Wednesday, July 17, 2024
Lenovo

ຊົມເຊີຍ! ທາງໂຄງການກໍ່ສ້າງທາງລົດດ່ວນຈາກນະຄອນຫລວງວຽງຈັນ ຫາເມືອງວັງວຽງ ຈ່າຍຄ່າຊົດເຊີຍແລ້ວ!

ຕາມໜ້າເພຈ ທ່ານ ສຸລິອຸດົງ ຮອງລມຕ ກະຊວງວິທະຍາສາດແລະເຕັກໂນໂລຊີ ໃຫ້ຮູ້ວ່າ:

ໂຄງການກໍ່ສ້າງທາງລົດດ່ວນຈາກນະຄອນຫລວງວຽງຈັນ ຫາເມືອງວັງວຽງ ແຂວງວຽງຈັນ, ຈະໄດ້ເລີ່ມລົງມືກໍ່ສ້າງໃນກາງເດືອນພະຈິກ 2018 ແລະ ຜູ້ພັດທະນາໄດ້ຈ່າຍເງິນຄ່າຊົດເຊີຍໃຫ້ປະຊາຊົນຜູ້ທີ່ຖືກຜົນກະທົບພາຍໃນເມືອງໂພນໂຮງ ແຂວງວຽງຈັນ ຈຳນວນ 80 ຄອບຄົວໃນ 13 ບ້ານ ລວມມູນຄ່າກວ່າ 11 ຕື້ກີບ ເປັນງວດທຳອິດ.”

(1) ທາງດ່ວນວຽງຈັນ-ວັງວຽງ ຖືກອອກແບບໃຫ້ມີຄວາມກວ້າງຂອງເສັ້ນທາງ 23 ແມັດ, ມີວົງວຽນຈຸດເຊື່ອມຕໍ່ເຂົ້າ-ອອກ 07 ຈຸດ, ມີອຸມົງ 01 ແຫ່ງ (ເຂດພູພະນັງ), ມີຂົວຂ້າມທາງທັງໝົດ 31 ແຫ່ງ, ຂ້າມທາງ 13 ເໜືອມີ 03 ຈຸດ, ຂ້າມທາງລົດໄຟ 04 ຈຸດ ແລະ ຂ້າມທາງເຂົ້າບ້ານທົ່ວໄປ 23 ຈຸດ, ລວມມູນ ຄ່າການກໍ່ສ້າງກວ່າ 01 ຕື້ໂດລາສະຫະລັດ;
(2) ປະທານບໍລິສັດທີ່ປຶກສາດ້ານສິ່ງແວດລ້ອມລາວຈຳກັດໃຫ້ສໍາພາດ:
1. ໂຄງການກໍ່ສ້າງທາງດ່ວນ ນະຄອນຫລວງ-ວັງວຽງ ມີຄວາມຍາວທັງໝົດ 109,12 ກິໂລແມັດ,
2. ໃນນັ້ນໄດ້ຜ່ານເມືອງນາຊາຍທອງນະຄອນຫລວງວຽງຈັນ, ເມືອງໂພນໂຮງ, ຫີນເຫີບ ແລະ ເມືອງວັງວຽງ ແຂວງວຽງຈັນ,
3. ໄດ້ສົ່ງຜົນກະທົບຕໍ່ເນື້ອທີ່ດິນຕ່າງໆຂອງປະຊາຊົນຫລາຍຮ້ອຍຄອບຄົວ,
4. ແນວໃດກໍດີ ປະຊາຊົນກໍໄດ້ໃຫ້ຄວາມຮ່ວມມື ແລະ ປະກອບສ່ວນເຂົ້າໃນການພັດທະນາສໍາລັບໂຄງການດັ່ງກ່າວຢ່າງຕັ້ງໜ້າ,
5. ເພາະເຂົ້າໃຈຕໍ່ການສ້າງສາພັດທະນາພື້ນຖານໂຄງລ່າງຂອງຊາດ ໂດຍໄດ້ເຫັນດີນຳບໍລິສັດ, ຄະນະກຳມະການໄກເກ່ຍສິ່ງຂີດຂວາງ ແລະ ຄົ້ນຄວ້າການກຳນົດຄ່າຊົດເຊີຍ,
6. ເຮັດໃຫ້ການຈ່າຍຄ່າຊົດເຊີຍດຳເນີນໄປດ້ວຍດີ, ມາຮອດປັດຈຸບັນນີ້ ໄດ້ຈ່າຍຄ່າຊົດເຊີຍໃຫ້ແກ່ປະຊາຊົນເມືອງໂພນໂຮງໄປແລ້ວ 80 ຄອບຄົວຂອງ 13 ບ້ານ ລວມມູນຄ່າກວ່າ 11 ຕື້ກີບ,
7. ພ້ອມນີ້ໃນຊຸດຕໍ່ໄປ ຈະສືບຕໍ່ຈ່າຍໃຫ້ປະຊາຊົນຜູ້ໄດ້ຮັບຜົນກະທົບພາຍໃນເມືອງຫີນເຫີບ ແລະ ເມືອງວັງວຽງ,
8. ຫລັງຈາກນັ້ນ ກໍກັບຄືນມາຈ່າຍໃຫ້ປະຊາຊົນເມືອງນາຊາຍທອງນະຄອນຫລວງວຽງຈັນ,
9. ຈະເລັ່ງຈ່າຍຄ່າຊົດເຊີຍໃຫ້ສຳເລັດໂດຍໄວພາຍໃນເດືອນຕຸລາ 2018 ທີ່ຈະມາເຖິງນີ້,
10. ຈະໄດ້ລົງມືກໍ່ສ້າງພາຍໃນກາງເດືອນພະຈິກ 2018 ນີ້,
11. ຈະເລີ່ມກໍ່ສ້າງບັນດາຂົວ ແລະ ເຈາະອຸມົງເປັນໄລຍະທຳອິດກ່ອນ,
12. ການກໍ່ສ້າງທາງດ່ວນແຕ່ນະ ຄອນຫລວງວຽງຈັນ-ເມືອງວັງວຽງດັ່ງກ່າວ ຄາດວ່າຈະກໍ່ສ້າງໃຫ້ສຳເລັດກ່ອນກອງປະຊຸມໃຫຍ່ຄັ້ງທີ XI ຂອງພັກໃນປີ 2020,
13. ດັ່ງນັ້ນ, ຈື່ງຂໍຮຽກຮ້ອງມາຍັງປະຊາຊົນຈົ່ງໃຫ້ຄວາມຮ່ວມມື, ອໍານວຍຄວາມສະດວກ ໃຫ້ແກ່ການກໍ່ສ້າງທາງດ່ວນໃຫ້ສຳເລັດໂດຍໄວ ເພື່ອກະຕຸກຊຸກຍູ້ເສດຖະກິດ-ສັງຄົມຂອງຊາດໃຫ້ມີການ ຂະຫຍາຍຕົວຂຶ້ນເປັນກ້າວໆ.

Cr.Sourioudong Sundara

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.