ທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະໄດ້ສໍາເລັດການເຂົ້າຮ່ວມກອງປະ ຊຸມສາກົນ ກ່ຽວ ກັບອະນາຄົດຂອງອາຊີ ຄັ້ງທີ 25, ພາຍໃຕ້ຫົວຂໍ້:“ຄົ້ນຫາລະບຽບໂລກແບບໃຫມ່ເພື່ອແກ້ໄຂຄວາມວຸ້ນວາຍໃນໂລກ (Seekinga newglobalorder-overcomingthe chaos)”,ໃນວັນທີ 30-31 ພຶດສະພາ ຜ່ານມາ, ທີ່ໂຕກຽວປະເທດຍີ່ປຸ່ນ.
ກອງປະຊຸມຄັ້ງນີ້, ທ່ານນາຍົກລັດຖະມົນຕີໄດ້ຂຶ້ນກ່າວປາໄສໂດຍໄດ້ຍົກໃຫ້ເຫັນເຖິງສະພາບການຄວາມວຸ້ນ ວາຍສັບສົນທີ່ພວມ ເກີດຂຶ້ນໃນປັດຈຸບັນ ແລະ ໄດ້ສະແດງທັດສະນະ ແລະ ວິໄສທັດເພື່ອແກ້ໄຂຄວາມຫຍຸ້ງ ຍາກສັບສົນດັ່ງກ່າວດ້ວຍຂໍ້ລິເລີ່ມ ແລະ ກົນ ໄກການຮ່ວມມືທີ່ມີຄວາມຍຸຕິທໍາ, ໂປ່ງໃສ່, ເທົ່າທຽມກັນ ແລະ ບໍ່ຂຶ້ນກັບປະເທດໃດຫນຶ່ງ ຫຼື ກຸ່ມເສດຖະກິດໃດຫນຶ່ງບົນພື້ນຖານ ການມີສ່ວນຮ່ວມຂອງປະຊາຄົມໃນທົ່ວໂລກ ເພື່ອຈະນໍາພາໂລກນີ້ກ້າວໄປສູ່ໂລກແຫ່ງໂລກາພິວັດທີ່ມີຄຸນນະພາບສູງ, ຍືນຍົງມີ ຄວາມສະເຫມີພາບ, ມີຜົນປະ ໂຫຍດຮ່ວມກັນ ແລະ ຄົງຮັກສາໄວ້ສັນຕິພາບ, ສະຖຽນລະພາບ ແລະ ຄວາມຫມັ້ນຄົງໃນໂລກ.
ໂອກາດດັ່ງກ່າວທ່ານ ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະເຮັດວຽກກັບທ່ານ ຊິນໂຊອາເບະ, ນາຍົກລັດຖະມົນຕີຍີ່ປຸ່ນ, ຊຶ່ງໄດ້ແລກປ່ຽນຄໍາຄິດເຫັນກ່ຽວກັບ ການຮ່ວມມືສອງຝ່າຍ ແລະ ຫຼາຍຝ່າຍ, ປຶກສາຫາລືເພື່ອເພີ່ມທະວີຮັດແຫນ້ນການຮ່ວມມື ສອງຝ່າຍກໍຄື ທິດທາງການຮ່ວມມືໃນຕໍ່ຫນ້າ. ນອກນັ້ນ, ຝ່າຍລາວໄດ້ສະແດງຄວາມຊົມເຊີຍຕໍ່ຜົນສໍາເລັດຂອງກອງປະຊຸມສຸດ ຍອດແມ່ນ້ໍາຂອງ-ຍີ່ປຸ່ນ ຄັ້ງທີ 10 ພາຍໃຕ້ການເປັນເຈົ້າພາບຂອງຍີ່ປຸ່ນໃນເດືອນຕຸລາ 2018 ທີ່ ໂຕກຽວຜ່ານມາ ແລະ ທັງສອງ ຝ່າຍຈະສືບຕໍ່ຮ່ວມມືກັນຈັດຕັ້ງປະ ຕິບັດຍຸດທະສາດໂຕກຽວ 2018 ເພື່ອການຮ່ວມມືແມ່ນ້ໍາຂອງ-ຍີ່ປຸ່ນ (TokyoStrategy2018 for Mekong-JapanCoopera-tion) ໃຫ້ປະສົບຜົນສໍາເລັດ.
