ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.
ນັບວ່າເປັນຄັ້ງທໍາອິດ ທີ່ຜູ້ເຂົ້າຮ່ວມຈະໄດ້ສໍາຜັດກັບປະສົບການທີ່ບໍ່ຄືໃຜໃນການໃຊ້ງານ Galaxy AI ໃນອຸປະກອນໃໝ່ຫຼ້າສຸດຂອງ ຊໍາຊຸງ ເຊີ່ງໄດ້ຖືກປັບແຕ່ງໃຫ້ໃຊ້ງານໃນການນໍາໃຊ້ AI ຮ່ວມກັບໜ້າຈໍພັບຂະໜາດໃຫຍ່ຂອງ Galaxy Z Fold ແລະ Galaxy Z Flip ໄດ້ຢ່າງມີປະສິດທິພາບ ທັງໃນຮູບແບບຂອງ Flex Window ແລະ Flex Mode ເພື່ອສ້າງສັນການສື່ສານ ແລະ ການເຮັດວຽກຢູ່ໃນໂລກຍຸກໃໝ່.
“ການສ້າງນະວັດຕະກໍາທີ່ ຊໍາຊຸງ ເຮົາໄດ້ເຮັດມາເປັນເວລາດົນນານແລ້ວ ທີ່ເຮັດໃຫ້ເຮົາເປັນຜູ້ນໍາທັງໃນດ້ານການຜະລິດສະມາດໂຟນແບບພັບໄດ້ ແລະ ການພັດທະນາໂທລະສັບມືຖືເຂົ້າສູ່ຍຸກ AI, ຕອນນີ້ເຮົາມີຄວາມຮູ້ສືກຕື່ນເຕັ້ນທີ່ຈະໄດ້ນຳເອົາເຕັກໂນໂລຊີນີ້ມາຮ່ວມກັນ ແລະ ເປີດໂອກາດໄປສູ່ຄວາມເປັນໄປໄດ້ໃໝ່ໆ ສໍາລັບຜູ້ໃຊ້ທົ່ວໂລກ, ສະມາດໂຟນຈໍພັບໄດ້ຂອງເຮົາບໍ່ພຽງແຕ່ຈະຕອບສະໜອງຄວາມຕ້ອງການສະເພາະດ້ານຂອງຜູ້ຊົມໃຊ້ທຸກຄົນໄດ້ ແຕ່ດ້ວຍພະລັງງານຂອງ Galaxy AI ຍັງຈະເຮັດໃຫ້ຊໍາຊຸງໄດ້ມອບປະສົບການການໃຊ້ງານທີ່ກ້າວໜ້າອີກຂັ້ນ ແບບທີ່ບໍ່ເຄີຍມີມາກ່ອນ” ທ່ານ TM Roh ປະທານ ແລະ ຫົວໜ້າຝ່າຍພະແນກໂທລະສັບມືຖືຂອງ Samsung Electronics ກ່າວ.
ທັງນີ້ Galaxy Z Fold6 ແລະ Z Flip6 ໄດ້ຮັບການອອກແບບໃຫ້ມີຄວາມບາງ ແລະ ເບົາທີ່ສຸດເທົ່າທີ່ເຄີຍມີມາ ເພື່ອໃຫ້ ເໝາະສົມກັບການພົກພາ ໃນຂະນະທີ່ການອອກແບບໜ້າຈໍຢ່າງມີມາດຕະຖານ, ຂອບລຽບ ເຮັດໃຫ້ຜິວສໍາຜັດໜ້າຈໍລຽບ ແລະ ບາງສວຍງາມປະກອບກັບອັດຕາສ່ວນຂອງໜ້າຈໍດ້ານນອກ ທີ່ເຮັດໃຫ້ການໃຊ້ງານເປັນທໍາມະຊາດຫຼາຍຂຶ້ນ.
