ໂຮງໝໍແຂວງອັດຕະປື ແລະ ໂຮງໝໍເມືອງ ສະໜາມໄຊ ຕ້ອງການເຄື່ອງມືແພດ ແລະ ຢາປົວພຍາດ ບາງປະເພດເພີ່ມຕື່ມ ເພື່ອປິ່ນປົວ ຄົນເຈັບປ່ວຍ ທີ່ເຂົ້າມາ ປີ່ນປົວ ຢູ່ໂຮງໝໍ ແລະສູນຮອງຮັບຕ່າງໆ ຫລາຍຮ້ອຍຄົນຕໍ່ມື້. ດັ່ງ ຫົວໜ້າໂຮງໝໍ ເມືອງ ສະໜາມໄຊ ແຂວງ ອັດຕະປື ກ່າວວ່າ:
“ກໍຕ້ອງການຢູ່ແລ້ວເນາະເຄື່ອງມືຫັ້ນນ່າ ຫລາຍໆ ແນວແລ້ວເນາະ ນັບແຕ່ເຄື່ອງມືການແພດ ການວິເຄາະ ຫລືວ່າຢາຈຳນວນນຶ່ງ ທີ່ຕ້ອງການເປັນນໍ້າຈັ່ງຊີ້ ຢາເມັດຈັ່ງຊີ້ ແລະ ກໍ່ອຸປກອນການແພດຕ່າງໆ ຍັງຂາດຢູ່ສຳລັບໂຮງໝໍເມືອງ”
ທ່ານກ່າວຕື່ມວ່າ ທຸກມື້ນີ້ພົບວ່າ ປະຊາຊົນ ຈະເປັນພຍາດຖອກທ້ອງ ແຕ່ລະບ້ານເພີ່ມຂຶ້ນຫລາຍ ເປັນພະຍາດຜີວໜັງ ເປັນຕຸ່ມເປື່ອຍ ຕ່າງໆ ແລະໄຂ້ຫວັດ ຢູ່ໃນຈຸດບໍລິການ ກໍມີແພດປະຈຳຢູ່ ທັງຈາກປະເທດໄທ ແລະ ຫວຽດນາມ. ຫົວໜ້າຜແນກ ສາທາລະນະສຸກ ແຂວງອັດຕະປື ກໍ່ເວົ້າວ່າເຄື່ອງມື ປະຖົມພະຍາບານເບື້່ອງຕົ້ນ ຍັງຕ້ອງການຫລາຍຢູ່ ສ່ວນອຸປກອນການແພດອື່ນໆ ກຳລັງຮວບຮວມ ແຕ່ລະປະເພດວ່າມີຄວາມຕ້ອງການເພີ່ມເທົ່າໃດ.
ໂຮງໝໍແຂວງອັດຕະປື ແລະ ໂຮງໝໍເມືອງສະໜາມໄຊ ທີ່ປີ່ນປົວຜູ້ປະສົບໄພພິບັດນັ້ນ ມີຜູ້ເຂົ້າມາປີ່ນປົວຫລາຍ ດັ່ງນັ້ນຈື່ງຕ້ອງການເຄື່ອງມື ການແພດ ແລະ ຢາປົວພຍາດຫລາຍຂື້ນ ເປັນຕົ້ນ ຫລັກຕັ້ງສາຍນໍ້າເກືອ, ນໍ້າຢາລ້າງບາດ, ຢາຕ້ານເຊື້ອ, ຢາແກ້ພຍາດຜີວໜັງ ແລະ ພວກຢາກິນທັງແບບນໍ້າ ແລະ ແບບເມັດ.
Cr : www.rfa.org