ຂ່າວດີ ສຳລັບຜູ້ທີ່ມັກຮັກໃນການລ້ຽງສັດລ້ຽງ
ໂຄງການຮ່ວມມືດ້ານວິຊາການສັດຕະວະແພດ ລະຫວ່າງ ມະຫາວິທະຍາໄລຄອນກຸກ ສ ເກົາຫຼີ ແລະ ວິທະຍາໄລເຕັກນິກກະສິກຳດົງຄຳຊ້າງ ໃນການບໍລິການສັກຢາວັກຊີນ ຢາປ້ອງກັນ ແລະ ປິ່ນປົວພະຍາດກາຝາກໃຫ້ສັດລ້ຽງປະຊາຊົນ ແບບບໍ່ເສຍຄ່າ ລະຫວ່າງວັນທີ 16-17 ມັງກອນ 2019 ທີ່ວິທະຍາໄລເຕັກນິກກະສິກຳດົງຄຳຊ້າງ ບ້ານດົງຄຳຊ້າງ ເມືອງຫາດຊາຍຟອງ ນະຄອນຫຼວງວຽງຈັນ.
ງານນີ້ ຜູ້ມີສັດລ້ຽງບໍ່ຄວນພາດ! ໂດຍສະເພາະໜຸ່ມໆສາວໆ ເນື່ອງຈາກວ່າ...
ທີ່ຫ້ອງການສຳນັກງານທະນາຄານພັດທະນາອາຊີ (ເອດີບີ) ນະຄອນຫລວງວຽງຈັນ, ໄດ້ຈັດກອງປະຊຸມເຜີຍແຜ່ບົດລາຍງານ ການຄາດ ຄະເນການພັດທະນາຂອງອາຊີ ປະຈຳປີ 2018 ສະບັບປັບປຸງ, ໂດຍການເປັນປະທານຂອງ ທ່ານ ລັດຕະນະໄຕ ຫລວງລາດບັນດິດ.
ໄດ້ໃຫ້ຮູ້ວ່າ ເສດຖະກິດ ຂອງ ສປປ ລາວ ຈະເຕີບໂຕຢູ່ທີ່ລະດັບປານກາງ ໃນປີ 2018 ເນື່ອງຈາກການຄາດຄະເນ ການຜະລິດຂອງກະສິກຳ ແລະ ບໍ່ແຮ່...
ຈາກກໍລະນີ ໃນວັນທີ 3 ເມສາ 2020 ໃນສື່ສັງຄົມອອນລາຍໄດ້ລົງຂ່າວປອມ ກ່ຽວກັບ ສປປ ລາວ ມີຜູ້ຕິດເຊື້ອເພີ່ມອີກ 10 ຄົນ ລວມເປັນ 20 ຄົນ ໃນນັ້ນ ນະຄອນຫລວງວຽງຈັນ 15 ຄົນ ແລະ ຫລວງພະບາງ 5 ຄົນ ເຊິ່ງຂ່າວດັ່ງກ່າວແມ່ນຂ່າວປອມ
ວັນທີ 4 ເມສາ 2020, ເຈົ້າໜ້າທີ່ໄດ້ຕິດຕາມໂຕຜູ້ລົງຂ່າວປອມ ແມ່ນມາຈາກເຟສບຸກ Nong Phoutthasone ເຊິ່ງແມ່ນເຟສບຸກຂອງ ນາງພຸດທະສອນ ອາຍຸ 31ປີ ບ້ານ ຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ
ຜ່ານການສອບສວນໃຫ້ຮູ້ວ່າ: ນາງພຸດທະສອນ ແມ່ນເປັນຜູ້ໂພສຂ່າວປອມທຳອິດແທ້ ໂດຍເອົາມາຈາກກຸ່ມ ທີ່ສົ່ງຕໍ່ໆກັນມາ ແຕ່ບໍ່ໄດ້ເປັນຜູ້ສ້າງຂຶ້ນເອງ, ຕໍ່ມາວັນທີ 11 ເມສາ 2020 ຜູ້ກ່ຽວໄດ້ອອກມາຂໍໂທດຕໍ່ສັງຄົມ, ການຈັດຕັ້ງທຸກພາກສ່ວນ ແລະ ພໍ່ແມ່ປະຊາຊົນ ສິ່ງທີ່ໂພສນັ້ນບໍ່ແມ່ນຄວາມຈີງ
