ບໍລິສັດ ວີໂວລາວ ໄດ້ນຳເອົາໂທລະສັບມືຖື ສາມາດໂຟນ ວີໂວ ວີ 11 (Vivo V11) ແລະ ວີໂວ ວີ 11ໄອ (Vivo V11i) ລຸ້ນໃໝ່ຫລ້າສຸດມາຈຳໜາຍໃນຕະຫລາດລາວ, ເຊິ່ງພິທີນຳສະ ເໜີໂທລະສັບລຸ້ນດັ່ງກ່າວ, ໄດ້ມີຂຶ້ນ ໃນວັນທີ 16 ກັນຍາ 2018 ທີ່ສູນການຄ້າວຽງຈັນເຊັນເຕີ ໂດຍການເຂົ້າຮ່ວມຂອງ ທ່ານ ເຟີງຈ້ຽນຊິນ ຜູ້ຈັດການບໍລິສັດວີໂວ ປະຈໍາ ສປປ ລາວ, ພ້ອມດ້ວຍແຂກຖືກເຊີນເຂົ້າຮ່ວມ.
ໂທລະສັບ ວີໂວ V11 ມາພ້ອມກັບຄວາມທັນສະໄໝ, ມີກ້ອງອັດສະລິຍະໃນການຖ່າຍຮູບ ເຮັດໃຫ້ຮູບທີ່ຖ່າຍອອກມາງາມຂຶ້ນ. ວີໂວ V11 ໜ້າຈໍກວ້າງ ຂະໜາດ 6,41 ນິ້ວ, ມີຊັດສ່ວນຈໍຕໍ່ຕົວເຄື່ອງ 91,21%, ຂອບດ້ານຂ້າງບາງພຽງ 1,76 ມີລີແມັດ, ມີຄວາມຈໍາ 128 ກິກ, ເຣມ 6 ກິກ, ແບັດເຕີຣີ 4.300 mah, ມີກ້ອງຫລັງເປັນເລນຄູ່ 12 MP+5MP ມາພ້ອມຮູຮັບແສງ f/1.8, ຄວາມລະອຽດ 1.28 UM ພິກເຊວ ແລະ ກ້ອງໜ້າ 25 MP ມີ sensor Dual Pixel ທີ່ມີຈຸດຮັບພາບຫຍາຍເຖິງ 24 ລ້ານຈຸດເພື່ອຖ່າຍຮູບອອກມາສົມຈິງ, ສາມາດລອກໂຟກາສໄດ້ພຽງເວລາ 0,03 ວິນາທີ, ການຖ່າຍຮູບຈະປັບອັດຕະໂນມັດຢູ່ໃນໂຕ ບໍ່ວ່າຈະຢູ່ໃນສະຖານທີ່ໃດ ທຸກຮູບທີ່ຖ່າຍອອກມາຈະມີຄວາມງົດງາມ ແລະ ໂດດເດັ່ນຢ່າງແນ່ນອນ. ສຳລັບ Vivo V11i ມາພ້ອມກັບຄວາມສວຍງາມ, ທັນສະໄໝ, ມີໜ້າຈໍກວ້າງເຖິງ 6,3 ນີ້ວ, ຊັດສ່ວນຈໍສະແດງຜົນ 90,4% ທີ່ສໍາຄັນມີຮູບຊົງແບບ 3 ມິຕິ, ມີຄວາມຈໍາ 128 ກິກ, ເຣມ 4 ກິກ ແລະ ແບັດເຕີຣີ 3.315 mah.
ໂທລະສັບທັງສອງລຸ້ນດັ່ງກ່າວ, ຮອງຮັບ 5G ການຖ່າຍຮູບທີ່ໜ້າເພິ່ງພໍໃຈ ຂອງຜູ້ຊົມໃຊ້, ປົດລອກດ້ວຍລະຫັດ ແລະ ລາຍນີ້ວມື້ແລ້ວ ຍັງສາມາດປົດລອກໄດ້ດ້ວຍ ການສະແກນໃບໜ້ານໍາອີກ.
Cr. KPL
ຮູບພາບຈາກ: https://www.androidpolice.com