Tag: ວັດທະນະທຳລາວ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ວັດປ່າຮວກ ຕັ້ງຢູ່ ຕີນພູສີ ບໍລິເວນປ່າໄມ້ຮວກ ຕໍ່ໜ້າຫໍພິພິທະພັນ (ພະລາດຊະວັງເກົ່າ) ເຊິ່ງອາຣາມວັດປ່າຮສກ ໄດ້ສ້າງຂຶ້ນໃນປີ ຄສ 1861 ໃນສະໄໝເຈົ້າແຜ່ນດິນ ຈັນທະເທບ ປະພາຄຸນ, ຢູ່ຝາດ້ານໃນຂອງວັດນີ້ ຍັງມີຮູບແຕ້ມຝາຜະໜັງເລື່ອງ “ທ້າວຊົມພູປັຕິ” ເຊິ່ງເປັນເລື່ອງນິຍາຍຄຳສອນ ຂອງພຣະພຸດທະເຈົ້າ ເພື່ອບໍ່ໃຫ້ຄົນເຮົາປະພຶດຕົນດ້ວຍຄວາມອວດອົ່ງທະນົງໂຕ ໃຫ້ຫຼຸດຄວາມຄວາມ ໂກຖະມານະ ລົງ.

ພຣະທາດສຸວັນນະຜ້າຄຳ ທີ່ຕັ້ງຢູ່ເທິງເນີນພູສູງ 200 ແມັດ, ຫ່າງຈາກທ່າເຮືອໃຈກາງເທດສະບານເມືອງ ຫ້ວຍຊາຍ ໄປປະມານ 3 ກິໂລແມັດ, ເປັນອີກພຣະທາດໜຶ່ງທີ່ຂຶ້ນຊື່ຂອງແຂວງບໍ່ແກ້ວ ແລະ ມີປະຫວັດຄວາມເປັນມາທີ່ໜ້າຄົ້ນຫາ.

ພຣະພຸດທະເຈົ້າໄດ້ກ່າວເຖິງຂັນຫ້າແທ້! ແຕ່ບໍ່ແມ່ນ ທຽນຫ້າຄູ່ ແລະ ດອກໄມ້ ຫ້າຄູ່. ຂັນຫ້າຕາມຄວາມໝາຍຂອງ ພຣະພຸດທະເຈົ້າ ແມ່ນ ເລື່ອງຂອງ ອະລິຍະສັດ ໂດຍໝາຍເຖິງ ຮູບປະທັມ ແລະ ນາມມະທັມ ທັງຫ້າ ທີ່ພາໃຫ້ເກີດເປັນຊີວິດຄົນເຮົານັ້ນເອງ

ສະຖານທີທ່ອງທ່ຽວວັດທະນະທຳລາວ ບ້ານນາຊາຍທອງ ຕັ້ງຢູ່ບ້ານນາຊາຍທອງເໜືອ ເມືອງນາຊາຍທອງ, ນະຄອນຫຼວງ ວຽງຈັນ ເປັນອີກສະຖານທີ່ທ່ອງທ່ຽວໜຶ່ງ ທີ່ເນັ້ນການອະນຸລັກວັດທະນະທຳ, ຮີດຄອງປະເພນີ ອັນດີງາມ ຂອງຊາດລາວ, ໂດຍໄດ້ສ້າງເຮືອນຊົງລາວ ເພື່ອສະແດງເຖິງວິຖີການດຳລົງຊີວິດຂອງຊາວລາວ ໃນເມື່ອກ່ອນ ເຊິ່ງໄດ້ຈັດໃຫ້ມີຫຼາຍກິດຈະກຳ ທີ່ສ່ອງແສງໃຫ້ເຫັນເຖິງ ວັດທະນະທຳ, ຮີດຄອງປະເພນີ, ຕິດພັນກັບການນຸ່ງຖື ຂອງປະຊາຊົນລາວບັນດາເຜົ່າ ໃນເມື່ອກ່ອນ, ທັງຕິດພັນການອະນຸລັກ, ຮັກສາສິ່ງແວດລ້ອມ ແລະ ອື່ນໆອີກ.

ພໍຕົກມາ ເດືອນ 6 ລາວ ເປັນໄລຍະຕົ້ນລະດູຝົນ ເຊິ່ງປະຊາຊົນລາວ ໂດຍສະເພາະ ຊາວໄຮ່ຊາວນາ ກໍກະກຽມລົງໄຮ່ລົງນາ ເພື່ອທຳການຜະລິດໃຫ້ຖືກຕາມລະດູການ ແລະ ຕາມປະເພນີທີ່ສືບທອດກັນມາ ຈະໄດ້ມີ ບຸນບັ້ງໄຟ ທີ່ຖືວ່າເປັນ ປາງບຸນໃຫຍ່ໜຶ່ງ ໃນຮີດສິບສອງຄອງສິບສີ່ ຂອງປະເພນີລາວ ຈັດຂຶ້ນທຸກໆປີ ຫຼັງບຸນປີໃໝ່ ໂດຍເຊື່ອກັນວ່າ ເປັນພິທີກໍາ ຄອບໄຂວ່ ເທວະດາຟ້າແຖນ ເພື່ອຂໍຝົນ ໃຫ້ຕົກຕາມລະດູການ ເພື່ອໃຫ້ ພືດພັນ, ຜົນລະປູກຈະເລີນງອກງາມ.

ສວນພຶກສາ ເປັນໜຶ່ງໃນສະຖານທີ່ທ່ອງທ່ຽວທາງວັດທະນະທຳຂອງ ນະຄອນຫຼວງ ວຽງຈັນ ທີ່ໄດ້ຮວບຮວມເອົາພູມປັນຍາ, ຫົວຄິດປະດິດສ້າງຂອງປະຊາຊົນລາວບັນດາເຜົ່າຕັ້ງແຕ່ອະດີດຈົນເຖິງປັດຈຸບັນ ໃນຂອບເຂດທົ່ວປະເທດ ມາລວມໄວ້ຢູ່ບ່ອນດຽວ.

ດິນແດນສະຖານຂອງວັດປ່າເລໄລ ແລະບ້ານຊາຍຟອງເໜືອ ເວົ້າລວມກໍ່ຄືຂົງເຂດແຖວນີ້ ແມ່ນເປັນເມືອງເກົ່າແກ່ບູຮານ ເປັນບ້ານເປັນເມືອງທີ່ຈະເຣີນຮຸ່ງເຮືອງມາແຕ່ອະດິດ ເພາະຂົງເຂດນີ້ ໄດ້ຮັບເອົາແນວຄິດຄວາມເຊື່ອຖື ແລະສິລະປະຂະເໜນແບບບາຢອງ ແລະພຣະພຸດທະສາສະໜາມີອິດທິພົນແລະຈະເຣີນຮຸ່ງເຮືອງ ໃນຍຸກຂອງພຣະເຈົ້າໄຊຍະວໍຣະມັນທີ 7 ເພາະໃນຍຸກສະໄໝຂອງພຣະອົງ ເພິ່ນຈະເປັນຜູ້ທີ່ປ່ຽນແປງຄວາມເຊື່ອຈາກສາສະໜາພຣາມ ຫັນຫນ້າມາສູ່ພຣະພຸດທະສາສະໜາ