະ ຫຼື ຜັກເນົ່າ ເປັນຜັກພື້ນບ້ານຂອງລາວ ປະຊາຊົນຊາວລາວນິຍົມປູກໄວ້ຕາມແຄມຮົ້ວເຮືອນຂອງຕົນເອງ ໂດຍຄຸນລັກສະນະເດັ່ນຂອງ “ຜັກຂະ” ກໍຄື ເປັນພືດຕະກູນຖົ່ວທີ່ມີໜາມແຫຼມຄົມຕາມກິ່ງກ້ານ, ມີກິ່ນຮຸນແຮງ ບາງທ້ອງຖິ່ນເອີ້ນ ຜັກຂະຕາມກິ່ນວ່າ “ຜັກເນົ່າ”.
ເຖິງວ່າ “ຜັກຂະ” ຈະມີກິ່ນແຮງ ແຕ່ກໍແຝງດ້ວຍຄຸນປະໂຫຍດຫຼາຍຢ່າງຕໍ່ຮ່າງກາຍ ດັ່ງນີ້:
- ເຮັດໜ້າທີ່ເປັນດ່ານປ້ອງກັນມະເຮັງໃຫ້ກັບຮ່າງກາຍ ເພາະເປັນໂຕຈັບສານກໍ່ມະເຮັງ ເພື່ອໃຫ້ຮ່າງກາຍລຳລຽງຖິ້ມໄປໃນທີ່ສຸດ.
- ຈຳນວນເບຕ້າແຄໂຣທີນໃນຍອດສີຂຽວເຂັ້ມ ຊ່ວຍປ້ອງກັນໂລກຫົວໃຈຂາດເລືອດໄດ້.
- ຍອດ ແລະ ໃບ ມີລົດຈືດ ກິ່ນແຮງ ຊ່ວຍຫລຸດຄວາມຮ້ອນຂອງຮ່າງກາຍ.
- ຮາກຂອງຜັກຂະຊ່ວຍແກ້ອາການທ້ອງຍື່ງ, ຂັບລົມໃນລຳໄສ້ ແກ້ອາການປວດໃນທ້ອງໄດ້ດີ.