ໃນດ້ານໂຄງສ້າງຂອງ Galaxy Z Fold6 ແລະ Flip6 ໄດ້ຮັບການອອກແບບທາງວິສະວະກໍາເພື່ອໃຫ້ທົນທານຫຼາຍຂື້ນກວ່າເກົ່າ ທັງບານພັບແບບຮ່າງຄູ່ທີ່ເຮັດໃຫ້ການພັບແນບສະນິດຂຶ້ນ ແລະ ກະຈາຍແຮງກະທົບຈາກພາຍນອກໄດ້ດີ. ນອກຈາກນັ້ນ, ຈຸດພັບເທີງໜ້າຈໍພາຍໃນຍັງໄດ້ຮັບການພັດທະນາໃຫ້ມີຄວາມທົນທານຂຶ້ນ ເຊັ່ນດຽວກັບໂຄງສ້າງພາຍນອກທີ່ເຮັດວັດສະດຸທີ່ແຂງແຮງຂຶ້ນ Armor Aluminum ເຄືອບດ້ວຍແກ້ວ Corning® Gorilla® Glass Victus® 2 ເຊິ່ງເຮັດໃຫ້ເປັນ Galaxy Z Series ທີ່ທົນທານທີ່ສຸດເທົ່າທີ່ເຄີຍມີມາ.
ບໍ່ພຽງແຕ່ດ້ານນອກເທົ່ານັ້ນ Galaxy Z Fold6 ແລະ Z Flip6 ຍັງມາພ້ອມຊຸດປະມວນຜົນ Snapdragon® 8 Gen 3 Mobile Platform for Galaxy processor ເຊິ່ງລວມເອົາຫນ່ວຍປະມວນຜົນທີ່ມີປະສິດທິພາບສູງທັງ CPU,GPU ແລະ NPU ທີ່ລ້ຳໜ້າກວ່າລຸ້ນກ່ອນ ພອ້ມແຜ່ນລະບາຍຄວາມຮ້ອນພາຍໃນທີ່ມີຂະໜາດໃຫຍ່ຂື້ນໃນ Galaxy Z Fold6 ແລະ ນັບວ່າເປັນຄັ້ງທຳອິດ ທີ່ມີການໃສ່ແຜ່ນລະບາຍຄວາມຮ້ອນໃນ Galaxy Z Flip6 ອີກດວ້ຍ.
ປະຕິຮູບການສື່ສານໃນແບບບໍ່ມີຊາຍແດນ
ຊໍາຊຸງ ໄດ້ປັບປຸງ Galaxy AI ສໍາລັບໂທລະສັບສະມາດໂຟນຈໍພັບໄດ້ ເພື່ອໃຫ້ຜູ້ໃຊ້ງານໄດ້ຮັບປະສົບການການສື່ສານໄດ້ຢ່າງເຕັມທີ່ ເຊັ່ນ: ການແປພາສາຂອງຄູ່ສົນທະນາດ້ວຍ interpreter ທີ່ໃຊ້ງານໜ້າຈໍດ້ານນອກ ແລະ ດ້ານໃນພອ້ມກັນ ເພື່ອຄວາມສະດວກທັງສອງດ້ານ .
ໜ້າຈໍພັບໄດ້ແບບ Flex Mode ຂອງ Galaxy Z Series ຍັງເຮັດໃຫ້ການວາງໂທລະສັບເພື່ອໂທ ຫຼື ຮັບສາຍ ຜ່ານ live Translation ໄດ້ງ່າຍຂຶ້ນ ຫຼື ໃຊ້ງານຮ່ວມກັບ Galaxy Buds3 Series ເພື່ອສົ່ງສຽງທີ່ແປແລ້ວໄປຫາຫູຟັງ ໂດຍກົງຄ້າຍຄືກັບການເວົ້າພາສາດຽວກັນ.
