ລຳໄສ້ນ້ອຍປຽບດັ່ງໂຮງງານ ທີ່ປ່ຽນຮູບອາຫານ ໃຫ້ມີຂະໜາດນ້ອຍລົງຈົນຮ່າງກາຍ ສາມາດດູດຊຶມໄປໃຊ້ໄດ້. ດັ່ງນັ້ນ ມັນຈຶ່ງມີເວລາເຮັດວຽກ ແລະ ຕ້ອງການເວລາສຳລັບພັກຜ່ອນຄືກັນ.
ທ່ານຮູ້ບໍວ່າ ຖ້າຮ່າງກາຍຂອງເຮົາບໍ່ໄດ້ຮັບເຂົ້າເຊົ້າ ຈະເປັນການທຳຮ້າຍລຳໄສ້ນ້ອຍໃຫ້ອ່ອນແອ ແລະ ສົ່ງຜົນໄລຍະຍາວ ເພາະຖ້າຫາກບໍ່ມີອາການມາລໍຖ້າຍ່ອຍ ລຳໄສ້ນ້ອຍກໍຈະຍ່ອຍໂຕເອງ ຊຶ່ງເປັນຄວາມຟົກຊຳ້ພາຍໃນທີ່ເຮົາເບິ່ງບໍ່ເຫັນ ແລ້ວລຳໄສ້ນ້ອຍກໍຈະເຮັດວຽກໂດຍປ່ຽນຮູບອາຫານທີ່ໄດ້ຈາກຕອນເຊົ້າ ທັງ ຄາໂບໄຮເດຣດ (ທາດແປ້ງ), ໄຂມັນ, ເກືອແຮ່ ເປັນພະລັງງານທັງໝົດ ກ່ອນຮອດເວລາກິນເຂົ້າສວາຍ.
ໄລຍະເວລາທີ່ລຳໄສ້ນ້ອຍເຮັດວຽກໄດ້ດີທີ່ສຸດ ຄື ຕັ້ງແຕ່ເວລາ 13-15 ໂມງ. ດັ່ງນັ້ນ ເຮົາຈຶ່ງຄວນງົດກິນອາຫານທຸກປະເພດ ໃນຕອນນີ້ ເພື່ອໃຫ້ລຳໄສ້ນ້ອຍ ເຮັດໜ້າທີ່ດູດຊຶມອາຫານ ແລະ ນຳໄປສ້າງກົດ ອະມີໂນ ເສີມສ້າງຈຸລັງສະໝອງ ແລະ ສ້ອມແຊມທີ່ຟົກຊໍ້າ.
ດັ່ງນັ້ນ ຈຶ່ງເປັນເຫດຜົນທີ່ວ່າ ເວລາທີ່ເຮົາມີບັນຫາກັບລະບົບທາງເດີນອາຫານ ເປັນຫຍັງທ່ານໝໍຈຶ່ງຢໍ້າວ່າ ໃຫ້ເຮົາກິນອາຫານໃຫ້ຖືກເວລາ ລວມເຖິງງົດອາຫານມັນ ແລະອາຫານທອດ ເພາະລຳໄສ້ນ້ອຍ ບໍ່ສາມາດດູດຊຶມໄດ້ ແຖມຍັງເຮັດໃຫ້ເກີດແກ໊ດອີກດ້ວຍ.
#ສຸຂະພາບ #ການກິນອາຫານ
#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.