Arts and Cultures

ນາງ ພອນທະວີ ແສງສຸລີ (ພອນ), 27ປີ, ນັກສຶກສາປີສຸດທ້າຍ ສາຂາ ແກະສະຫຼັກ, ສະຖານບັນວິຈິດສິນແຫ່ງຊາດ ເວົ້າໄດ້ວ່າ ເປັນແມ່ນຍິງລາວ ອີກຄົນ ໜຶ່ງທີ່ມັກຮັກໃນສາຍວິຈິດສິນ ໂດຍສະເພາະແມ່ນການແກະສະຫຼັກ ເຊິ່ງເຂົາໄດ້ສ້າງ ຜົນງານອອກມາຫຼາກຫຼາຍຜົນງານ ຈາກແນວຄວາມຄິດຂອງເຂົາເອງ.

ຜ້າຝ້າຍຕຸ່ນ ລາຍລື້ດັ້ງເດີມຂອງ ເມືອງເງິນ, ແຂວງ ໄຊຍະບູລີ ເປັນລວດລາຍຂອງຜືນຜ້າ ທີ່ສະທ້ອນໃຫ້ເຫັນຄຸນຄ່າຄວາມເປັນລາວ, ວັດທະນະທໍາ, ວິຖີຊີວິດ ແລະ ພູມປັນຍາຂອງຄົນຊົນເຜົ່າລື້ ທີ່ສືບທອດກັນມາຢ່າງຍາວນານ ປັດຈຸບັນ ໄດ້ຖືກຍົກລະດັບໃຫ້ເປັນສິນຄ້າ “ໜຶ່ງເມືອງ ໜຶ່ງຜະລິດຕະພັນ ODOP” ຂອງເມືອງເງິນ ໄປແລ້ວ.

ຊົນເຜົ່າຫໍ້ ແມ່ນຊົນເຜົ່າໜຶ່ງ ທີ່ຂຶ້ນກັບວົງຄະນະຍາດແຫ່ງຊາດລາວ ແລະ ຈະອາໄສຢູ່ທາງພາກເໜືອຂອງປະເທດລາວ ໂດຍສະເພາະແມ່ນ ແຂວງ ອຸດົມໄຊ. ເຊິ່ງພວກເຂົາມີພາສາປາກເວົ້າ ແລະ ມີຕົວໜັງສືຂຽນເປັນຂອງໂຕເອງ ໂດຍຊົນເຜົ່າຫໍ້ ຍັງຮັກສາຄວາມເຊື່ອຖືທາງດ້ານຮີດຄອງປະເພນີ ແລະ ວັດທະນະທໍາ ທີ່ເປັນເອກະລັກຂອງຕົນໄວ້ເປັນຢ່າງດີ.

ຮູບປັ້ນແມ່ຍິງລາວ ທີ່ກຳລັງຟ້ອນດວງຈຳປາ ເປັນອີກຜົນງານໜຶ່ງທີ່ໂດດເດັນຂອງທ້າວ ໜິງໜ່ອງ ວຽງວິໄລວອນ, 25 ປີ ນັກສຶກສາປີ 5, ສາຂາປັ້ນຫຼໍ່, ສະຖາບັນວິຈິດສິນແຫ່ງຊາດ ທີ່ເລືອກປັ້ນຫຸ່ນນີ້ເປັນບົດຈົບຊັ້ນປີສຸດທ້າຍ ຫຼື ສິລະປະນິພົນ.

ນາງ ເກດມະນີ ແໜ້ນຄຳ, ນັກສຶກສາ ສະຖາບັນວິຈິດສິນແຫ່ງຊາດ ປີ 1 ເປັນແມ່ຍິງອີກຄົນໜຶ່ງ ທີ່ມັກ ແລະ ສົນໃຈໃນສິລະປະການແຕ້ມຮູບພາບ ເຮັດໃຫ້ເຂົາຕັດສິນໃຈເລືອກທີ່ຈະຮຽນໃນສາຍນີ້.

ນີ້ແມ່ນ ໄມ້ແຄນບູຮານ ທີ່ຕັ້ງຈັດວາງສະແດງໄວ້ຢູ່ວັດບ້ານ ນາຍາວ, ເມືອງ ແລະ ແຂວງ ໄຊຍະບູລີ. ໂດຍເພິ່ນໄດ້ມີການສັນນິຖານເບື້ອງຕົ້ນວ່າ ມັນມີອາຍຸປະມານ 900 ປີ, ເປັນສີດຳກໍ່າ, ຍາວຢຽດຊື່ດີ, ມີ 2 ຮາກຄືກັບ ແງ່ມຫົວເຮືອຊ່ວງ, ແຕ່ຮາກຂຶ້ນຫາທາງປາຍ ມີລັກສະນະກົມອ້ວຍລ້ວຍ ໂດຍມີຕາພຽງຈຸດດຽວ.

ເພື່ອເປັນການສົ່ງເສີມການສຳພັນທະໄມຕີ ລະຫວ່າງ 2 ປະເທດ ລາວ-ໄທ ໃນວັນທີ 25 ກໍລະກົດ 2022 ທ່ານ ເຈດສະດາ ກະຕະເວທິນ, ເອກອັກຄະຣາຊະທູດໄທ ປະຈຳ ສປປ ລາວ ໄດ້ເປັນປະທານຮ່ວມໃນພິທີເປີດງານວາງສະແດງສິລະປະຮ່ວມສະໄໝ ລາວ-ໄທ ເພື່ອສົ່ງເສີມສຳພັນໄມຕີລະຫວ່າງໄທ ກັບ ສປປ ລາວ ທີ່ສະຖາບັນວິຈິດສິນແຫ່ງຊາດ, ນະຄອນຫຼວງ ວຽງຈັນ.

ຄວາມເຊື່ອກ່ຽວກັບການລ້ຽງ "ຜີປ່າຊ້າ" ກໍເປັນປະເພນີຄວາມເຊື່ອອີກອັນໜຶ່ງຂອງຊົນເຜົ່າຢັ້ງ ເປັນການເຮັດທານໃຫ້ແກ່ບັນພະບູລຸດ ຫຼື ຜີພໍ່ຜີແມ່ ຜູ້ທີ່ລ່ວງລັບໄປແລ້ວ ໃຫ້ມາຮັບເອົາຂອງທານທີ່ລູກຫຼານໄດ້ເຮັດທານໃຫ້