Galaxy Buds3 Series ຍັງຊ່ວຍເຮັດໃຫ້ການສື່ສານຊັດເຈນຫຼາຍຂຶ້ນ ດ້ວຍລະບົບການວິເຄາະສຽງທັງພາຍໃນ ແລະ ພາຍນອກ ກ່ອນນໍາມາປັບຄຸນນະພາບສຽງ ໂດຍການເພີ່ມ/ຫຼຸດສຽງໃຫ້ຢູ່ໃນລະດັບທີ່ເໝາະສົມ ຕັດສຽງລົບກວນໃນທັນທີດ້ວຍລະບົບ Adaptive EQ ແລະ Adaptive ANC ໃຫ້ທັນທີ ພ້ອມການອອກແບບໃໝ່ທີ່ມີກ້ານຫູຟັງແບບ Blade Light ທີ່ທັນສະໄໝ ແລະ ຄວບຄຸມການໃຊ້ງານໄດ້ງ່າຍພຽງແຕ່ປາຍນິ້ວສຳຜັດ.
ເປີດໂລກແຫ່ງການເຮັດວຽກ ແລະ ຄວາມຄິດສ້າງສັນດ້ວຍ Galaxy AI.
ຊໍາຊຸງໄດ້ປັບປຸງຄຸນສົມບັດ Note Assist ສໍາລັບ Galaxy Z Fold6 ແລະ Z Flip6 ໃຫ້ກ້າວໜ້າໄປອີກຂັ້ນດ້ວຍຄຸນສົມບັດໃໝ່ໆເຊັ່ນ:
- PDF overlay Translation ເປັນຜູ້ຊ່ວຍໃນການແປຂໍ້ຄວາມຈາກເອກະສານ PDF ມາສະຫຼຸບ ຫຼື ການແປປະໂຫຍກໃນ PDF ແບບຊອ້ນທັບລົງໃນຂໍ້ຄວາມເກົ່າ ເພີ່ມຄວາມສະດວກໃນການອ່ານ.
- Composer ເຮັດວຽກຮ່ວມກັບ Samsung Keyboard ເປັນຜູ້ຊ່ວຍໃນການຂຽນຂໍ້ຄວາມໃຫ້
ເໝາະສົມກັບສະຖານະການເຊັ່ນ: ການຂຽນເພື່ອສົ່ງອີເມວ ແລະ ການຂຽນເພື່ອນໍາໃຊ້ໃນສື່ອອນລາຍ ໂດຍວິເຄາະຈາກຂໍ້ຄວາມທີ່ຂຽນໄວ້ກ່ອນໜ້ານີ້ແລ້ວແນະນຳຂໍ້ຄວາມ ແລະ ຈະສະແດງຂໍ້ຄວາມໃຫ້ເຮົາໃນບົດສົນທະນານັ້ນໆ.
- Sketch to image ເປັນການໃຊ້ງານຮ່ວມກັບ S Pen ໃຫ້ຜູ້ໃຊ້ສາມາດແຕ້ມລາຍເສັ້ນຂອງສິ່ງທີ່ຕ້ອງການລົງຮູບພາບ ແລະ ລະບົບຈະປະມວນຜົນ Galaxy AI ຈະເຮັດໃຫ້ລາຍເສັ້ນທີ່ແຕ້ມເທິງໜ້າຈໍກາຍເປັນວັດຖຸຕົວຈິງທີ່ສອດຄ້ອງກັບຮູບພາບທີ່ມີຢູ່ມາໃຫ້ເລືອກ. ໂດຍນອກຈາກໃນ Samsung Notes ແລ້ວຍັງສາມາດໃຊ້ Sketch to image ໃນ Samsung Gallery ໄດ້ໂດຍກົງອີກດ້ວຍ.
- Photo Assist ເທີງໜ້າຈໍຂະໜາດໃຫຍ່ຂອງ Z Fold6 ໃຫ້ປະສົບການແບບມືອາຊີບ ໃນການຜະລິດຄອນເທັນທັງຈາກຮູບພາບນີ້ງ ແລະ ຈາກຮູບພາບວິດີໂອ.
