ວັນທີ 6 ກັນຍາ 2018, ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງ ສາລະວັນ ໄດ້ຈັດກອງປະຊຸມ ເຜີຍແຜ່ມາດຕະຖານ ປູກຈິດສຳນຶກ ແລະ ຊຸກຍູ້ຜູ້ປະກອບການ ໃຫ້ມີການປັບປຸງ ບັນດາຫົວໜ່ວຍທຸລະກິດ ໃນຂະແໜງ ການທ່ອງທ່ຽວທົ່ວແຂວງ ເພື່ອເປັນການຕີລາຄາການຈັດຕັ້ງປະຕິບັດວຽກງານ ການທ່ອງ ທ່ຽວ ໂດຍສະເພາະຢູ່ 4 ແຂວງພາກໃຕ້ ໃຫ້ປະຕິບັດຕາມມາດຕະຖານເຂົ້າສູ່ລະບົບ, ທັງເອົາໃຈ ໃສ່ພັດທະນາ ທາງດ້ານພື້ນຖານໂຄງລ່າງ ການທ່ອງທ່ຽວ ເຊັ່ນ: ເສັ້ນ ທາງ ເຂົ້າແຫລ່ງທ່ອງທ່ຽວ, ກິດຈະກຳການທ່ອງທ່ຽວ ແລະ ສິ່ງອຳນວຍຄວາມສະດວກອື່ນໆ ເພື່ອ ຮອງຮັບການທ່ອງທ່ຽວ ໃຫ້ມີການຂະຫຍາຍຕົວດີຂຶ້ນ.
ທ່ານ ສົມໃຈ ອຸ່ນຈິດ ຫົວໜ້າພະແນກ ຖວທ ແຂວງໃຫ້ຮູ້ວ່າ: ປັດຈຸບັນ ແຂວງສາລະວັນ ມີໂຮງ ແຮມທັງໝົດ 7 ແຫ່ງ, ເຮືອນພັກ 50 ແຫ່ງ, ຮ້ານອາຫານ 48 ແຫ່ງ, ຮ້ານບັນເທີງ 2 ແຫ່ງ, ຮ້ານກິນ ດື່ມ-ບັນເທີງ 70 ແຫ່ງ ແລະ ບໍລິສັດທ່ອງທ່ຽວ 2 ບໍລິສັດ. ໃນນັ້ນ ໄດ້ແບ່ງຂັ້ນຄຸ້ມຄອງໃຫ້ ແຂວງ 67 ແຫ່ງ, ເມືອງ 112 ແຫ່ງ, ຈັດລະດັບມາດຖານໂຮງແຮມ 3 ດາວ 1 ແຫ່ງ, ໂຮງແຮມ 2 ດາວ 1 ແຫ່ງ, ເຮືອນພັັກທີ່ ມີ 3 ດອກຈຳປາ 3 ແຫ່ງ ແລະ ເຮືອນພັກ ມີ 1 ດອກຈຳປາ, 1 ແຫ່ງ, ໄດ້ເຜີຍແຜ່ລະ ບອບການຄຸ້ມຄອງໂຮງແຮມ, ເຮືອນພັກ ແລະ ມາດຕະຖານໂຮມສະເຕ, ຫົວໜ່ວນທຸລະກິດ ໃນເທດ ສະ ບານແຂວງ ແລະ ຕາດເລາະ. ພ້ອມນັ້ນ,ໄດ້ຍົກລະດັບ ໃຫ້ບັນດາຫົວໜ່ວຍທຸລະກິດບໍລິການ ເພື່ອຍົກສູງ ຄວາມສາມາດ ໃນຂະແໜງການທ່ອງ ທ່ຽວ ແລະ ປະສານສົມທົບກັບຫ້ອງການ ຖວທ ເມືອງ ໃນການຄຸ້ມ ຄອງ, ຕິດຕາມ, ກວດກາ ການບໍລິການ ຮ້ານອາຫານ, ສະຖານບັນເທິງ, ສະຖານທີ່ທ່ອງທ່ຽວ, ການ ລົງທຶນ ແລະ ທຸລະກິດນຳທ່ຽວ ໃຫ້ເຂົ້າສູ່ລົບ ແລະ ຖືກຕາມມາດຕະຖານການທ່ອງທ່ຽວ.
ທີ່ມາ: ຂປລ