ລັດຖະບານຍີ່ປຸ່ນ ອະນຸມັດເງິນຊ່ວຍເຫລືອ ສປປ ລາວ ມູນຄ່າ 274.459 ໂດລາສະຫະ ລັດ ເພື່ອສະໜັບສະ ໜູນການກໍ່ສ້າງສູນຝຶກອົບຮົມ ແລະ ການຮຽນຮູ້ ເພື່ອພັດທະນາຄວາມສາມາດໃຫ້ກັບຜູ້ພິການ ໃຫ້ມີວຽກເຮັດງານທຳ ທີ່ເມືອງວຽງໄຊ ແຂວງຫົວພັນ.
ໂດຍທ່ານ ທາເຄຊິ ຮິຄິຮາຣະ ເອກອັກຄະ ຣາຊະທູດ ຍີ່ປຸ່ນປະຈຳ ສປປ ລາວ ແລະ ທ່ານ ນາງ ໂທມິໂກະ ມາອາຈິມະ ປະທານອົງການພັດທະ ນາຄົນພິການ ອາຊີ(ADDP) ໄດ້ຮ່ວມລົງນາມໃນສັນຍາ ຮັບເອົາທຶນດັ່ງກ່າວ ໃນວັນທີ 28 ກຸມ ພາ 2019 ນີ້ ທີ່ນະຄອນຫລວງວຽງຈັນ.
ໂຄງການດັ່ງກ່າວ ຈະໄດ້ຮັບການສ້າງຂຶ້ນ ພາຍຫລັງທີ່ໄດ້ຮັບທຶນຊ່ວຍເຫລືອ ຈາກລັດຖະບານຍີ່ປຸ່ນໃນຄັ້ງນີ້ ເພື່ອເປັນບ່ອນຮຽນຮູ້ ແລະ ສາມາດເຂົ້າເຖິງການຝຶກວິຊາຊີບ ຂອງຄົນພິການທາງພາກເໜືອ ໂດຍສະເພາະແຂວງຫົວພັນ ເຊິ່ງຈະຊ່ວຍໃຫ້ເຂົາເຈົ້າເພີ່ມທັກສະໃນດ້ານຕ່າງໆ ເປັນຕົ້ນແມ່ນ ການຈັດສວນ ແລະ ປູກຜັກ ຜ່ານການຝຶກອົບຮົມວິຊາຊີບ ເຊິ່ງເປັນການພັດທະນາຄວາມສາມາດ ໃນການມີວຽກເຮັດງານທຳ ສາມາດສ້າງລາຍໄດ້ ເພິ່ງຕົນເອງ ກຸ້ມຕົນເອງຂອງຄົນພິການລາວ.
ທີ່ມາ: ຂປລ