- Portrait Studio ປ່ຽນຮູບພາບຖ່າຍບຸກຄົນເປັນຮູບພາບກາຕູນ 3D ຫຼື ເປັນຮູບແຕ້ມສີນໍ້າ ເພື່ອການສ້າງສັນຜົນງານໃຫ້ຫຼາຍຂື້ນ
- Instant Slow- Mo ໃຊ້ AI ເພື່ອປ່ຽນຈາກຮູບພາບວິດີໂອປົກກະຕິເປັນວິດີໂອການ Slow Motion ໂດຍການໃຊ້ AI ເພື່ອປະມວນຜົນ ແລະ ເພີ່ມຈໍານວນເຟຣມໃຫ້ອັດຕະໂນມັດ ເພື່ອໃຫ້ມີຄວາມເພີດເພີນກັບຊ່ວງເວລາທີ່ໜ້າປະທັບໃຈໄດ້ຢ່າງຊ້າໆ ແລ້ວເລືອກບັນທຶກຊ່ວງເວລາດັ່ງກ່າວ ເພື່ອແບ່ງປັນ (Share) ໄປຫາໝູ່ເພື່ອນ ຫຼື ຄອບຄົວໄດ້.
- Auto Zoom Camera ຊູມເຂົ້າອອກອັດຕະໂນມັດ ຕາມການເຄື່ອນໄຫວຂອງຄົນຢູ່ທາງໜ້າກ້ອງ ເພື່ອໃຫ້ໄດ້ຮູບພາບທີ່ຄົມຊັດທີ່ສຸດ ບໍ່ວ່າທ່ານຈະຍ່າງເຂົ້າ ຫຼື ຍ່າງອອກຈາກກ້ອງກໍຕາມ.
ຊໍາຊຸງ ຍັງໄດ້ໃສ່ຄວາມສາມາດໃນການສ້າງສັນຜົນງານໃນຮູບແບບອື່ນໆ ພ້ອມຈະປັບປຸງກ້ອງຂອງ Galaxy Z Series ລຸ້ນ ໃໝ່ຫຼ້າສຸດໃຫ້ມີສັກກະຍະພາບຫຼາຍຂຶ້ນອີກຫຼາຍລາຍການ ອີກທັງຍັງໄດ້ຮ່ວມມືກັບ Google ໃນການປະສານການເຮັດວຽກຂອງ app Google Gemini ເຂົ້າໃນລະບົບຂອງ Galaxy Z Series ຢ່າງສົມບູນ ເພື່ອສ້າງຜູ້ຊ່ວຍ AI ສ່ວນຕົວໃນສະມາດໂຟນຈໍພັບທີ່ຈະເຊື່ອມຕໍ່ກັບການບໍລິການຕ່າງໆຂອງ Google ໂດຍກົງເຊັ່ນ: Google Map ແລະ YouTube ເພື່ອຊ່ວຍຄົ້ນຫາ ແລະ ຕອບຄໍາຖາມກ່ຽວກັບເນື້ອຫາ ໃນແອັບໄດ້ທັນທີໃນຮູບແບບ Circle to Search.