ພ້ອມດຽວກັນນີ້, ໄດ້ມີພິທີລົງນາມເອກະສານ ແລກ ປ່ຽນ2ສະບັບຄື: ໂຄງການພັດທະນາຊັບພະຍາກອນມະ ນຸດ, ມີມູນຄ່າ 308 ລ້ານເຢນ, ຊຶ່ງແມ່ນໂຄງການຊ່ວຍເຫຼືອຂອງລັດຖະບານຍີ່ປຸ່ນ ແລະ ການປັບປຸງສົນທິສັນ ຍາຂົນສົ່ງທາງອາກາດສອງຝ່າຍ ສປປ ລາວ ແລະ ຍີ່ປຸ່ນ.
ຮ່ວມລົງນາມໂດຍທ່ານ ວິໂຣດ ສູນດາຣາ ເອກອັກ ຄະລັດຖະທູດແຫ່ງ ສປປ ລາວ ປະຈໍາຍີ່ປຸ່ນ ຕາງຫນ້າລັດຖະ ບານລາວ ແລະ ທ່ານ ທາເຄຊິ ຮິກິຮາຣະ ເອກອັກຄະຣາຊະທູດ ຍີ່ປຸ່ນ ປະຈໍາ ສປປ ລາວ, ຕາງຫນ້າລັດຖະບານຍີ່ ປຸ່ນ ໂດຍການ ເປັນສັກຂີພິຍານຂອງສອງທ່ານນາຍົກລັດຖະມົນຕີແຫ່ງ ສປປ ລາວ ແລະ ຍີ່ປຸ່ນ.
ທ່ານ ທອງລຸນສີສຸລິດ ໄດ້ໃຫ້ສໍາພາດຕໍ່ຫນັງສື ພິມ ແລະ ໂທລະພາບນິກເກ ກ່ຽວກັບສະພາບການພັດທະນາເສດຖະກິດ-ສັງຄົມຂອງ ສປປ ລາວ ໃນປັດຈຸບັນ ແລະ ທັດສະນະຕໍ່ ການພົວພັນຮ່ວມມືລະຫວ່າງສປປ ລາວ ກັບ ບັນດາປະເທດຕ່າງໆໃນ ພາກພື້ນລວມທັງຍີ່ປຸ່ນໃນປັດຈຸບັນກໍຄື ໃນອະນາຄົດແລະ ຮັບການເຂົ້າຢ້ຽມຂໍ່ານັບຂອງປະທານອົງການ JETRO ແລະ ບໍລິສັດ ຂອງຍີ່ປຸ່ນຈໍານວນຫນຶ່ງ.
ການເຄື່ອນໄຫວຂອງທ່ານນາຍົກ ລັດຖະມົນຕີຢູ່ຍີ່ປຸ່ນ ໃນຄັ້ງນີ້ເປັນໂອກາດອັນດີ ໃນການປະກອບສ່ວນ ເຂົ້າໃນການຮັດແຫນ້ນສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານກໍຄືການເປັນຄູ່ຮ່ວມມືຍຸດທະສາດລະຫວ່າງ ສປປ ລາວ ແລະ ຍີ່ປຸ່ນ ໃຫ້ກວ້າງຂວາງ ແຫນ້ນແຟ້ນ ແລະ ເລິກເຊິ່ງຂຶ້ນກວ່າເກົ່າໂດຍສະເພາະການດຶງດູດການລົງ ທຶນຈາກຍີ່ປຸ່ນ ມາລົງທຶນຢູ່ ສປປ ລາວໃຫ້ນັບມື້ນັບ ຫຼາຍຂຶ້ນ.
ການເຄື່ອນໄຫວຂອງທ່ານນາຍົກ ລັດຖະມົນຕີຢູ່ຍີ່ປຸ່ນ ໃນຄັ້ງນີ້ເປັນໂອກາດອັນດີ ໃນການປະກອບສ່ວນເຂົ້າໃນການຮັດແຫນ້ນສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານກໍຄືການເປັນຄູ່ຮ່ວມມືຍຸດທະສາດລະຫວ່າງ ສປປ ລາວ ແລະ ຍີ່ປຸ່ນ ໃຫ້ກວ້າງຂວາງ ແຫນ້ນແຟ້ນ ແລະ ເລິກເຊິ່ງຂຶ້ນກວ່າເກົ່າໂດຍສະ ເພາະການດຶງດູດການລົງ ທຶນຈາກຍີ່ປຸ່ນ ມາລົງທຶນຢູ່ ສປປ ລາວໃຫ້ນັບມື້ນັບຫຼາຍຂຶ້ນ.
ແຫຼ່ງຂໍ້ມູນຈາກ: ໜັງສືພິມ ປະຊາຊົນ