ແນວໃດກໍ່ຕາມ, ເຖິງວ່າຂ່າວດັ່ງກ່າວ ນາງຈະບໍ່ໄດ້ເປັນຜູ້ເຮັດຂຶ້ນມາເອງ ແຕ່ນາງໄດ້ໂພສຂ່າວດັ່ງກ່າວລົງໃນສື່ອອນລາຍ ເຮັດໃຫ້ສັງຄົມມີຄວາມແຕກຕື່ນ ທັງເປັນການຜິດຕໍ່ກົດໝາຍບ້ານເມືອງ ສະນັ້ນ, ສັງຄົມບໍ່ຄວນເອົາເປັນແບບຢ່າງ ຄວນເສບຂ່າວຢ່າງມີສະຕິ ແລະ ຄວນຮັບຂ່າວຈາກສື່ທາງການເທົ່ານັ້ນ
ທີ່ມາ: https://www.lsecuritynews.com
ທ້າຍອາທິດທີ່ຜ່ານມາ, ພະແນກຕໍາຫຼວດເສດຖະກິດ ຫ້ອງຕໍາຫຼວດ ປກສ ແຂວງສະຫວັນນະເຂດ ພ້ອມດ້ວຍພາກສ່ວນກ່ຽວຂ້ອງ ໄດ້ສຶກສາອົບຮົບຜູ້ຂາຍເລກເຖື່ອນ ຈໍານວນ 11 ຄົນ ຍິງ 4 ຄົນ.
ປັດຈຸບັນ, ມີກຸ່ມຄົນຈໍານວນໜຶ່ງພາກັນລັກລອບເຄື່ອນໄຫວຂາຍເລກເປັນຂະບວນການ ໂດຍບໍ່ໄດ້ຮັບອະນຸຍາດ ຫຼື ເອີ້ນວ່າເລກ/ຫວຍເຖື່ອນນັບທັງ ເລກລາວ, ເລກຫວຽດ ແລະ ເລກໄທ ເພື່ອໃຫ້ຄົນຊ່ຽງໂຊກ ເຊິ່ງເປັນການພະນັນອີກຮູບການໜຶ່ງ.
ແນວໃດກໍ່ຕາມ, ການຂາຍຫວຍເຖື່ອນ ເປັນການກະທໍາທີ່ຜິດຕໍ່ກົດໝາຍອາຍາແຫ່ງ ສປປ ລາວ; ຕາມມາດຕາ 141: ການຫຼິ້ນການພະນັນທີ່ຕ້ອງຫ້າມ ເຊິ່ງລະບຸໄວ້ວ່າ:
ບຸກຄົນໃດຫາກມີການຫຼີ້ນການພະນັນທີ່ຕ້ອງຫ້າມ ຈະຖືກປັບໃໝແຕ່ 5.000.000 ກີບ ຫາ 10.000.000 ກີບ. ບຸກຄົນໃດຫາກໄດ້ສົມຍອມໃຫ້ຫຼິ້ນການພະນັນທີ່ຕ້ອງຫ້າມຢູ່ໃນເຮືອນຂອງຕົນ ຫຼື ເປັນເຈົ້າມື ຫຼື ເປັນຜູ້ກະທໍາຜິດທີ່ບໍ່ເຂັດລາບ ຈະຖືກລົງໂທດຕັດອິດສະຫຼະພາບແຕ່3 ເດືອນ ຫາ 2 ປີ ຫຼື ດັດສ້າງໂດຍບໍ່ຕັດອິດສະຫຼະພາບ ແລະ ຈະຖືກປັບໃໝແຕ່ 5.000.000 ກີບ ຫາ 15.000.000 ກີບ.
ທີ່ມາ: ຄວາມສະຫງົບລາຍວັນ