ພະລັງ AI ແລະ ການອອກແບບເພື່ອໂລກສີຂຽວ
ໃນການເປີດໂຕ Galaxy Z Series ໃນຄັ້ງນີ້ ຊໍາຊຸງ ໄດ້ເສີມສ້າງໃຫ້ເຫັນເຖິງຄວາມມຸ່ງໝັ້ນໃນການເຮັດສິ່ງຕ່າງໆ ເພື່ອຜູ້ຄົນ ແລະ ໂລກໃບນີ້ ດວ້ຍການເພີ່ມການໃຊ້ວັດສະດຸລີໄຊເຄິນໃນສ່ວນປະກອບຕ່າງໆຂອງ Galaxy Z Fold6 ແລະ Flip6 ໃຫ້ຫຼາຍຂຶ້ນ ລວມທັງພາລາສະຕິກ, ອາລູມິນຽມ ແລະ ແກ້ວ. ນັບຄັ້ງທໍາອິດທີ່ມີຄໍາ ແລະ ທອງແດງລີໄຊເຄິນໃນຕົວເຄື່ອງອີກດ້ວຍ ໂດຍທັງໝົດຜະລິດໄດ້ມາດຕະຖານລະດັບພຣີມ້ຽມທີ່ມີຄວາມແຂງແຮງ, ສວຍງາມ, ທົນທານ ແລະ ເປັນມິດກັບສິ່ງແວດລ້ອມ ເຊັ່ນດຽວກັບກ່ອງບັນຈຸ ທີ່ເຮັດຈາກວັດສະດຸ Recycle 100% ແລະ ນະໂຍບາຍການອັບເດດຊອບແວຣ໌ໃຫ້ຫຼາຍເຖີງ 7 ປີ ເພື່ອຊ່ວຍຍືດອາຍຸ ແລະ ຫຼຸດຜ່ອນຂີ້ເຫຍື້ອອີເລັກໂທຣນິກ.
ສັ່ງຊື້ມື້ນີ້ ພ້ອມຮັບໂປຣໂມຊັນສຸດຄຸ້ມ ທີ່ Galaxy Experience Space ແລະ ຮ້ານຄ້າທົ່ວປະເທດ.
ຜູ້ທີ່ສົນໃຈສາມາດເຂົ້າຮ່ວມສໍາຜັດປະສົບການໃນການໃຊ້ Galaxy AI ໄດ້ທີ່ Galaxy Experience Space ທີ່ນະຄອນຫຼວງວຽງຈັນ ແລະ ເພີດເພີນໄປກັບກິດຈະກໍາຕ່າງໆຂອງ ຊໍາຊຸງ ໃນຕັ້ງແຕ່ວັນທີ 12-28 ກໍລະກົດ 2024 ທີ່ສູນການຄ້າ Parkson ນະຄອນຫຼວງວຽງຈັນ ພ້ອມຮັບໂປຣໂມຊັນສຸດຄຸ້ມ ໃນການສັ່ງຊື້ລ່ວງຫນ້າ.
ພິເສດ! ມີຈໍານວນຈໍາກັດສະເພາະຢູ່ ສປປ ລາວ ເທົ່ານັ້ນ ຜູ້ສັ່ງຈອງ Samsung Galaxy Z Fold6 ຈະໄດ້ຮັບການອັບເກຣດຈາກ 512GB ເປັນ 1TB ແລະ ເຄດໜັງ ພ້ອມຮັບປະກັນໜ້າຈໍແຕກ 1 ປີ ລາຄາ 49,399,000 ກີບ. ມີ 3 ສີໃຫ້ເລືອກຄື: ສີເງິນ Silver Shadow, ສີບົວ ແລະ ສີຟ້າ Navy ສໍາລັບຜູ້ທີ່ສັ່ງຈອງ Galaxy Z Flip6 ຈະໄດ້ຮັບໂມງ Galaxy Watch FE ແລະ ເຄດໃສ່ພ້ອມແຫວນ ພ້ອມຮັບປະກັນໜ້າຈໍແຕກ 1 ປີ ໃນລາຄາ 30,999,000 ກີບ ໂດຍມີໃຫ້ເລືອກ 3 ສີເຊັ່ນດຽວກັນ: ສີເງິນ Silver Shadow, ສີຟ້າ ແລະ ສີເຫຼືອງ.
ລາຍລະອຽດກ່ຽວກັບຜະລິດຕະພັນ ແລະ ໂປຮໂມຊັນສາມາດຕິດຕາມຂໍ້ມູນເພີ່ມເຕີມໄດ້ທີ່ເວັບໄຊທ໌. facebook.com/Samsung Laos.